¹ Mana'a nuram yakagami, Jisasi ai'i yiga Kapenami, naupa bami yemi intaruka. ² Minifim amuna wata-anasi ituka, minugami afoga'a buwa, mini ontafimba uyaka. Jisasi yenampa asevem ba. ³ Mana'a waitayu mana aiyayam fukam waita abige bewapa yemono; eriwam waitayu kukuta umeke abige yemono. ⁴ Yemi amaka adeka bubiri'uga, nayeyara wata'ansi ituka. Jisasi bam ma anoka rabintire mini aiyayam fukam waita Jisasi baka ra kuka. ⁵ Yenti amakuku amonare, Jisasi mani sire siga mini karere waita yanti, "Setiga'ano eni kumi arauno". ⁶ Mana'a age-waya agarewam intim-waitayu minifim kumantuge bage'em, yen yirapim mini intiri'uga. ⁷ "Iteniurena mini waya sigenafi?", bemi Gotina sima savi'emi! Iye kumi manta fafa'akatem, Goti-mana beya'o"? ⁸ Ese'ugam Jisasi beyaupem amone intem, naye intiru yeyupem dukeya. Manisirem yiyimiduka, "Naugaya yigeyi yirapem mini intiri evege"? ⁹ Naye avogu waya mini karere waitayanti setegafu, "Eni kumi arauno setegafu, mani sire senu, itave eni yauya rare mantere bono"? ¹⁰ Minugamifo omarewa intano Wata Aga-ano mana magaga eranti rukemi kumi anta manta fafaratem," mini karere waita yanti mini siga. ¹¹ Enanti se'i, itave eni yauyu mantare eyamapa bono. ¹² Ameurem itave beyi yauyu mantaremi asavem mapa buga wata-ansi yugaka. Minugami maside yintudure Goti avi yani ure semi, "manuga anene fawabuewam amone'yare". ¹³ Yewayegem bawaya nonanapa bem, anom watanasi awakure bewapa bomi, Jisasi yenampa asigimiruka. ¹⁴ Bemi yakagare bevapakem, Levi, Alfusi anim amonami mone marewa mapim bami, mani sire siga. "Itave siwakuruno", Itavem awakurem buga. ¹⁵ Jisasi'mi, Levi'ni naupa yuna newam, amuna wata-anasi abakure buga minugami nesu kumi waitayu nampa beni kato waitayu manafim yunam newam. ¹⁶ Ano'ano intim waitayu, Jisasi amonami kumi waitayu nampa kamani mone marewayi nampa yunam newami amonaremi beni kato waitayu yintauremi mani siga, "Naugaya mini kumi watayu nampa yunam nevenafi"? ¹⁷ Jisasi mini waya intarem mani sigah, 'Iye watanasi mose au erarugayimi, yemi yota nanti buayewa, ai'o rukayimi yotami amonateye. Afo semi atekam watanasi yofarante buyege, kumi waita-anasiyu yofairante kumege". ¹⁸ Joni'ni kato waitayu nampa anom intim waitayu yunami aventaruke yugam mukem. Mana-a waita bewapa yerave mani siga," Joni'ni kato waitayu nampa Ano intim waitayu yunami aventarukafo, naugaya eni kato waitayu bu mineveye? ¹⁹ Jisasi semi, "Omaka yiga inimwaitayu yunam aventaiteyeyafo"? "Mareti inani ye yiwanapa wagana bu aventaitemo". ²⁰ Inem mana nura fawarina mini mareti inani waita abige binam mini kanaga yunam abentaitem. ²¹ Mana waita auwem unambado mantare wafa ragakam unambadofim buaguvitem, buve, manem ragagem anoka bitem. ²² Bu mana waita auwem waini-nomi feyam waini arantaga buratem. Minotem ragagem, waini savi-inam, waini arantawai savi'item. Minugai auwem waini-nomi, auwem arantaga rukana amakagi item. ²³ Mana sabatiga Jisasi witi yunapim bugem beni kato waitayu witi agam omantuka. ²⁴ Agewayafim intim watayu, Jisasi nanti semi, "Amonare iteniure minugam anta eyafo, aunam nuram"?. ²⁵ Jisasi wayedem siyimiduka. "Yigemi buyantege mini anafim, Deviti antirami benampa beni yogam waita? ²⁶ Iteni urena Goti Amapa bemi, Abiata, Prisi urem rafikapim, Goti'ni augaka bam breti, prisiyuana nago sigam, nevena mana'a benamapa wayi yemenafi?" ²⁷ Jisasi semi "Sabatimi wata yinta uwantuka. E-ana sabati wataga bu rafisino. ²⁸ Minugami fo Goti Agai sabatiga ba rafika.