¹ Yesu mini magu demi inom magu Judia ena afapa Jodeni non awafa oravimi buyanta ininawa awage bemo. mambaya ewanteneuren yiyimemi. ² Mana-a Farisi yemi mare makasemi Yesu intaemo ma-ni semi fugawafiyo age wayamano semi kanawa watamano anasi sasakatenafiyo? ³ Yesu siyime Mosesini age wayamano nayeve tigananiyo? ⁴ Aka yemi manisiga Mosesini age wayamano semi afo mana waitamano anasi sasakaranti be-na afaunti agante na anasi sasakanana bino. ⁵ Yigen yu-ano o-ya buyimi Mosesi mini age waya agantuka. Yesu mi-nisiren yiyimiduka. ⁶ Ananta maga uwantemi watawa anasiwa uwantuka. ⁷ Mini intika watamano beyafoen anoe yeraren beyana-nampa owatem. ⁸ Kambunamano yevem mana bunani item mininami kambunamano yeve mana bunani-item. ⁹ Minugafo nayemo Koti mose afituranami watamano iwa akefa. ¹⁰ Naupa duwanture wami, yesuni yogam waita intaemo, siram wayami. ¹¹ Jisasi yiyime, emo manawayimo anasi ugidemo, ena inimo makatemi mini inimanore moko antafim wantorare. ¹² Anasi mano mose wata demo ena waita marate, mini moko antafi wananami. ¹³ Mana`a mano sito iyaoru yivige Jisasi wapa yemi yiru inosemi, Jisasimi yogam waitayo yisiduka. ¹⁴ Jiasasi amonem inte uremi musem buyemi manisire ynime. Sito agagui daya sepa yego, buwa, yiyikago inaru magumi yekeni ugayiyintave. ¹⁵ Fugave, sire yiyimage, iyemose iyaori buyitemi kotini inaru maganomi bumarano. ¹⁶ Minuremi anun iyaoru manta beyayapin demi asumi uyikemi beyayam yeyinoka uyayikake. ¹⁷ Ye itavem bimi, mana waita uyemyem Jisasini aifim agonyaun akaren semi, awogu intiyimi baitao iiteniga urega bugipam aumi marategafuyo? ¹⁸ Jisasi sasame, iteniga ugayawa, senanti awogu waitave veono mana awogu waita buwane koti beyaosamana avogu wa. ¹⁹ Mambayayu intagewafo wata buaseno wata anasi nampa moko anta buyuno umoranta buyuno, muna waya buseno eno ninta anene auganam buarono eyanoe afoen a intano. ²⁰ Mini waitamano semi intiyim waitao. Masiden anene intare awadukaunave sesi kefo agakake. ²¹ Jisasi amone soke, soke u akem manisirem semi, mana anene buyonane be wa eyi anene dayinte burukam waita yu yimidewa ontami inaruga maranonave. minurewa seti wagino. ²² Mini waya sirami savi intiri uremi bemi nayeyara bemi amuna anene rukam waita. ²³ Jisasi amonama yade siyime beyi yogamwaita ano anene dukam waita yui inaru magumi bumarateye. ²⁴ Yogam waita yu intaremi mini wayagai anon intiriemo Jisasi yeraden yiyime sito agaguge inaru magu maranti kogobuyugane. ²⁵ Kamori awarunam intoka waimam fami uwa avipi upegatemifo anon anenedukam waita kotini inaru magu bumaranayo. ²⁶ Yemi intaremi anon intiri emi yeyaranti semi iyeugana bugipan aumi maratenafi. Jisasi yimonemi yiyime yigemi amakagibu yugane koti beyao amakagitem. ²⁷ Wata aga anomi bena ofaogoyara yenaye buve bemi wata yofaemi beyi aumi buyanta inin awa yimite. ²⁸ Pita yesunanti semi amonano senuti masiden yanta yerareyami en awageyane. ²⁹ Jisasi siyime fuga sege iye mose eyama ose eyi naremano nafi eyanoe afoenafi iyagrafi magawafi seti yoganti. ³⁰ Maranonane siyakan unan meyam mana magamanoni meyami yakagara uremarano ma i en awaewafi en ayofiwafi en anoewa fi, eni iya orafi magaga umanto mantemi inaemi bugipan auimi marano. ³¹ Amunamo anariugayimi inaeni imi inae ni ugayimi anari itemo. ³² Yemi bemo Jerusalem ayipa Jisasi anari e bemi .Jisasini yogam waita yintudomi yenampa boyiwai anom fegari emo. Yesu yogam waitayu yivima, dakarem yiyime naye sayekemo benageo yinanimi. ³³ Jisasi semi Jerusalemi uroteyane wata aga anekegage ano kawa yiyam dami, aruremi. Avekama mapa waitayu yiyapin danayo. ³⁴ Yem kasi waya sakemi kam bakemi, yanamemi uremi aruma fuginayo yiyapim danayom. ³⁵ Jemisiya yoniya zebedi aninkantano yesupa yeraventa sentami tisa o legantose sentuta intewa sekanti sofa ono. ³⁶ Jisasi yeraben sem, semi na uyi kanuyo? ³⁷ Yeganti senatami e o sinakara e ni o ka ayan ugapa ayanepa kumantoro. ³⁸ Jisasi yeraden sygimem emi sintaona iyinta gana aneneyanti sintaonane. Yigeganti, senanuna non anafire nekara seae ganu na nomi fegatekare. ³⁹ Mini itawa setami e o maraterare. Jisasi sigime mini nomo nanunami nantorare mini nom peganuna pegantorare. ⁴⁰ Afo setiyanugapa siyan epa kumantiti semi bugimetege iyenitamose akakagimi maratene. ⁴¹ Sefaka yogani waita intemi anon yirananti emo jeruisiya yoniya yata. ⁴² Jisasi yarama beyabe demi sigime yigemi intagane mapa kawayu dafikeye inon avi nampa eranampa. ^{43 45} Minugato mini intiti yige yiwanapa buwa wano iyemo anonayi iranti eyi yogam waitayiga o. ⁴⁴ Iyemo anari iranti yigeyiganapa fayogama waitayiga o. ⁴⁶ Jeriko yeravemi Jisasi beyin yogam waitayunampa u man ti amuna ininawanapa amonemo augan afa ka waita timaevsi batimaevsi animi ananapa kumake waka yemo. ⁴⁷ Augan a faka waita mano intami yesu nasaretike waita ve semi ka u ren arawoka en semi yesu o beniti aga ano o agu nanti usikano! ⁴⁸ Amunamano asemi augan afakam waitayanti a ise kepare wano. Yenta buyintem inonaga arawokan emi. deviti aga ano o agunanti usikano. ⁴⁹ Jisasi ogepavem semi aran yino sem augan afakam waita aremi semi bufegewa itavo no emi arewane. ⁵⁰ Beyi agekena apata uyuma intafurem itavemi Jisasi yemi. ⁵¹ Jisasi se mi na u kakanuyo? Augan afakaji semi tisa o sugan atetikano amonarare. ⁵² Jisasi sasamemi bono e ni amakuku mano soke u akene mini awaunampa augam divimi Jisasi awage buga,