¹ Magemi Jerusalemi yeravepaya, Betafesi nampa Betani ade;ade oravomi, mini mi Olive anufimino, Jisasi mi beyi Kato waita kanti yiyikemino. ² Yiyimemi, "enahayapa bam magufa wogo. Miniga orave ote, auwen donki amonanagone, nanti iyudega sewaunafa mare yego. ³ Manawayi enanto sem, 'nauga ya mana anene uwareve? Emi mani sire se, anonamano mantemi ese ugam ranam yitene.'" ⁴ Yemi oravepaya auwen donki ontaga kuma mapa magam, afakare iyu;feye. ⁵ Mana-a waita anasi itarepayave mi semi."Naye anta evege, mini mose auwen donki mose iyufewana?" ⁶ Yemose Yesu yiyimim waya sirami, wata anasi ifadepaya mi yiyikarami beye. ⁷ Kato waita gantano mi auwen donki maro Yesu wakaremi yenti unambado mini donki ga uwi magemi,Jisasi nanti kumatuwe donki ga bono. ⁸ Nesu waita anasi yenti avogu unanbado uwi mage, mana a mi ya amanti akefare miniga uwise,e ruka. ⁹ Yemose Jisasi ananta boyi nampa anepa yeyimi wadurepaya semi amoyogo iye mose Goti avipim yeyimi asumi nampa wateye. ¹⁰ Asumi nampa yinanim magu, Seyuya yifoe.e Davitni magu. Havi yanie.e mentapaurono. ¹¹ Yesu mi Jerusalemi yeraemi, mam naupa upebemi masidem anene amunama yakugaga. afau kupegewami beyi Afapake ka kato waita nampa Bethany beye. ¹² Ena nuram, Bethani kem yerabuge wami, Bemi Antira-buga. ¹³ Nepakem amonam, ana wam onta ya amoemi, agami yaga amunatenafi sirem bimi, adeka, orave amunam agam bu ikam, mini-mose irewam kanaga iwa. ¹⁴ Bemi mini yayanti semi, manawayi wa eni agami enanuram mi bu nateye," Beni Kato waita yuano intemono. ¹⁵ Yemi yemono Jerusalemi, Jisasimi mam naupa upebemi, yauga mage wan anene yu manta intafuma mapa remi, yau magewa nampa kumantewam sagogu waye,naye urem, Numi magewam waita nampa. ¹⁶ Mam naupa ose yauga rewam anene yu bu mareyego mana mageti maguwaye. ¹⁷ Bemi yiyimidemi semi, yemi manure agantuka, seti ma,i masidem magumano yerave augam muke wam ma ino. Minugamifo mantege savi waita yuyi ayofam magu yi ewane. ¹⁸ Inon inon avi ruka yi nampa intinwaita yu intemono Jisasi simbaya. Intarepayami arirantemi ami afakemo. Wata anasi uyubuge yintuduga benanti fedepaya, Be mos'e yoyividam ananene yanti yimoyeye. ¹⁹ enakagimi, inom magu ifadepaya bemono. ²⁰ Wanurapim bevemi amunami, onta ya mano ayakama anupim kumene. ²¹ Pitani intika yimi semi, Anonao amonano! Onta ya mose wago simagana mi ayakemi. ²² Yesu yiyimemi, Gotipi yimakukun ogo. ²³ Fuga Fuga yigenanti sei, iyewa anu sinam beyagi kidem bunopim kumitene, be mos eran amakuku nampa sinam mote mi kiditene. Mini Gotimi ewan antamino. ²⁴ Minuga i enanti sei, masidem anene amakukun nampa augam mukeve mara nonave. ²⁵ Itave mose augamukeve, mana wata anasi yu kumi-ose faka rukatemi, kumi yerarano, Minuranami enafoe inarufa wayimi eni kumi ba yera ratemi. ²⁶ Minu gaya em mose enoni kumi yerabureve enafoe inarufa bayi eni kumi ba yeraburatene. ²⁷ Ai Jerusalemi yeravomi. Jisasini mam naupa uremi, inon inon avi rukayi nampa intin waita be wapa yemono. ²⁸ Jisasi nanti mani sire semono, naye erakage mana anene yu uwareve,iye mini eran amine. ²⁹ Yesumi semi mana waya yintaotege? Sisiminaga yigemba yiyimenunave, naye eranakona aneneyu uware bonave?" ³⁰ Jonimi nom feyikewam waitave,mana magafikem waita wafi, inarufakem waita ve? semi sisimego. ³¹ Yeyiram waya sire yisuvure semi ,seyuya mi seya inarufa kenave sefanane, bemi semi naugaga beka amakukum bu yevege? ³² Minugamifo se;ya magaga waita, ve sefanam masidem wata anasi fedepayami Jonimi intama kasnampa wata, ve sinayo. ³³ Jisasimi sasamemi seyuya bu intageyare siram,afo bemi yenanti semi,mana erantose make ose aneneyu uware waunami bu yiyimetege.