¹ A'i minimi kam wayawam naemi ka yunam kana nampa anona duwantu ure inoni ewam bereti. Anom wata nampa yi nom waita nampa baya antaure Jisasimi fakaremi aruma fugira. ² Afo yemi semi minimi inona duwantu kanaga bufawarinani, be nayeyare watanasi aruve asuve yeyiwan nampa bu'inayo. ³ Betani, Saimoni burakagam ai anene rukam waita amapim Jisasi bami , sipaga aundevem bami, mana inim mano anom yaugake marewam basaben nampa yemi rirem a'nopim wa'yiruka. ⁴ Minugamifo, mana'a yiran anene mantuka, yeyi'wanapa mani sire siga. Nayeyara mana inimano wasabem wa'yebene? ⁵ Mana wasabem anami kamore unaka remi, mantem anene burukam waita yu yimiri ugane sire mini inim asiduka. ⁶ Nayeyara yigemi mini ininanti sevege? Bemi semi awogu anta usikevem. ⁷ Maside nuram onta burukam watanasi nampa wane, nantewa yemi yofa ega awogu uyikatege? Nayewafi uyikate, uyikago maside nuram Senampa buwanago .. ⁸ Mini inimano nayewafi irare siremi itami emi. Bemi setige'i wasabemi fetikami seti fuginti uga'demi. ⁹ Fugave sire yiyimege , iten awafa mana magaga mono baya sinayomi mini inim inantaga siremi benantaba intate. ¹⁰ Naemi Judas Iskariotimi 12 fi'a kato waitayi kekapim bage'em, aneuremi yi'nom waita yu wapa buga Jisasim avi yimira. ¹¹ Mini Nuram rafisiru mini waya inteve anoni ure yimo yure sasamemi, kutanu yaumi amefanu . Bemi mana'a ayim afakarem Jisasim abima yimira uga. ¹² A'na nurami ase iwam breti manoni kanaga fa'waruga yigemo amiranta uremi kato waita yui Jisasimi sasamemo, oma emi seyuya itepaga maroma ategafanu minika yunamo nanona.. ¹³ Jisasi kam yogam waita yiyikarem, yiyimiduka, yigemi anona magufim birana mana waita mano anona non ana marem binaniyi yimonatem.Afo bena awakurogo. ¹⁴ Item mapinafi binani, awakureka bekara mah afoem sasameka, sisa semi ite awafa mah naupaga, sesi kato waita yunapa yakagam yunam natege siga.```````````````````````4` ¹⁵ Mini waita mano yigatinani ano'na yama'i ateka, yigemi seyuyati ka yunami minifin ategago. ¹⁶ Kato maram yogam Waita yu yerare ano magufa beamonam masirem siga anene yufawa uga. Mini Yuna Omanta wawa uruka. ¹⁷ Ai'i Enaka kanayi imi, Jisasi beni kato waita yu'nampa yemi. ¹⁸ Mini sago ka omkuante newami, Jisasi semi fuga ugam sege senampa yunam ne-ewapike maya sivi egem namugo yiyapim ratene. ¹⁹ masideyu anoni ure siguno sire mana mana kato waita samemi ," Seba uye?" ²⁰ Jisasi yewayegem ma'ni sirem siyimika, mana kato waita manafim senampa yunam kora'yafim ayam dananiyim. ²¹ Wata aga ano avi ege namugo yiyapim datemo, yaumano sigani ure, minugamifo, sigunanti mini waita uwakauno, iyemo wata aga mante namugo yu yiyapim rananiyim. Awogu item beyano'e arapikem bufawarugem motemi. ²² Ka'ayami nevewami ,Jisasi mana bereti mantemi,afo augam mukuremi,ki'diremi kato waitayu yimiduka,afo Jisasi yiyimemi marago, mana setu mino". ²³ Bemi kapumi mantemi Kotipa inatiruka afo beni kato waitayu yimimi,yemi naruka. ²⁴ Jisasi minisirem yiyimiduka mana naremi auwem seti yogam wayami mini naremo ayimi maside wata anasi. ²⁵ Fuga sege bunanti wage'e amaka inaem Inarufa Gotini maganopa natege. ²⁶ Mana i,i raremi, Olivi anufa uka. . ²⁷ Jisasi siyimemi, yigemi masidem mano yera siranago,naye yare mam bayafim ba,semi rafisim waita arurami, Foru'i yerare mana mana itemo. ²⁸ Minugami, semo yerade itabote, senare Galili a, beyupa a,nari onu . ²⁹ Pita sasamemi masidem yera aratemo, afo semi buyera arateu. ³⁰ Jisasi Pita sasamemi,fugaugam emi sasamege,mini ayufumi Kokori ami kantaya busigaganami, emi semi kamore ya'i bu amonarukau nave sino. ³¹ Ugami, Pita semi semo, enampa,o fugiranti semi emi bu amonarukau nave busenu.Minugami masideyu manyi om wayami Jisasimi sasamiduka. ³² Getsamani magufim yiga,Jisasi yiyimemi kato waita yu,managa kumake wago sugam maro mukonuno. . ³³ Jisasi yibigemi Pitam,Jemsi, Jonim ba benampa yeravomi, bemi anona umanti aremi. ³⁴ Yemi siyimika, setu sira ano uman sirebem fugonu nayi ewane, managa be rafisego. ³⁵ Jisasi nekakanaga oravemi,oma agom yaumi akaga.Afo Kotipim inatemi mini savi kana amaka yakagatenafi. ³⁶ Jisasi ma,nisiremi augam mukuruka Koti seti fo'e masiden anene eni ayika ana fawaritene,Mana kapumi manta sekake fasada.Minugami seti siyiraye, eni ayintino. ³⁷ Jisasi owayegem yema yimonami kato waitayu rugewami,bemi Pita nanti semi,Saimonio emi rugebeve?Emi amakaga itage seka rafisiteve?Yigemi rafide bega yugam mukogo maka sintim burufaminago mino. ³⁸ Awamu ano ayewamifo au'ano bu ayevemi. ³⁹ Enayawa Jisasi augam maro mukemi bemi manayiom baya yiyimiduka. ⁴⁰ Enayaba Jisasi yimonami kato waita yu'i ruge wami, yugam mano umanti yirimi yemi buyintaga. Naye waya bemi sasamiteye. ⁴¹ Fa aneka rugega yaun debe bege areka kanayi ewafo, ai wata aga manta savi waita yiyapim rana yone. ⁴² Yigemi itavi'ya bofano, amonago watamano semo namugo yiyapim yiminaniyim bemi adeka ugam bane. ⁴³ Jisasi yenampa asevem bami Judasi beni kato waita yimi nesu waita awakure yiga, yambaka nampa. Minimi anom anom waita, intim waita yu nampa a'nom waita yu. ⁴⁴ Wata iyewafi Jisasimo namugo yiminaniyim ma'nisigam, watamo iyemo amonanuna mini waita fakare rafide avige bogo. ⁴⁵ Miniga Judasi yefawarubem ame'em Jisasi anapagi uga, Sisa o sirem maro amonaga. ⁴⁶ Mini sire fakaruka . ⁴⁷ Yepikem mana yogam waita itavemi sopro mantem anom waita manoni yogam waita agagam akefem. ⁴⁸ Jisasi ma'nisirem yiyimika, namugo fakara yini ure yewane yambaka nampa. ⁴⁹ Mono mapim maside nuram yige nampa be mono baya sewauna'i mi'ni buyomino. Minugamifo, mage fa'warimi, Kotina amakagi ino yanti. ⁵⁰ Maside Jisasi nampa bage'eyoi fanani uga. ⁵¹ Mana fumara mano iya unamba'do ufipinare urukem Jisasi awakurem aneka buga. Wata yu ano avige bomi, ⁵² Minifi yeraremi awapa uyaubuga. ⁵³ Jisasi abige enaena yi'no rafisim waita waka buga. ⁵⁴ Mage Pita awakurem nekaga'naga yi'nom waita yu'yi kugu mapa . Bemi sontia nampa yu kumanturem bem igaganuga. ⁵⁵ A'nom waita yu nampa magu manoni a'nom waita yu muna baya afakre Jisas ko sasakare aruma fugira ugamifo, mana baya buafakemo. ⁵⁶ Maside muna baya mare yigamifo, yenya mano ba buyofa uga. ⁵⁷ Mana'a itave muna waiya sasakare ma'ni siga, " ⁵⁸ Seyu intafauna bemi semi, yiyan nako uwantuka mono'ma ra'bintire'i yerade kamore nuram yerade uwaranu". ⁵⁹ Mi'nisemifo yenyi muna bayamano Jisasini awogu baya nampa mana buyene. ⁶⁰ Yinom waita itave Jisasi intauga ye yiwanampa, amakaga mini wayaga owayege senu sisimiteve? nayeve sireya enanti seveye? ⁶¹ Bem awa businti wage'e uga, ena yaba a'nom waita mano intaem, emi Jisasive, Kotin aga'i? ⁶² Jisasi semi, semuno , wata aga ano, Kotini ayan ugapa kumantuvemi eran nampa konapim yitem. ⁶³ Dafisim waitamano beyi wado ragadem enaiteni ugana bayawa bepike afakateyare? ⁶⁴ Mana a anaem bayayu intarukana, emi naye intira ruke ve? Masidem intama savii uakaga, semi fugitene siga. ⁶⁵ Mana a agoyante kambi akaga orasipe yera uyade afipinaga, minebe rafisiru semi, abidano iye arenafi. ⁶⁶ Pita mempe ko magu anaepa yebayege uka, mana rafisiru yoga asikamano. ⁶⁷ Anasimano Pitami amonami igaga kumakem wami, semi Nasaretike Jisasi nampa emi wana amonagaunave. ⁶⁸ Ugamifo, Pitami sem, semi bemi buamonagege.Naemi mapa asavemi kumimi, kokori asikane. ⁶⁹ Yeba yegem mini yoga asikamano amonarem a'i mana mini mana bewa'ino siga, ⁷⁰ minu gamifo pita umeraga, sitoka bawa ure yewayege Pita nanti ai ewaono siga, Ewa mana Galili waita wanane ⁷¹ Pitami nesu nasu waya siremi beya manta savi uremi sem, semi mini waita bu amonagau. ⁷² Ugami kokori mano ena waya wa asemi Pitami inta egem demi nayemo Jisasimo sigam wayami, kokori kanya asira kamore yai emi semi bu amonarukau, afo Pita ifidagemi nayeyare munai semi.