¹ Mana'a nuram yakagam, minin Jisasi ai'i yiga Kapenami,yemi intaruka naupa bam. ² Amuna ituka minifim, minugai'i afoganti buwa, mini ontafimba uyaka. Jisasi yenampa asiga. ³ Mana'a ai ruka waita, aiyayam fuka waitayu yivige yiga eriwam waitayu. ⁴ Yemi amaka adeika bubiri'uga, nayeyara wata'ansi ituka. Jisasi ba anoka ma rabintire mini aiyayam fukam waita Jisasi baka kuka. ⁵ Yenti amakuku amonare, Jisasi mani sire siga mini karere wata yanti setiga'ano eni kumi arege. ⁶ Mana'a intim waitayu minifim kumaka, yen yirapim mini intiri'uga. ⁷ "Itenurem mini waya sigenafi?", bemi Gotina Sima savi'emi! Iye kumi manta fasa'akatem, Goti beya o've. ⁸ Ese'ugam amone inte'uga Jisasi, naye ara intiru- dukeya. ⁹ Yenanti semi naye avogu waya senu? Mini ai waita yanti eni kumi arege o mani sire senu itave eni yauya rare mantere bono. ¹⁰ Minugumifo Omarewa intano wataga-ano eranti rukemi mana magaga kumi anta manta fafaratem mini karere waita yanti mini siga. ¹¹ Sasamege itave eni yauyu mantare bono eyamapa. ¹² Ameurem itave beyi yauyu mantaremi asavem mapa buga. Waita ansi yugaka, minugami maside yintudure Goti avi yani ure semi, minuga anene wafa bu amone-yare. ¹³ Yewayegem buga, nonanapa anom watanasi awakure buga. Jisasi yen nampa asigi miruka. ¹⁴ Yakagare birantem livai alfusi anim amonarem mani sire siga itave siwakuro, mone marewa mapim bami. Itavem awakurem buga. ¹⁵ Jisasi mi livai namapa yuna newam, mana-a kumi waita nampa yogam waitayu manafim yunam naruka, amuna inim-waita awakure buga. ¹⁶ Ano ano intim watayu. Jisasi amonami kumi watayu nampa moni marewayi nampa yunam newami amonaremi benikato waitayu yinta uremi mani siga. Iteni urem mini kumi watayu nampa yunam nevenafi? ¹⁷ Jisasi mini waya intere mani semi. Iye watanasi mose au erarugayimi, yemi yota nanti buayewa, ai rukana yo yimi yotami amonate ye. Afo semi atekam watanasi yofa rante buyege, kumi wata anasi yu yofairante kumege. ¹⁸ Joni nampa anom intim wata kato agagu, yunami aventaruke yugam muke mono. Mana-a wata yerave mani siga, anointi wata nampa Jonini Kato agagu yunami aventarukafo, naugaya eni kato agagu bumineye? ¹⁹ Jisasi semi, omaka yiga inimwaita yunam abenta iteyeyafo? Mareti inani yeyi wanapa wagana bu abenta itemo. ²⁰ Inem mana nura fawarina mini mareti inani wata bitemi mini kanaga yunam abenta item. ²¹ Mana waita auwem unambado mantare wafa ragakam unambadopim buaguvitem buve, manem ragagem anoka beyabe item. ²² Bu mana waita auwem waini nomi buratem, mini wafa memeni arantaga. mineotem umande ragagatem, minugai auwem arantaga rukana amaka item. ²³ Mana sabatiga Jisasi witi yunapim buga, bevem amonemi beni yogam waita yu omantuka. ²⁴ Mini intim wata yu Jisasi nanti semi, Amoneve ite nure minugam anta eyafo umowadugam nura. ²⁵ Jisasi wayedem sigimiduka, yigemi buyantege mini anafim, deviti antirami benampa beni yogam wata. ²⁶ Abiata Rafikapim, Ite urena Goti Amapa bine. Prisi yu ana nago sigam yunam, Ite urena Goti augaka bam yunami, nevena mana-a benamapa wayi yemenafi. ²⁷ Jisasi semi sabatimi wata yinta uwantuka. E-ana sabati emi bu rafisino. ²⁸ Minugami fo Goti agai sabatiga ba rafika.