¹ Mana waya aupa wami jisasi yefa waruga. Gotimimini waya jisasi mi agati ruka yogam waitayu yigateno adeka fawa rinani aneneyu. Jisasi mi ankenro sasa kam bemi Joni wapa mini waya ama uremi akermi. ² Joni mi Goti asima faware mi Jisasi ni fuga waya nampa nayemo amona anene yu. ³ Goti mi soke uyikano mini waya mo iyantayi, kasanampa waya goti pake yigamo intana yoyi awakuri nayo mini kasanampa wayamo afau yaufim bami yimo yoga, naya yara kanami adekagi ewa. ⁴ Joni afau agaregem niu manopa Esia demi agu anene wa arayasi wa yige nampa wano. Goti pake yemi mage bem feyapa bem, awayege yinanim 7 nia savi awamu'o beni kaga ka'o kuma kayi, ⁵ Jisasi ka'i yinani, fuga fuga waita fugintike mo itaga. Mana magaga anom waita yu. Bemi senu ganti ayigaraeve beyi nare nako senu aya uga. ⁶ Bemi made inim waita ga rafisi nani yemi manta Gotini yogam waitayi uyika rem yenyifoe yi'inani. Mininami bemi wantana aumi mara nani. fuga. ⁷ Amonago konaka yemino. Made wata anasi waruruka yi keka yoga'o wamo. Made wata anasifirage ve yiguna u'aka nayo. Eyo fugave. ⁸ Anona mano semi, semi made anene manoni kipanta wa agoyanta wa agoyanta wa, semi mage bei, feyapa bei, inaem ba owa yege yenuna, semi erar anona gotimu. ⁹ Semi Joni yigen yifa yiwa yige nampa Gotini anene fimoumanto mare wauno, yigenampa sarage be'o uma mare wau no. Nayeyara jisasimi awaku rewafau. Gotina se jisasi nifuga waya se, patmos sisika owage'eu. ¹⁰ Semi aiyo aga'anopim wage'eu anona manoni kanafimi. Mana aranti sinepake ufen arini emi. ¹¹ Mani semi, made anenemo amona'na agante ran 7 nia mono pim bino. Efesesi, semina, pegamami, taiatira, sadisi, filadelfia, wa laodisia wa. ¹² Bayebe sinepa kemi iye aseve nafiyo sirei amone'u, yowaye'ge, amonau nami 7nia koriga uwaka omi amoneu. ¹³ Mini awanapa mana waita amona una Goti agagi ugam waita amoneu. Iya'an unam wado uremi aifa yakagaga, anugapim ena una wado yekugem ba. ¹⁴ Anom ba anontau mano sipi sipi ayau gake kani eyuami kanakake kani ewami. Auga mano igagani ewami. ¹⁵ Aigakemi ena'ana ugem bami.Bena manomi ano nonayanta sewami. ¹⁶ Mini waita 7nia ofa ayan ugapa wami mana asimaka awafa awawam asi ofe kumkam. Be norasi ano aigani ewami. ¹⁷ Mini waita'mo amonau'nami, Benaifimi dufa me fugim waita yi unami. Ayan ugapake sino yoga manisemi, bufegano sem. ¹⁸ Semi fawage'e guna waita fubei, mage saum, mante wau. semi fugi ki wa fukam waitayu yi magu fake kifaka rukau. ¹⁹ Magemo amona'na anene nampa magem faware wanene nampa naemo fawa rinani anene agarano. ²⁰ Afo 7nia ofumo siyan ugapa waya amona wa 7nia okewa yakimi mangem, 7nia ofumano mi 7nia mono anoni ankero'gui afo 7nia okewa yakimi 7nia monoi.