¹ Amuna watanasi uyuge beni kato waita yu nampa bami ami siga. ² Ma,nisiren semi, lo manoni intim baitayu nampa Farisiyu Mosesini kagaka [sia] kumantuge bemono. ³ Mi,nugami, nate anene uwarago sino, uwarebe bemi amonano yenti togaru bu awakurono, a,mana seve yoganti yoganti bumareve mono. ⁴ Eyo, umantagam anene yu manafim anta ure rukemi mara anuyoge edemi mantem watanasi yimuga ruka yiyam ba de mini umaru bumaratem. ⁵ Watanasi yimonago yanti yogaru evemono unampadomi manta iyagi urami ara, ami mante yenti unampado amuga revemono ⁶ Yinom waita yu,i magufim anon yunaka bevem, mono naupa yinomwata yu kumante wapim oma kuman titem. ⁷ Yunam aya ewam magufim wata nasi awogu uyikare rabi,o sego yanti inteve mono ⁸ Enanti rabibe busego, mana sisa mana rukanamino yige ma,demi afa awami bamino. ⁹ Mana magaga mana bayi nanti seti fo,eo buseno mana afo,e mana rukanami inarufa bem. ¹⁰ yigenanti sisabe isego, nayeyara mana sisa mana bemi, Jisasimino. ¹¹ Mi,nugamifo yiugepikem anoni ugayimi yigenti yogam baita yi item. ¹² Ben avi mare yani uganiyim koti rana magafim kumina, beyau magufim ranayim Koti ben avi mare uritem. ^{13 14} Rafisego yige lo manoni intim waita nampa Farisiyu karabuntagena waita yui bami, inarufa bin ayim uyagewami, yige minifim bubinagom, nayeyare ifadami wata nasi buyurom. ¹⁵ Yige lo manoni intim wata yu nampa Farisiyu, kar abuntagena waita yui banami bu nom ka,dare amuna magufa be wata nasi yiyu yira mante wayeganu mante mini waita yu yige ka,na ewami ¹⁷ Rafisego, yigaum savi ugam waita ka,na wata nasi yibige beve se Kotinamapim mana baya site, mini fayanta ino afo mana waita mano Kotini koliga kaga waya sitem mini baya fakama erarino. ¹⁶ Yige yigaum savi ugam waita, naye anene anonayi uge nafi, mono magafi goli mano mono ma, mante ategevenafi. ¹⁸ Kotini altaga waya [promisi] site, mini mana anene baye afo mana bayi altaga bam aneneya promisi item mini anene uwarano wa,de. ¹⁹ Yige yigaum savi ugam waita yu, naye anene anoni uge nafi, presenti wafi altaga bam gifti ba atekene? ²⁰ Minugami iye Kotini altaga a sirantem, ami sirem uwarano. ²¹ Iye kotini mapim promisi ite, ²² minifim bam waita promisi urem kotin amapimi promisi evem. ²³ Rafisego yige lo manoni intim waita nampa Farisi yu kar abuntagena waita yui bamino muku evam minti anayum ra,dare taiti amewam, dili anayun nampa kuminanayumi yenti ateka anta bu awakurewa amakukupim bam anta nampa awa awa anta mini anta uwarari ugami ifa,de ena anta uwarewa. ²⁴ Yige yigaum savi ugam waita yu eno ami yo,yivige wami sito wo,waru yu usa ewamifo Kemoli yu ba mante magafim dewami. ²⁵ Rafisego yige lo manoni intim waita nampa Firisi yu,yige kar abuntagena waita yu, fereti kapumi mapakemi arume wafo yigen yupemi yioge yanta intewa mino. ²⁶ Yigaumi savi ugem fereti kapu aupemi nare aruntana mapake awogu ino. ²⁷ Rafisego yige lo manoni intim waita nampa Farisi yu kar abuntagena waita yui bami yigemi matika efam peinti ka,na bami yigen yupemi fukam waita yu yiyapa nampa savi anene yu bem. ²⁸ Mana yom intika waita yigauka se atekege sewapo aupemi muna baya mano itukem bem ²⁹ Rafisego yige lo manoni intim waita nampa Farisi yu savi intimbagena waita yu bami kasanampa waitayu,i mati uwante atekam waita yi mati mante awogugi omi. ³⁰ Yige se,senu sifo,eni kanaga bage,e tina manafim siyan deya kasanampa waita yu bu yirite ya. ³¹ Yige yantise kasanampa waita yiruruka waita agafanta bafo. ³² Yigen yifo,e unani anta mantuka. ³³ Yige memanu nampa meman agafanta iteniure kotini ara anenega uyaviteve. ³⁴ Mi,nugami, amonago, yige wapa kasanampa waita yu nampa awogu intirukam waita yu nampa lo manoni intim waita yu yiyikauna buga mana,ami yirure keka yaga iruka, mana, ami mono mapim yan yirure ³⁵ yivige anom maguga demi, yivigem ena ena maguga buga. ³⁶ Mini antaga atekam waita yu nare mana magaga fafasimi, Abelini narega bemi Sekaraia Barakaia nani manoni nareka bitem kotin amapim nampa altaga yirurukam waita yu yige yimuga ana yitem. ³⁷ Jerusalemi,o,Jerusalemi,o kasampa waita yu yirure mana,a yige wapa rauna buganu onako yiruruka kokori mose beyagafanta manye a,yan nako manafim rewa kana yigen yigafanta irante unami yifogewa. ³⁸ Amonago yigen yima,i fa ugami bemi. ³⁹ Mage yiyime,i mage bu simone bage,e se,amoyono Kotin avipim yigam waita.