¹ Magemi Jerusalemi yeravepaya, Betafes nampa Betani adeade oraveye, mini mi Olive anufimino, Jisasi mi beyi Kato waita kanti yiyikemino. ² Yiyimemi, "enahayapa bam magufa wogo. Miniga orave otege, auwen donki afakanagone, nanti iyudega mare sewapa yego. ³ Manawayi enanto semi, 'nauga ya mana Anene uwareve? Emi mani sire se, anonamano mantemi ese ugam ranam bitene.'" ⁴ Yemi oravepaya auwen donki ontaga kuma mapa magam, afakare iyufemi. ⁵ Mana-a waita anasi itarepayave mi semi."Naye anta eveve, mini mose auwen donki mose iyufewanave?" ⁶ Yemose Yesu yiyimim baya sirami, waita anasi ifadepaya mi yeti ak beye. ⁷ Kato waita gantano mi auwen donki maro Yesu wakaremi yenti unambado mini donki gan uwi magemi,Jisasi nanti kumatuwe donki ka bono. ⁸ Nesu waita anasi yenti avogu unanbado uwi mage, mana a mi ya amoru akefara miniga uwimaga. ⁹ Yemose Jisasi ananta boyi nampa an epa yeyi mi wadurepaya semi Amoyogo lye mose Goti avipim yeyimote mi asumi nampa wateye. ¹⁰ Asumi nampa yinanim magu, Seyuya yifoee Davitni magu. Havi yaniee mentapaurono. ¹¹ Yesu mi Jerusalemi yeraemi, mam naupa upebemi masidem anene amunama yakuga. afu kupegewami beyi Afapake ka kato waita nampa Bethany beye. ¹² Ena nuram, Bethani kem yerareve wami, Bemi Antira-buga. ¹³ Nepakem ana wam onta ya amumen, agami yaga amunatenafi sirem bemino, adeka, orave amunam agam bu ikam, mini-mose irewam kanagagaga ye. ¹⁴ Bemi mini yayanti semi, manawayi wa eni agami enanuram mi bu nateye," Beni Kato wata yuano intemono. ¹⁵ Yemi Jerusalem yemono, Jisasim mam naupa upebemi, monika mage wam anene yu manta intafuma mapa remi, monigu mageve nampa kumantevam sagogu wayenaye urem, Num mage waita nampa. ¹⁶ Mam naupa ose monika rukaka anene yu bu marago, manta intafu magau na. ¹⁷ Bemi yiyi midemi semi, bu agantu kage, seti mai masidem magumano yerave augam muke wam mai ino. Minugamifo mantege savi waita yuyi ayofam magu yi ewane. ¹⁸ Inon inon avi ruka yi nampa intinwaita yu intemono Jisasi simbaya. Intarepayami arirantemi ami afakemo. Wata anasi bagu mano mi benanti fedepaya, Be mos'e yoyividam ananene yanti yimoyeye. ¹⁹ Ayufumi yeravim, inom magu ifadepaya bemono. ²⁰ Wanurapim bevemi amunam, onta ya mano ayakama anupim kumenene. ²¹ Pitani intika yimi semi, Anonao amonano! Onta ya mose wago simagana mi ayakemi. ²² Yesu yiyimemi, Gotipi yimakukum ogo. ²³ Fuga Fuga yigenanti sei, iyewa anu sinam beyagi kidem bun nopa gi itene, be mos eran amakuku nampa sinam mote mi kiditene. Mini Goti evan antamino. ²⁴ Minuga i enanti sei, masidem anene amakukun nampa augam muke ve mara nonave. ²⁵ Itave mose augamukeve, mana wata anasi yu kumi-ose faka rukatemi, kumi yerano, Minuranmi en Afoe inarufa wayimi eni kumi ba yera ratemi. ²⁶ Minu gaya mose em mose enoni kumi yerabureve en afoe inarufa bayi eni kumi ba yeraburatene. ²⁷ Ai Jerusalemi yeravemono. Jisasimimam naupa uremi, inon inon avi rukayi nampa intin waita Be wapa yemono. ²⁸ Jisasi nanti mani sire semono, naye erakaga mana anene yu uwareve,iye mini eran amine. ²⁹ Yesu semi mana waya yinta otege? sisiminaga em ba sasamenunave, naye eranakom mose aneneyu uware vunave?" ³⁰ Jonimi nom feyikewam waitave,mana magafikem waita wafi inarufakem waita ve? semi sisimego. ³¹ Yeyiram waya sire yisuvure semi ,seyuya mi inarufa kenave sefa, bemi semi naugaga beka amakukum bu yevege? ³² Minugamifo seya magaga waita ve, masidem wata anasi fedepayami Jonimi intama kasnampa wata ve seye. ³³ Jisasimi sasamemi semi bu intageyare siram,afo bemi yenanti semi,mana erantose make ose aneyu uwarevunami bu yiyi mete.