¹ Enawa Jisasi mamapim bemi,ayam saviukam waita wam. ² Mana, a waita anasi adeka yeamone, yaudam kana, bemi ofaim ye amonare saviwaya sakemo. ³ manisirem ayapim avim makam waita sasamem, managa itawono masideyu yiwanapa itage wano. ⁴ Manisirem wata anasi yiyimem, yaunda kanaga wata ofaitewafi buve, aritewafi, o ofaitewafi? yemi yua kepemo. ⁵ Aranapa be yimonama yakuem, be yimonam yauano erarukam mini waita sasamem, enayam anaono, anauram ayam awoguem. ⁶ Anona rafisim waitayu amuna,benarim waya antae. ⁷ Yesunampa beni yogam waitayu bunopa kumem, anoma, a Galilikem napa Judiakem yemi awakure. ⁸ Jerusalemikem wa Indomiakem Jodenikem yakuem Tyrei oravem Sidoni , bemo maram yogam amonare, amuna waita anasi bewapa yemono. ⁹ Amuna waita anasimofo sito botimi afakago sirem beyi yogam waita yitaem, mare bu, uyatikago sem. ¹⁰ Bemi amuna wata anasi yofaem, amuna aianene makayi bemi anoyogarante intemo. ¹¹ Savisawa awamuano bemi amonem, yema benanapa rufamem wavem, yemanisemo, emi anonamano agaono. ¹² Eram waya siyimem danam eno semi bu simonago. ¹³ Anufa bemi urem, bem agadam ma, a yarem bewapa yemo. ¹⁴ Be tolfia yarem, yemi benapa wateye,bemi yogam yimem. ¹⁵ Yemi savi awamu awakurin eram yimem. ¹⁶ Tolfia waita yivigem, Saimoni auwem avi amemi semi Pitamono sem. ¹⁵ Yemi savi awamu awakurim eram yimem. ¹⁷ Jemsi Zebedi anim, Joni Jemsi awae, benavi (Boaneges) inaru asewayin aga. ¹⁸ Enturu, Pilipi, Batalomia, Matiu, Tomasi, Jemsi Alfiasim anim, Saimoni Zeolotive. ¹⁹ Judasi EscariotiJisasi bemi arem., ²⁰ Be magufa bem, anom waita anasi owayegeye, nana yunam buwam. ²¹ Beni akumano intare, avigara bepaya,yie manise, beni intiti sapakiemi. ²² Jersalemike intim waita yu kuntave manisemo, Savi yogam marewane, savi avipim savi awamu manta fasadem. ²³ Jisasi yararem manisiyimem fronga wayafim, wananomano amakaga wonanom sakatenafi? ²⁴ Magumanokantim radawugem, benao buitavitemi. ²⁵ Ma.ano rabintem benao kantiniugem buitavitem. ²⁶ Wananomano benao namugoyi ,item, besaviem afiem, arafa. ²⁷ Mana waitamano eram waita amapake beni anene bu omaranonam. ²⁸ Fuga semi atede se'u, wata anasi kumi uwantukam, Goti kumi yiratem. ²⁹ Iyewafi aiyoaga sima savi-itemote eni kumi manta buratem, fa wantem bitem. ³⁰ Jisasi naugana bemini waya sene, wata anasi semi bepim savi awamu wane. ³¹ Benanoe afa'awa mapa yeitarepaya, waya rami mana waitamano marem naupa upegem, Sinam mapa kumino. ³² Amuna wata anasi yekumantuma Jisasi kaku'ure wami manisem naupa iyemano wana mapa iyemano noveyo seveye. ³³ Be yewayege yiyimem, item sinoe sifatiwave? ³⁴ Be amonama yakuem kumakayi nantisem, amonago, yiyiemi sinoe sifatiwa wamino. ³⁵ Iyewafi Gotini ayika bitemote, be sifatiwa, aunana wasinam, napa setinoeyu yigemono.