¹ Wanurapim, Prisi'yu anom waitayunampa mono-mapike anom waitayu nampa Judayu anom itim waitayu Jisasi fakare maro Pailet ayapimi rukane. ² Paileti'mi Jiisasi'mi intaemi, "Emi Juta yuyi Kini beve?" Bemi manisem, "Ai enao sewanamino". ³ Prisiyu Anom'anom waitayu anom baya siremi Jisasi nanti amuna sayeke urukane. ⁴ Paileti enawa intaemi, "Emi asitewafo, busiteve? Intano nare umara emi urukanaya seveye?" ⁵ Imifo Jisasi enawa waya busemi, minimi Paileti nesu intiri emi. ⁶ Ano yuna nakanami Paileti mana kugamwaita ifadam bewam minugam wata-anasi yawai yiyem. ⁷ Miniga warantemi awuitem, watayu yiruga waita nampa yiwanapa Barabas wane. ⁸ Nesuano yemi Paileti baka yerave intaemi mempe wafa evana anta ono. ⁹ Paileti yiyimem semi "yigemi intami Jutayuyi Kini Yimenu?" ¹⁰ Bemi omare itami anom waitayu waya sire Jisasi abegem ben-ayapimi maro ram. ¹¹ Yivum waitayu anonamano yiyimi semi madeyu arama sina Barabas fasa yevino. ¹² Paileti enawa yiyimemi semi, "naurega mana Jutayui Kini otegefu?" ¹³ Enawa yemi arama semi. "Jisasi arure maripo-yaga iyeno". ¹⁴ Paileti yiyimemi semi, "Naye sayeke bemi urukage?" Bena buyintati arama semi, "arure keka yaga iyeno". ¹⁵ Paileti yenyira soke inti, Barabasi yememi afo Jisasi maregemi yiyapimi rami yafigudem arira mare bemo. ¹⁶ Arim waitayuano ririfama (Konumbkemi) untafure mare bem ikuma yaruka. ¹⁷ Yemi fitum baro irakare, aviyararem-nako ififare, ata uwante Jisasi anopim aukaga. ¹⁸ Yemi minuma akarepaya yiyan daterare sevemi,"Ae, Juta-yuyi Kiniye," siremi anepa waya siga. ¹⁹ Kanta yakinako aruremi munaure ben aifim yigonyaun akamo. ²⁰ Yemi minuma anepa waya siga. Fitum baro manta fasaremi benaoni wado-ugam uake avige maro arira bugane. ²¹ Mana waita yewami sasamemi Jisasi kekayai marevono, ben avi Saimon, Sirini waita (Aleksenda ya Rufus yifoe). ²² Ami'yu avige mare bemi mana magu avi Kolkota (beni wayeganti, "Arnom Ayapamanoni magu"). ²³ Yemi Ika nomi bagire nano sire amemifo, bemi bunemi. ²⁴ Bemi aruma keka yaga rukemi beni bado mante rakaraka-uma manamana urukem intafia kasi emo. ^{25 28} Wanura afau awanaka urimi aruma keka yaga Iruga. ²⁶ Afaunti agante ikanuma anoka magemi sepayami, Jutayuyi Kinivine siga. ²⁷ Benapa Kanti umo waita Kekauyikare manami ayanugapa make mana ayanepa maka. ²⁹ Iyemo benanapa yevoyi itasakare yinom bayere semi, " I'a! Ewa ma-i rabintire kamore nuram uwararare senave. ³⁰ Enana'o emi ofaewa kekaya re kumono." ³¹ Minimana wayamana siremi rafisim waitayu anepa waya sikare, "Bemi enoyu yofaemi, afo benana'o bu ofaem. ³² Kraisio, Israri Kini, Kekaya rewa kumono, seyu emi amonareya simakuku uakateyane". Kar umom-waitaganti benampa warowa asidukanto. ³³ Afau abanapagi' imi, ayufum kume fikami bevemi afau kapagiugane. ³⁴ Afau kupegami, Jisasi anonaga wa'rure semi, "Eli, Eli, lama sabaktani" wayeganti mani semi "Setifo-eo setifo-eo nauga-ya semi sireveve?" ³⁵ Mana'a wata-anasi be anapa itare bemi, semi, "Amonano, bemi Ilaiya arewane." ³⁶ Manawayi uyaemi, ika nomi wa'girem yakifi demi nano sirena amiduka. Mini waitamano semi, "Beya amonafano Ilaiya mare ofaitenafiyo (avima magafin danananim)." ³⁷ Inemi Jisasi anonaga baruremi arama siremi fugem. ³⁸ Mono naupa Kuka yawarave kantimi rakagemi kuka. ³⁹ Rafisim waita bemi amonewami mini anene fawarimi, bemi semi, "Fuga, mana Goti Agage." ⁴⁰ Me'e neka ve anasiyu amone wami. Yiwanapa warantemi Meri Makdalin nampa, Meri (Jemisi anoe, Jose afa'ano) nampa Sarome. ⁴¹ Kariri,i Jisasi wamose benapa awakure nowayi. Mana'a inim benampa ukane Jerusalemi'i. ⁴² Omarem afau kupegewami, mini kanami omare kakouma inaemi yikana minim sarareino. ⁴³ Josepi Arimata waita. Bemi mana abogu waita bemi goti maguyanti itewayi Paileti wakabemi semi Jisasi simeno. ⁴⁴ Paileti nesu intiriemi semi aka Jisasi fukene Beyi rafisi waita ararem antaimi Jisasi fukananti. ⁴⁵ Intami Jisasi fukami, Pilati'mi beni fukam bunami Josepi'mi amiruka. ⁴⁶ Josepi awen yawarave aya'uremi, Jisasimi keka yagake avima magafim duke Mininako Jisasi fikaremi mare bemi matipim maro akaremi masi avuka onako fikem. ⁴⁷ Meri Mekdaliniya Meri, Josesi ano'e, Jisasi masifaruka magu maro amonentare.