¹ Jisasimi agoyantem wayegam bayafike ma'ni semi, mana waita mano waini yunami yogemi, mini yunaka'i kugumi umagemi, masi'i u'magemi magumi ate magemi waini maremi. Mana ma'i uwanta magemi rafisim waitayu yigem mini yunaka rafisego. Afo bemi mana'a awafa bemi. ² Waini agam maremyi kana, bemi mana yogam baita saskemi bewa yunaka rafika waita maro sasamina mana'a yunam agami marano. ³ Minugamifo bemi avidemi, aruremi, sasakarami fa ayanampa buga. ⁴ Bemi ena yogam baita sasakemi bono yewapa, kantayagi uremi a'non afantemi savi uakaremi savi agaye amiduka. ⁵ Bemi enawa yiyika bemo, afo yemi mini waita aruma fugemo. Yembai manato savi anta uyikaka, mana'ami yiruma magemi mana'ami yiruma fugemo. ⁶ Enawa bemi mana baita saskemi binanim, mini bemi iyaonti, bemi aiyigara uga bena'omi arafa mini wata sasakami yewapa bitemi. Bemi mani siremi semi, " yemi setiga ano intaitemo." ⁷ Waini yunaka rafisewayi yeyiranti waya yu ma'nisire semono, "Mini waita mano beyafoeni masiden anene maratemi." Yigemi yego, yiya arofano, masidem moni'i avogu aneneyu beninta marafane. ⁸ Yemi bemi fakaremi, waini yuna pike aruremi mapa intafuruka. ⁹ Minugami, waini yuna afoemi bemi magemi naitenafi? Bemi yemi waini yuna rafisewa yimi savi'u yikaremi mini yunam manta ena waita yu yimemi. ¹⁰ Kotini yaufimi agakami yantare buyin tege? Ma uware wayimi onu manta fafa duka, ma'i uwarananimi awogu ugemi eraruga. ¹¹ Mini wayami anona mano wapake yiga, mini awogu uga amonewa. ¹² Jisasimi kuyirante imaya uga, minugamifo nesu waita anasi wami yen yago fegewa, nayeyarafi Jisasimi wayegam baya yekai siruka. Minugami bemi yema are bemo. ¹³ Anom baitayu Farisiyu nampa Eroti akum nampa yiyikami Eroti wapa yemono, bemi muna amidami bemi buatekam baya semi. ¹⁴ Afo yemi yemo mani sire bemi sasamemono sisaso, seyu amona fauna emi fuga mana sewana waita, mana'a waiyi mana bu aiyewa waita bube, eni aiyinti masidem wata anasiyu yiwanapa ba. Fuga ugane semi yiyime wanabe Kotini antayu. Bemi amakaga tisami takisimi amitenafi bubafi?"Seyuya aiya oteyanafu bubafi?" ¹⁵ Afo Jisasimi yenyi muna amonaremi bemi mini siremi yiyimem, "Nau gaga semi maka sirantege? Mana agam moni'i mareyi amonano." ¹⁶ Mini'i paiyami Jisasi wapa mana agam moni'i mare yiga. Bemi ma'ni sirem yiyimemi, "Iyeni amana mini aga monika'i wane, aga iye aviga miniga bene?" Yemi semi, "Sisave." ¹⁷ Jisasimi mani sirem yiyimemi, sisa nintami sisami ameno Koti nintami Kotimi ameno. Mini waya intaremi yintu demo. ¹⁸ Afo Saidusiyu Jisasi wapa yemono, mana'a semi itabinti buwane semo. Yemi bemi intaemono, mi'ni semo. ¹⁹ "Sisao, Mosesimi mini waya senupa agantuka, afo mana afa'awamo fugemi beyana yeraram bami, iyaonti bu maka, afo ben afa'awa mini inimi mantem iya'onti manta fawarem. ²⁰ Sevinia itayawa ba, yiwae mana inimmantami bage'emi bemi fugemi iyaonti bumaka. ²¹ Awa'e anoi afa'ano manemi bage'emi bewai fugemi, iyaonawa buruka, manayon antami yifa anoka fawaruga. ²² Madem mini itayawa iyaonti bu makemi fugemono. Imaemi mini inim ba fugemino. ²³ Itaviti, yerabemo itabemi, mini inim iye ana watenafi? Nayeyara mini inim mano yeitayawa yina bage'emi." ²⁴ Jisasimi mani semi, "Mini anta nago kumi uware wane, naiye yare yigemi bu amonagege mini wayamo Kotini yaufim bami Kotini eranti wami? ²⁵ Naiye kana yemi fugeya iyabiteyafo, yerade wata anasi buyiteye, buve. ²⁶ Afo mamini bayami wata fuge itabiti, yevemi Mosesini yaumi yantare bu yintane, wanoni bayami, naiye yare Kotimi benampa asiruka, semi Abrahamini Koti, semi Aisakini Kotimi, Jekopini Koti? ²⁷ Bemi fugim watayuyi koti buwa fawayiyi Kotimi. Yigemi mun wayayu sewayi." ²⁸ Mana intim waita akewayu agarewayi yevemi ayu sewam intemi, bemi amonami avoguremi bayami yera yiyimemi. Mani sire yemi yintaemi, "Ite akewamano Koti afimi avogu ugenafi?" ²⁹ Jisasimi yewayegem mani siga, intago Israili yuge, Koti beya'o wamono. ³⁰ Yigemi anona mano aiyebeo, senuti Koti nampa senuti sira nampa, masidem awamu nampa yigeyi imaya nampa, yigeyi era nampa. ³¹ Afo Kotini kar ake waya mano mini siga, emi aiyeno wata anasi enade wayi eyaranto aiyewa nayi ure aiyeno enomi. Kotini ake wayafimi ena minugami buvemi." ³² Afo ake wayaagarewayi semi, "Avoguge, sisao! Fuga ugane Kotimi beyao wane minugamifo beadeka mana wayiwa buwa. ³³ Aiyinti masidem arapike, intin nampa, masidem era nampa aiyeno iye enadeka benafi eyaranto aiyenayi ure aiyeno, mini kam bayami anona wayami minimi ofayanto are yafi buyu kewa. ³⁴ Jisasimi omaremi, bemi awogu baya yiyimemi manami avogu imaya rukayi, bemi mini sirem semi, "Kotini magu fike iyapa buwa nave." Mini savi kanagamana'a waita Jisasi wapa mana'a waya intai rantemi fegemo. ³⁵ Jisasimi mono naupa yigatem yen yami mani siremi yeradaka yiyimem, "Naugana intim waita ake waya agare wayi semi Kraisimi Devitini aga wano? ³⁶ Aiyo aga Devitini aupem wayi, bemi mani siremi semi, "Anona manomi seti Anona mani siremi sasamemi, kumakemi setiyan ugapa, semi mantatemi namugoyu eni ai amenapa wateye. ³⁷ Devitimi beyaomi Kraisio siremi avidewa, 'Anonao' Iteni uga bemi Devitini agayi ugene? 'Ano wata anasi yimofike Jisasi ami intemono. ³⁸ Jisasimi ayu mani siremi yiyimiduka, "Ategago ake waya aga rewayi, iyena aiyigara even iya una bado urem nirantem, watanasi semi avogu yimo emo maketi maguga. ³⁹ Afo yemi avogu kagaka mono naupa kumantuga. Kumantemi avogu kagaka ano ruwantuga. yuna maranti. ⁴⁰ Afo yemi magui manta savi ewam anasiyu yen yia'ma fubugayi yima, afo yemi iya yugam mukewa wata anasi yimo nagonti. Ano umanti maratemo. ⁴¹ I'naemi Jisasimi mea afapa kumantem nomi bokisi wam mono naupa, bemi wata anasi yewami yimonemi moni magewa bokisefim magemo, nesu moni waitayu yemi ano moni mare remo. ⁴² I'naemi mana anene bu ruka inimi ben awafu fugayi yemi kanti kefo moni'i agami naupai demi mana agami. ⁴³ Jisasimi yogam waitayu yaremi yemi ruwanto yoganti, semim fuga ugane semi yigemi siyimu, min anene buruka inim ben fugayimi bemi ano moni'i demi maside wata anasi yakagemi moni'o bokise fimo magapimi. ⁴⁴ Maside wata anasi moni'i amemono nayeyara yemi nesu moni'i makemi, minugamifo mini inimi be awafu fugami, bemi nesu moni'i bu maka, bemi masidem moni'i demi enawa bumakane nananim.