Anafim 6
1
Bemi Ifademi beyi magufa yiga. Beni yogam waitayu abagure ga.
2
Yaunda kana yiga manaupa upebem baya yiyime. Amuna watanasi intaremi yintuduga, Iteake miniwaya marenesiga? Manamini intinti iyeamenafi? Manami Abugu intinti nafake marenafi? Iteyiyogara berrara yogam benayapike mantafabarem?
3
Bemi mai bu uwarewamwaita aga Maria agage Semi Jemis awae, Jos, Saimoni Judasi? Beayoma mana buwanesire? Jisasim araa savi uakaga.
4
Inaem Jisasi watanasi yiyimemi kasana pa, waita yividukafu semi seti magufi sivi burukaunave. Beyi mana akupi.
5
Bemi anom yoganti bumaratem , fami aiyami yi waito yofaimi yenti yi anene kipatem.
6
Bemi anon Antuduremi yimonem benanti buyinteve Iifadem magufipa novem Gotina yiyime buga.
7
Jisasimi beyi yogamwaita yiyikem kari kari urem eranti yimidem yiyikaga bega saviawamu manta fasarago.
8
Yiyimem kama, unam, moni anene Bufakega yaki mana fakarega bogo.
9
Sumana yifimi ega wado buyogo.
10
Jisasimi yiyime ite naupa'o wanagom mini naupa bega yerarega bogo.
11
Manamagufi bimo buyivigaote mini magufi kaiyo yigake ufufarega ifadega bogo.
12
Yiyimiya watanasi yubayede yeyi savianta yerarago.
13
Yemi mata savi awamugu yiyikare yibaita wasavemi yinoka feyikami itabuga.
14
Kin Herotimi intami Jisasi aviano anoniem mana'a semi Joni nomayikawaita wafa fukage'em Itabugem eranti manatukem yogewane siga.
15
Man'amano semi bemi Ilaija. Mana'a semi bemi kasinampa waitavesiga.
16
Heroti intaremi semi Jonimi semi anugam akefaraunam fuka iteake aumi maratene.
17
Heroti wata yiyikem Joni fakare karabusiogo minurem Herodias Filipim ana mararantem.
18
Jonimi Herotim sasamemi romi romudem eyafa ana maranane semi.
19
Herodiasi intarem Jonimi aruma fugirasimi fo Amaka bemi mini buyuga.
20
Herotimi fegebemi Joninanti semi bemi Atekam waita waii semi rafiakarare siga ben ami itanuno siga.
21
Mananuram yimi Herotim bemadukam nuram yimii yuna yukebem galilike dafasi waita yarem, yebe amonago sirem yaraga.
22
Herodiasim arumana intavem danisiem dafisiru yigauka Heroti semi naye anene emi sintainaga emiamena siga.
23
Bemi mini asika sasamemi sintainaga semo rukauna anenewa dafigauna masidem awam rayintegaemi amenosem.
24
Asikamano Beyanoem sasamem naye. Mare amenuyo simi benanoe semi Joni nomayi kewayi anone siga.
25
Benanoe uyaem maro kinim sasamemi mageugam Jonim nomayikam waita anom yarisifimde maresimeno.
26
Kinimi ano aguanene maremianta anare sima uyademi bemi amaka agaye bumaratemi ano dafisiru yigukawa miniasika agaye buamira.
27
Kinimi ami sasakemi uyae maro Joni anom Akefaremare ame'e maraye'no kalabusi naupak.
28
Maro Anom akefarem marem mini asika, amimi mini asikamano yomarem beyanoem maro amem.
29
Jonini yogam waita yu intaremi yemi yemare beaumi maro masi faruka.
30
Jisanini yokambaita yu mare sasamemi yokam yodeya watanasi yiyimeyare waya.
31
Bemi yiyimi amuna watanasi bafo yiya wata buwapa oveya saum mareveya yunami kumageya nafa.
32
Yoyivigemi kanufi yenao kamamagufa buga. Wataba buwamagufa.
33
Yemi bomi amonaremi watanasi yenare anata owami yemi inaem buga.
34
Anom watanasimi yema non anpa mare duwantu omi Jisasimi aguanene mantemi yemoneremi, semi sipi sipi dafisi wata buwane siremi goti ami yiyimiduka.
35
Yogamwaita yui semi aii afau kupegewafo manafi wata iwapine siga.
36
Yiyikana veveya magufipake yunam ayaure newaya'o siga.
37
Bemi yiyimemi yikemi maganago yunam yimegosiga beni yokambaita yu semi amaka Karunakage yunam ayaureya yimefana yeyara nateyato?
38
Jisasimi yintaem nade yuna dukegesimi kanoyaba manasiya pa sikonive siga.
39
Bemi Yiyime manta duwanture atayaga kumantogo sirem yiyimika.
40
Bemi yiyimemi rayinte handretiure enaka kumatom fitiyiure ena minure kumanto.
41
Mini sirem faipia baretinampa noyai mantem inarufa suseve sirem manta kidi kidi urem beni yogam waita yimim rayinte naga.
42
Masidem inim waita namante amaka yimuraga.
43
A namante akam bareti namp noyai tolfua kukum itude mare yeyi mapa buga.
44
Mana siyapa tauseni inim wiata nagane.
45
Beni yogam waita yiyikami kanufim rauntave me an awafa buga. Minurem inaemi mana'a inim waita yiyikara buge yige uga.
46
Ai bomi anufa untavem augam marum mukuga.
47
Enewami yenti kanumi non aw anapa wa mi jisasim magafim yiga.
48
Jisasi gimonam ano koko nampa kanumi bayegewam, nanyeyare ano lyontano kanu wayeruka ayufukaraimi bemi non amuga benare owaranti buga.
49
Ugami Jisasi non amuga buga yemi inte semi mana afa watave sire kaure waruga,
50
nayeyare bemi amonare anom feduka. Ameurem Jisasi gigimem manisiga gigen gira'ano saraigem bano. Mini semuno bu fega go.
51
Jisasi kanufi yenampa ame'em upegami susuwa mano kepem.
52
Yogam bata mini amonare antaruga. Yogam bata bu intaga bret nayewafi.
53
Warum kadare bomi afo mana magaga giga Kenesareti kadaga.
54
Kanufike mapa asabomi, ameure bata anasi gimonaga.
55
Yemi maden ayapa uyaure bugegige ure girwam batayu gibide Jisasika buga.
56
ite ayapa bomi magufagafi, tesinifagafi Ino-na magu aupen gi'ewan inim bata yunam magewan maguga ruka. Jisasi intae semi e'ana wado a aneyogago afo minure nesu inim bata asofaga.