¹ Jisasi mini waya sima kiparem,Galili ke ifadem Juda nona bemi. ² Nesu wata anasi awakure bewam,minifa yofaemi. ³ Farisiyu beka yerave, bemi maka semo, benanti seve, ''Wata mano anasi sakana soke itenafi? '' ⁴ Jisasi siyimem mani semi, ''Emi intageve agoyaka yemi uwantu kayi ai watawa anasive sigami? ⁵ Yemo uwantu kayisemi, 'Mini anta yanti wata mano beyanoe afoe arem beyana nampa watem,yemi manayi ugenta waten tare. ⁶ Yeganti enaga enaga buyu gentare,manayi ugentare,Gotimo afitu makami buiya seno. '' ⁷ Benanti mani semo, ''Naugana Mosesi sena afau aganta amirewa sasa kana bino sigene?'' ⁸ Bemi siyi memi, ''Yuano eraruga ewami,Mosesi minurega anasi sakago siga, ugamifo agoya raka mini buyuga. ⁹ Semi enanti mani sewau, iyewafi beyana saka naniyi, famuku anta mino,sakaga inimo mara naniyi famuku anta uwara tene.'' ¹⁰ Jisasi sini yogam waitayu mani semo, ''Minu ganami wata mano wa anasi mano wa,mareti irami savi itene, '' ¹¹ Jisasi siyimem, ''Made yuwa marate yaove,iyewafu mara rare sina yoyi mara temo. ¹² Mana'a mareti buyimi iyaom bumagana yemi yeyinoe arpike ai mini yiri uga,mana a wata mano minu yikewam,mana a inaru mano nanti inte minewam.Iyewafu mana waya mara ranti,eanana marano ¹³ Naemi sito iyaoru yivige yemo augam muku yika noyati, beni yogam waitayu siyi kemo. ¹⁴ Jisasi mani semi,'' eana yego sepa,sewau nafa yewaibu fakago,inarumi miyiom waita yitamino.'' ¹⁵ Ayam yinoka dem augam muku yikarem bemi. ¹⁶ Naemi,mana waita yeravem Jisasi sasa memi, ''Sisao,naye soke anene uwatega wantana aumi mara tege semi? '' ¹⁷ Jisasi mani sirem sasa memi, ''Naugaya soke anta yanti sinta eveve?Mana samana soka uga,aumo maranti seta awakurono. ' ¹⁸ Mini waita mano sasa memi, ''Item wayave? ''Jisasi sem, ''wata buyiro,famuku antayu,umorantayu,muna buse, ¹⁹ Yige yinafo ya intago,enanto enomi eya onatene ure ayeno. ^{22 20} Mini waita mano sasa memi, ''Miniyu ai awakuru po.Ena naye wafiyo? '' ²¹ Jisasi mani sire sasa memi, ''Emo fuga sewate, bono,eyi anene yu awareve , buruka yi yimeve, minite inarufa aya mara nonane,'yeno, siwa kurono. 22''' Mini waita mano Jisasi ai intarem,nesu intiri em bemi nesu anene ruke mise. ²³ Jisasi beyi yogam waitayu siyi memi, ''Fuga ugam siyimeno,nesu anene ruka yimi inarufa bira anu yogewa. ²⁴ Yewa yege sasa mewau,kameli manomi uwa ayipim faruri nanifo nesu anene rukayi inarufa bira anuyoganani.'' ²⁵ Yogam waitayu intare, nesu intiri eve,se, 'Iye soke urena watene? ²⁶ Jisasi yimonarem mani semi, ''Wata mano anuyoganani,koti nampai buanu yogano. '' ²⁷ Pita mani semi, ''Amonano, made anene yera reve emi awaku rewafau.Naye mara teyane?'' ²⁸ Jisasi siyimem, ''Fuga ugam siyimu,Wata mano aga anom beyi kagaka kuma tinami, semo siwa kure wayi yigewai kumantinago,twolu fua Israili nanto rayikayi. ²⁹ Made yu yeyima, yeyeiyaoru ,yeyenomaga yerare seti yogam mara wayi handret tiayawa amugagiure maranayo wantano aumi . ³⁰ Ugamifo nesui anari ugayi naeni imi ,naeni ugayi anari iteye.