¹ Mana afaunti Efesesi monopim ankero yupa'i aganta reyane. Mana bayami 7 nia ofuma ayan ugapa fakarukayi 7 nia ake wawki koliga uwakami. ² Yigemi uwarewa aneneyu yoganto mare umom mare wam. Semi intaunam yigemi savi anta ewa yinap bu duwantu ewa. Semi intaunam yigemi ai muna yogam waita yu be sewam, minimi fuga baye muna ino, a'i yimonaruka muna ose sewami. ³ Semi intauna sarage be uma marewa, setivi ka'i anon uma mantuka, yigenti rean bugume buga. ⁴ Yigeka waya dukau, nayeyara, semo siye wa anta yu a'i yera rane. ⁵ Yigemi omare mare inta itekaga yimakuku yera rukanago. Yu waye'de wafa e'ego antayu uwara. Yu o bu wayege'i afo yiyapikem omo gewa yaki yemante fasa danu. ⁶ Ugamifo, mana soke antamo uwarami, ma'nugemi. Yige Nilolaiyi yuyi anta bu awakure wa semba bu siyewam antayu. ⁷ Agagam rukate inta anona manoni Aiyo manomo monopim mose ase wami. Aruvinti kipanani yimi semi eyo sakanu Kotini yuna pike nananim. ⁸ Mana afunti Smena mono pimo wa ankero gu aganyoka. Mana wayami iye wafi ago yaraka bemo kipa kana wayim, fugemo yewayegemo itabuga yinamino. ⁹ Umaru'o mare wami semi amonagau. Anene buruke fa wam . Ugamifo, yigemi nesu anenemi ruka, yenti muna baya intagau, Senu Juda inimwaita bege sewa. Ugamifo Judayu baye, yemi wananoni amagu bemono. ¹⁰ Umanto marabago nanti bufegago,. Ategago, savi waita mano yigemi makadem yimakukun amonarat.YIgemi siyako nuram umam marago yanti. Yigemi itama ake ure baga i'naem fugi ot'i Kimanoni ata uyi kanaga aum maranagom. ¹¹ Agagam bagana Kotini Aiyo mano mono pimo sewa waya intano. Iyewafi erarure aruvi naniyi a'nam buga'i nani en fugika. ¹² Mana afaunti Pgamimi o bam mono mapim ankero gu agan yika, mana bayami kar ayapa'o awawam asi fakaruka fifa beni. ¹³ Semi a'i yimonagau itepa'o bami, minimi wananomo rafikam ayapa'i. Ugamifo yigemi sepa'i yimakukun ewam. Semi intaunami yigenti yimakukun bu ayofaruka sepa'i. Antipasifa ose ugani ure setige fa waitave seti'de wam waitabe. Yige yi'napake mo aruga minifimi wananom bene. ¹⁴ Semi mana'a sito baya yigentinta ruka, yigen yi'wanapa mana'a wa Balam Amo intewayim feyapa bemi sasamemi Israili yu yigafanta Muna Kotika o yukewam yunanu neve famuku anta yu oge semi. ¹⁵ Mana uga, yigenti akum Nikolaiti yu'o yimi duka baya fafakaruka. ¹⁶ Mi'nuafo yu wayegago. Yu'o bu wayegate, semi ame'ure yerave aruvinti yemanta itaranu swauntim ba anako. ¹⁷ Watamo agaga rukate intano Ano'na manoni aiyo mano monopimo asewami. Aupa bam yunam ameve'i mana efar omi amenu auwen avi agakam iyemo aruvinto yakagana yoyi. Mana bayi ba bu amonatemifo mini omo marananiyim mana amonatem. ¹⁸ Mana afaunti agantege Taitara monopim wayi yemeno. Manami Koti aga anoni baya mino augapeke iga gewami aifimi aini uwanta soke umagemi. ¹⁹ Semi yigemo uwarewa aneneyu amonagauno, minimi eno ayiranta, yima kukun. Yigenti yoganta'wa. Sa'dage bega uam mara anta. Semi intaunami magemi yaga yogantanomi wafa'o yo'duka tawa yeka ga. ²⁰ Mana antamo uwarami mana sirakagi buyu yikauno, yigemi muna kasanampa inimi Jesabeli nampa'o mana yiraka'o onanti. Bemi muna sira o famuku antayu'e muna Kotika dan yunanu ne'o nanti. ²¹ Semi beka'i rafi'de wau, au wayegana ninant. Ugamifo beyi savi anta yupem au'i buwaye gana nini uga. ²² Ategago ! Semi ai'i mini inim ami danami sagoka rugem watene. Iye bere famuku anata uwaratem ano'na umanti maratem. Mini inimo awakuremo yu'o buwayegemi. ²³ Semi mini inim mano agafanta yiruma fugonu, mini ami ma'de mono amo natemo semi ma'deyu yi inti nampa yira amo nagau. Mana mana bayimi eni antaga ayami amenu. ²⁴ Ugamifo mana'ami Taitara'o wayi, yigemi mana baya bu awakuromi wananoni yogam tano bu awakurewa. ²⁵ Muna baya yu buyintega itama ake uge baga owayege yeno. ²⁶ Iyewafi aruvinto yakagaremo wananomano mo be'e mo fugi nanika, bemi anon avi amenami madeyu mana magaga inim waita yinoni item. ²⁷ Wata nasi ga enoyi dafisiri inani, yan yiriri inani . ²⁸ Setifo'e pake mantukau nayi uremi. Mana ofu amenu mini aruvinto yeka ganani yimi. ²⁹ Agagamo rukate intano Ano'na manoni Aiyo manoni mono pimo ase wayim.