¹ Minimi Jisasi, Goti aga anoni agoyam waya. ² Wafa Aisaya kasanampa waita agantamagam, "amoo , semi seti yogam waita sasakama yigenti orasika ranami, bemi yigenti ami uvisitem. ³ Mana wayini arantano kamapikem arama sem, Jisasi ni ann ategago. ⁴ Jonimi yeravemi, kamapimi nomi feyikevem, monowayami mani sirem semi, siguno sirega nom fedega yigenti kumi yiratem. ⁵ Masidem magu judiyakem nampa, masidem watanasi jerusalemikem be wapa bemono. yemi be wapakem nom maro fedepaya jodeni nopim, yenti kumi sima fawaremono. ⁶ Joni kemori ayauga uwantamagam sota uremi, amunanti antaurem, fintoo nampa wokafum nemmi. ⁷ Be manisire semi, "Manawayi sinepa yewayimi bemi sembai yakagaremi eramwaita. Semi amaka bu uge uno mampe ai ana nanti anta uwakanunami. ⁸ Semi nomi feyikeuno, afo be mi aiyo aganako feyikatem." ⁹ Mini fawarimi, mini kanaga Jisasi-i nasareti Galili wam magufim yeravimi, Jodeni nopim Joni nom marakam. ¹⁰ Jisasi nopikem itevem amonami, inaru onta rivimi aiyo aga, nunanta agem bewaka kumemi. ¹¹ Mana arantano inarufakem mare fawarurem semi, emi seti aiyi garaewuna agage. Semi anom amoomi uwakewuna." ¹² Minigakemi aiyo agoano sasakama kamapim magemi. ¹³ Kamapimi fotia kanaga wage-em, wananomi maka amemino be afa foriyam nampa wami, ankero yuano ofaurukam. ¹⁴ Joni fakamagami mini anepai Jisasimi Galili yeravem goti nami sima fa-warem. ¹⁵ Sem mini kana fawarem koti yinanim kana adekagiem, yu wayede goti nafim yimakukuno. ¹⁶ Galili bunom anapa bevem, karafa awa Saimoni ya Entaru yimonami wasemi bunopim itafeve wami, nayeyara, yemi noya afakam waita yuge. ¹⁷ Jisasi yiyi mem yema siwakurago, semi yikekanti wata mara yokanti yoyiviganu. ¹⁸ Yemi ese wase ifademi, bem awakuremono. ¹⁹ Jisasi me e iyaka beve amonami Jemsi, Jebedi anim nampa Joni benawae; kanufim beta wasi aguvevepaiya wane. ²⁰ Yarantami yentifoe Jebedi nampa mana a yogam waita mini kanufim yiretami bem awakuremono. ²¹ Minigakem kepeniumi yeravepaya, yaunda kanga. Jisasi sinagugu oravem waya sem. ²² Beni wayaga yu mama amonevepaiya, ben yiyimim wayami manurem mana wayi, ye-e mini eranti make nafi manurem, anon intim baita. ²³ Mana waita sinagugu, iye savi awamu rukayimi wadurem ifidagem. ²⁴ sem, "Naye enampa uwarateyare nasaretikena Jisasi-o? Emi yerave seyuya anakairantewafi? Emi iyewafi, se amonagau. Emi atekam Goti agaugam wanami!" ²⁵ Jisasi mini savi awamu sasakama fafadem sem, sadage bepikem mapa kumu!" ²⁶ Mini savisawa awamu yera arepaiya benageke fafa bemono, wadurepaya. ²⁷ Masidem watanasi amomi evemi, yenanao yintae buge yige ugam, "Mana Nayeve? Auwem waya nampa eranti-i? Bemi mini savi auwamu yiyikami yemi be-na auwakuntukane!" ²⁸ benami masidepa buge yige ugam Galili magufipa. ²⁹ Sinagugukem yeravepiya, Saimoni ya Entaru na mapa upegemono, Jemsi ya Joni nampa. ³⁰ Magemi Saimon ni ainta ai mantem rugem wami Jisasi sasamemono. ³¹ A-i yeravemi, ayaka fakaremi ita-akem; minigakem beni aii arem bemi, bemi agoyantemi yunami kunte kure yimemi. ³² Mini enaka a-i kupegarantem fi yo piyo ewam, maside yi wata-anasi yivige yiga nampa, savi awamu nampa wayive. ³³ Inom magufim mose wam wataanasi ontaga yewageuga. ³⁴ Jisasi mi nesu anoyi madem madem ai kiparemi savi awamu nampa wayi manta fafa yikem, savi awamu ano a'wa busiga bemi. ³⁵ Wanurapage, kumayu kumayu ewam kanaga; Jisasi wata buwam magufim maro augam mukem. ³⁶ Saimoni nampa mana-a mose be nampa wayi mi ben afake bemono. ³⁷ Bemi maro afakarepaya, "Sasamemi masideyu enanti afakewane." ³⁸ Bemi semi, "minifa biyaro, seyuya sinapa wam magufa, orave yen nampa mam baya senunave. Minugai managa ye uno." ³⁹ Bemi masidepa Galili bugeyige ugane, ye ya fake mambaya yiyimidemi savi awamugu manta fafaduka. ⁴⁰ Namom makayi mi beka yemi, be mi inta emi, " agon yauka kumanture inta emi emose intana semi amakaga sofa iteve." ⁴¹ Agunanene nampa bugane, Jisasi mi be ayam ram bimi fakemi, benanti semi, amakage. A-ii sese ege. ⁴² Ese ugam savi namom arene, bemi miniga soke ene. ⁴³ Jisasi erarurem sasamidemi sasakemi. ⁴⁴ Bemi Jisasi mini waita mano nanti semi ateden ugan, mana a bu yiyi meno. Minugamifo bono, inon inom wataga maro eyau yoyivigano, a'wa yunam ameno, Mosesi mose sigami sima fawaru." ⁴⁵ Minugami be yerarem mapa oravemi masideyu yiyimidem sima irara-em, Jisasi mi anom magufim amaka bu yinani uga. Bemi kamapim watemi. Wata anasi masidepakem be wapa yina yom.