¹ Mono mapikem Jisasi asabugem bevami beni kato yerave mono'ma yo avigami, ² manisire yiyimem, ma'de anene bu amone wamino? Fuga baya yiyimege, onu ena amuga bem bu ki'ditem. ³ Olivi anufim oma kumanture bami beni kato waita yu aupa be baka yerave se, senu sisimeno nante mini anene yu fa'warite nafi? "Ena yinona kanaga naye anene yuga fa'waritene? Jisasi ma'nisirem yiyimem", ⁴ rafima awogu urega e'ana eno muna bu yimego. ⁵ Nayeyara se sivipim amuna yu yerave sem, sem Jisasimi bege sire amuna muna ayika yivigem bitem. ⁶ Aruvu baya yu intanonami anuna intiri iyono, nayeyara mini anene yu fakagi inani anene yu fa'warugem, minimi arafagi buyiga. ⁷ Magu mano itave ena magu nampa aruvina, kinu (kingdom) itavem ena kin (kingdom) nampa aruvitem. Ano'na aranti yina, magufipakem maga mano uwa item. ⁸ Mini anene yu'i fami iya'om magara yi'ewami mini mino. ⁹ Naem avigem anon umantim bemi aruma fugitem sesivika ma'dem magu yu anon uma amitem. ¹⁰ Amuna yimakukun yeraremi, eno muna yimidem, eno ayiranta iwatem. ¹¹ Amuna muna kasanampa waita yu itave amuna muna yimi'de savi ayika yivige bitemono. ¹² Savi anta anoni ina, eno ayir anta iyori item. ¹³ Iye erarure banayim Koti avigatem. ¹⁴ Inaru magu manoni awogu baya mana nom magaga intanami i'naemi Jisasi yitem. ¹⁵ Mi'nugami, amonana savi anta yu nampa savi anene yu yina, kasanampa waita Danieli wafa atekam magufim itavem bem sigaka yevem. "(E'ana yantanayim intano)", ¹⁶ E'ana Judia bam inim aba raga'de anufim urogo, ¹⁷ ma yanafa banu magafim kuntave mapike aneneyu bumarago. ¹⁸ Yunapa banu owayege kolisota yu bumarano. ¹⁹ Amuba ininu nampa sito iya'o ruka ininu yanti yigunanti uwakago. ²⁰ Yigau mukina binona kana iyondipin nampa Sabatiga buyino. ²¹ Nayeyara, anon umaru wafa mana nom maga fa'warimi buye'enim umaru yitem, enaba buyitem. ²² Mini kana mante akiga buratem mini mana'bayi ba fa'ba iwatem. Koti uga'dem rukam batanasi yenti kana mante akiga ratem. ²³ Naem, mana bayi enanti sem, amonano manimi Jisasi bemino, o ma'mi bane sina mini bayafim amakukun iyono. ²⁴ Muna Jisasire sire, muna kasanampa munatirem Koti ugadem rukam waitanasi yivigem savi ayika birantemi anon anene yu nampa mirakoli yu uwaratem. ²⁵ Amuna ya sasame. ²⁶ Mi'nugami, enanti se me'ami wata iwa magufim bemino sina minifa bubono, oma aupem bane sina amakukun buyono. ²⁷ Inaru asina anon omi a'unte wapakem yem afu kupege wapa bina minimi Kotini aga ano yitem. ²⁸ Ite aga fukam safura (animal) baka akiki yu ano uyitem. ²⁹ Anon umantanoni kanaga a'ano ayufuni ina biyom ba om bu amitem, ofunu ano Inarufakem fafasem kumina Inarufakem erantano uwa item. ³⁰ I'naemi Kotini aga ano yinanim anene yu konaka yema fa'warina, maside magaga banu yigun anenefim batem. Wata aga ano konaka beni anon eran nampa anon oka yina amonatem. ³¹ Beni ankero yu ufen arevem yevem bemo ugaduka inin baita beni a'yanako yemantem uyitem. ³² Fiki yaga amonare intim marago. Ayanu ano auweni emi ana yurana, mini ba sea'i kananim kana a'dekagi'em. ³³ Mini anene yu amonare intano, Koti aga ano yinanim kana a'dekagi em, ontaga yivem. ³⁴ Fuga baya yiyimege, mana akum pike watanasi fu'bem buvimi mana anene yu fa'waritem. ³⁵ Inaru ba maga ba kipatemifo, seta bu kipatem. ³⁶ Mini kanaga, mana bayim ba buyintagem, Inarufakena ankero nampa benaga ba buyintagem, Koti mana intagem. ³⁷ Noani kanaga ugan antami item wata aga ano yirante ina. ³⁸ Nom mano yema bu fikagami batanasi non narem, anasi mantami, anasiyu ano yen yu yimeve mi'ne wami Noa beni sipifim upegem. ³⁹ Watanasi yu ano buyintanti bami nom mano yema fikem. Wata aga yinonam kana mi'nugem. ⁴⁰ Kam baita kantano yunapim bagana, mana bayim bina mana bayi batem. ⁴¹ Kar ini kantano witi akarafevem wantafim, mana'bayi bina mana'bayi batem. ⁴² Mi'nugami, rafi'de bago, ano'na yinanim kana buyintageya. ⁴³ Mana'ba intago, umom baita yinanim kanama afo'e intarukatem miniga rafi'dem bagara ma'i bu rabintitem. ⁴⁴ Mi'nugami, sesa ureba bano, bu yintano nafim bata aga yitem. ⁴⁵ Iyeba awogu yogam waita bena beni anom makarafi akemi yunanu beni kanaga yimitene? ⁴⁶ Mini yogam waita amo yitem beni anom yera amonanam. ⁴⁷ Fuga baya yiyimege, beni anomi ma'de anene mini yogam waita ayapim ratem. ⁴⁸ Mana kumi anoni yogam baita ben arapen sem, seti anom ame urem buye wane, ⁴⁹ sirem agona yogam waita arurem yunanu nampa nonu narantem, ⁵⁰ buyintananika beni anomi yitem. ⁵¹ Ben anomi arurem mini yogam waita sito sito ka akefatem. Kar abun rukam waita yu mi'nurana wawyan akekun nare ifidagatem.