¹ Anom waita yu nampa mana'a inti waita yema bemi ikuma yade. ² Yimonami beni kato waita yu fairaga ayanampa yunanewami. ³ Inti waitaunampa judau yiyami seseurem yunami nevemono, naiyeyara, mini yenti wafa kena waitauyi antamino. ⁴ Inti waitauyi mageti magufa yevem savimi inevemono, naiyeyara, wafakena anene ameure marewane, kapuyu, kurayu, kora'ya yau'u nampa. ⁵ Anon intin waita jesumi intaemono, naugaya eni kato waitayuano seyani anom waita ya yu romudem yiyanui bu seseinti yunanu newam. ⁶ Yen yiyimem, aisaiyami kasinampa waiyafikem yigemi wau'u yuge sem mana ini waita semi yibukakem setivi yanievemono, minuga mifo ye yirai senampa neka wane. ⁷ Fami seka mono waiya sevemono waita ya mante yemi yiyime mono. ⁸ Yigemi kotinami ifadei wata ami awakurewane. ⁹ Minisirem yiyimem iteniugaya kotin ami lfade eyi awu awa fakeve! ¹⁰ Mossesi sem, yigem yinafo yami awakurogomini buyite fuginagone. ¹¹ Minugamifo emi se mana waita mose afoe ya anoe yanto se, mana anene sepike marate, minimi koti wapakem yigam. ¹² Minurem em ano sasakem, enafo ya enanoe nanti. ¹³ Minugami yigemi wafakena antayu nampa mantare, kotin ami manta anepa burano. ¹⁴ Yeradeke wata anasi yiyime, "intago masidem, afo intama sokeogo. ¹⁵ Anene mose mapa wami aupem kuminami mini kumi buvem, mini waitafim afo anene mose aupe wamose mapainam, mini kumi ino. ¹⁶ Mage jisasi yera ifadem wata anasiyui naupaofegem. ¹⁷ Bem kato waitayu farokawaiya intaemono. ¹⁸ Jisasi manisem, yigemi mana'a intinti burukege? Minugami yigemi inte buyigege, masiden anene mapa ose watafim bam mini watafim kumi evemino. ¹⁹ Naye yara ben aupem amafopi bubitemifo, ben arapim kuntavem mi aramasipa bitem. ²⁰ Mani sem aupem bam anene yu bidanam mi kumi gi temino. ²¹ Wata aupekem amafo pikem yigam savi anatauano yiri yiri ewa, mini mi, savi monko anta, umor anta nampa aruvimanta. ²² Enon awafu nafi anaka auga nari arewana nampauga nari anta ve erabumake yige makasinti aminanimi. ²³ Made mini saviantami yige aupem bam mini anene yigem mante saviewane. ²⁴ Minigakem itavem tair nampa saidoni minikam magufim bem naupa oravemi enomi intare se me'e minifa bane minugami fo bu ayofatem. ²⁵ Sitoka bami mana inimano benaraumi savi avamu rukem intarem yeravem aifim rufamem. ²⁶ Magemi mini inimi griki inimino, fonisia nantikem yigem. Mini inimi yesu nanti savi awami setiraupike mata fafadano. ²⁷ Mini iminanti sem, e'ana iyaoru yenare mara savi inanim yen yiyapikem rafire iyanu yimim. ²⁸ Minisire sasamem eyo anona'o tebori mamepimba'i iyanu iyaoriu akan yunanu new ane. ²⁹ Minisire mini inim sasamem, emose se fab inonamino, savi awamu'yu a'i yerarem buga. ³⁰ Mini inim yewa yege naupa bem amonami araumi yau fim bami savi awamu yerare buga. ³¹ Mini magu yerarem ena magufa bem mini tari afo oradekemi saidoni yorabe kariri nom wapai, minuga dekaporis yebuga. ³² Minugami mana wata abige bewapa yemono agagan atika baita usukare ami busewa waita, Jisasi nanti aiyami ben amugampa magano sire semono. ³³ Avigem awafa maro magem, ben aiyam, agagaka dem, bem bitem, amafim aneyoduka. ³⁴ Inarufa kagaduka, amonare minisiga (efratha) riyeno. ³⁵ Ese ganti benagaga ribuga afo ese miniga asibuga. ³⁶ Jisasimi buyiyimego siramifo, erarue waiyami sigane. ³⁷ Wata anasi mini waiya intare yintudure manisiga maside anene abogure uwantuakane, agagam atikam nampa ami busewa, nampa magemi, ami intatem.