¹ Ena nurami Juda yuyi mono naupai Sabaiga Jisasimi bugane, mana waitami ayami fukayi kumakemi minifa bage'en uga. ² Mana'a waitami Jisasika yugami rukage'emo, Sabatiga mini waita ofai inani nanti mini watanasi bemi ko aminayo ayimi afakemo. ³ manisirem ayapim avim makam waita sasamem, managa itawono masideyu yiwanapa itage wano. ⁴ Manisirem wata anasi yiyimem, yaunda kanaga wata ofaitewafi buve, aritewafi, o ofaitewafi? yemi yua kepemo. ⁵ Jisasimi aranampa yimonemi inaemi siguno semi, yira ano uyaka. Mini waita sasamemi ayami ategano. Mini waita mano ayami ategemi Jisasimi ofaemi. ⁶ Anom waita yu mini amonare ame uremi Heroti nampa waya antaemo, Jisasimi arinayom baya. ⁷ Jisasi beni yogam waitayu bunopa kumem, anoma, a Galilikem napa Judiakem yemi awakure. ⁸ Jerusalemikem wa Indomiakem Jodenikem yakuem Tyrei oravem Sidoni , bemo maram yogam amonare, amuna waita anasi bewapa yemono. ⁹ Jisasimi beyi kato waita yiyimemi sito botimi sesa ogo, nesu watanasi yewane semi simonara, afaka, afaka emi bemi avekanayonare. ¹⁰ .Amuna wata anasi yofaem, amuna a'i anene makayi aveke yemo nayeyara yemi bemi aneyogara. ¹¹ Savisawa awamuano bemi amonem, yema benanapa rufamem wavem, yemanisemo, emi anonamano agaono. ¹² Bemi eram baya semi, semi manta faka burago. ¹³ Anufa untavemi yaremi, bemo aiyiremo be wapa yigayi. ¹⁴ Be tolfia yarem, yemi benapa wateye,bemi yogam yimem. ¹⁵ Yemi savi awamu awakurin eram yimem. ¹⁶ Tolfia waita yivigem, Saimoni auwem avi amemi semi Pitamono sem. ¹⁵ Yemi savi awamu awakurim eram yimem. ¹⁷ Jemsi Zebedi anim, Joni Jemsi awae, benavi (Boaneges) inaru asewayin aga. ¹⁸ Enturu, Pilipi, Batalomia, Matiu, Tomasi, Jemsi Alfiasim anim, Saimoni ena avi'i Seroti. ¹⁹ Judas Iskarioti bemi namugoyu yiyapim Jisasimi yimiduka. ²⁰ I'naemi naupa bemi, nesu wata anasi ruwantugami breti nanayom buwa. ²¹ Beni akumano intare, bemo mani sirem semo, beni imaya mano amakagi buyuga. ²² Jersalemike intim waita yu kuntave manisemo, savi awamu'ano aupem ba, savi awamu'ano a'nom waita bemi savi awamugu manta fasa dewayi. ²³ Jisasimi ma'ni siremi wayegam bayafike semi, "Wananom mano iteni urena wananomi sasakatene? ²⁴ Mana magu mano kantimi ra'davemi namugoyi emi, mini magu mano amaka bu itabitemi. ²⁵ Mana ma'ano radama kantini'emo, mini ma'ano bu itavitemi. ²⁶ Wananomano benao namugoyi, bu amaka bu itavitemi, bemi masidepa kipemi afi itemi. ²⁷ Mana waitamano eram waita amapake beni anene bu omaranonam. Mini eram baita aiga aiyaka antau umagemi, i'naemi beni maside anene bena mapike umom maratemo. ²⁸ Fuga semi atede se'u, wata anasi kumi uwantukam, Goti kumi yiratem. ²⁹ Iyewafi aiyoaga sima savi-itemote eni kumi manta buratem, fa wantem bitem. ³⁰ Jisasi naugana bemini waya sene, wata anasi semi bepim savi awamu wane. ³¹ Benanoe afa'awa mapa yeitarepaya, waya rami mana waitamano marem naupa upegem, Sinam mapa kumino. ³² Amuna wata anasi kumantu ma yakuemo mani sire bemi sasa memo, enano'e enafa'awa mapa bemi emi yema afakewa. ³³ Be yewayege yiyimem, item sinoe sifatiwave? ³⁴ Kumantuma yakugam bemi amone yakuemi mini siremi, "Amonago, manami seti no'e setifa'awa beye! ³⁵ Fuga ugami iyewa Kotini aiyinti awakuri tene, mini wata anasi afa'awa aunana seti no'e bemono.