¹ Inarufa aneneyui manu'gene mana wagimo yogan dukemo wanurapim yogam waitayuo yifake wani ugene. ² Bemi, yogam waitayu-nampa mana wabayam ayai (twenty toea)manta sirem naemi yogaka, vine yunapim siyikemi. ³ Afau mintagagi evami mana'a yogam waita maketi magufim fa itarewami oyimonem. ⁴ Intewami manisem, "Yigewa bogo, yunapim, yogaka ayai yimetege" . Ai yogaka bemo. ⁵ Aka afau awanapa nampa enaka oravem kesani emi. ⁶ Yewa yegem enayawa enaka oyimonami mana'a fa itarewami. Mani semi, "naugaga fa itarebege?" ⁷ Yemi mani semo, "Mana wayi senu bu sividukane". Aka bemi mani semi, "Yigewa yunapim bogo". ⁸ V8 Enakai yogar-afoe yeravem beyi yogam waitayu rafisinti sasamem, "Yogam waitayu yarare yenti aya yimeno, naem yigakake bemi anantao yigam". ⁹ Enaka yigam yogam waitayu nampa mana ayai maremo(twenty toea). ¹⁰ Anantao yigayi yakagareya marateyane semi, madem mana marari emo. ¹¹ Yeyi aya mante amonare yoga afoem ami sasakemo. ¹² Mani semo, 'naem yigayi nampa mana simiri ugami, seyu ananta yeraveya ai gafukeya anom yogam mantukafaunave.' ¹³ ''Yogar-afoe mani sirem mana wayim sasa memi,' "Waota, Semi naye saviuakegafuyo. Mana ayai amirukauna mana arakagi buyeveve? ¹⁴ Eyi anene mantare bono, naem yigayiwa emo marana amaka marateye. ¹⁵ Sesi anenega sesi intim buyuwarategafu?' ¹⁶ Nae keno anari inam, anantakeno naeni inanine.'' ¹⁷ Jisasi Jerusalemi bemi beyi kato waitayunampa, akafam bevem siyimem, ¹⁸ ''Amonago, Jerusalemi bewa faupo, Wata Aga'anomi, monopike anoanom waitayu yiyapini itene. Yemi aruma fugi intintire ¹⁹ gentali'yu yiyapi dami savi uakare, arure kekayaga iyiteye. Ugamifo kamore nuram yakaganami itavitene.'' ²⁰ Zebedi anoe Jisasi wapa beyaga nampa yemi. Agomyaum akarem intaemi. ²¹ Jisasi sasa memi, ''Nayeyara ayevene"? Mini inim mano mani semi, ''Emi eyo inanta setiga kanti kumantokaro, manawayi ayan-ugapa kumantinam, mana wayi ayan-epa kumantinaogoyare, eni magufa.'' ²² Aka Jisasi mani semi. "Emo sintaewana anene buyintaganane. Semose nanuna nomi nateve"? Yemi mani semo, ''Nateyane.'' ²³ Bemi mani sirem siyimemi, ''Semose nanuna nomi fuga nantoto. Aka setiyanugapa, nampa setiyanepa kumantira senami, seti yogaraye, yemo setifoe ugayikaga yintamino,'' ²⁴ Siyakam kato waitayu intare kalritawayara yira anene yimemo. ²⁵ Jisasi yararem siyimemi, ''Gentailiyu yeka rafikemono, afo ano'anom waitayu yeka rafikemono. ²⁶ Minuga anta bufawarino. E-ega, iyewafi anom waitayi irantemote, yogam waitayi uvena naem anom waitayi ino. ²⁷ Iyewafi anari ira inaniyi, yegenti yogam waitayi ino. ²⁸ Wata Aga'anomo yigami yofau rukanara yenaye, a ao yivigarantem yemino, beyau marerem nesu anomi yivigarantene.'' ²⁹ Jerikoke bomi, ano wata-anasi awakure bemo. ³⁰ Kan yuga-afakam waitaganti aka waram. Jisasi yevewami intarenta arawokaenta, ''Anona'o, Deviti Aga'ano, aguna usikano. '' ³¹ Wata-anasi yisemo, kepareka wakaro sirem, anoka aramasem, ''Anona'o, Deviti Aga'ano, aguna usikano.'' ³² Jisasi oitavem yaremi semi, ''Nayeyiga uyikanoyare"? ³³ Yeganti mani sentamonto, ''Anona'o, sugam abogu'usikanoyare". ³⁴ Jisasi, anom agunanenenampa, yugaka anoyogem. Miniga ugam yugammano sokeinta awakurenta ventamonto.