¹ Mini nurami herotimi yinom waita wage-em, nayeyanta'o jisasi uwaram yanta wayami intemi. ² heroti beyi yogam waitayu yiyimem semi, mini waitami jonimino mono nomo manyike e-eniyimino, intaunami bemi fukimi masifaram mati pike itagene, minugami bemi eranti makemi buwai -i intan anene-yui uwareve-mino. ³ Erodias heroti beyafa-awa anao mantukayim arai manta kanakana uma akemi, Filipi anai bem afa-awa, Heroti fakaremi Jonimi aiga ayakai anta-uremi mantati kuyemi. ⁴ naugana, Jonimi sasamemi semi , kotini kaga wayamano sasamem semi buwai emi Herodiasim anasi iwai marano emi. ⁵ Heroti Jonimi wafai aruru kararim mifo, bemi Herotimi wata-anasi yagomi fegemi, nayeyara yemi wata anasi amonami Jonimi mana kasinapa waita wam-mino. ⁶ Bami Heroti benanoe madukam nurami yema fabam emi. yemi yema yunami mata ruwatu uremi neve vemi anoni uremi musen evemi bami, mini ruwantupim, Herodiasim araumano agonti magem wata-anasi yiwanapa nowem wami Herotimi amonaremi anoni uremi amomi umanti akemi, ⁷ Minim asika-manomi arai manta kanakana iranti, Herotimi asika ayami mademi akewaya Goti augaka napa wata-yu wakai semi Herodiasim araum-mano nati intaemi semi emi naye-yara ayevene. ⁸ mini asikamano anoemi herodiasi-mi wafai bemi sasa-memi naye waya bemi yewayege sasa mino-yanti, ugami herotim samemi, Joni mono nomo manyi-kewayi anom mana simeno-yare koraya yaufimi. ⁹ Kini-manomi anoni uremi arai aemi mini asikamano intauru-kemi sefo, asikao ayami dukemi yembai mana-a akum musem emi benapao yema ruwantu-uge yunam-newami, Heroti bemi semi eyo sirami Joni anomanomi amemo. ¹⁰ Joni avima kara-busifim marore anugam epemo. ¹¹ Joni anugami akefaremi anomi korayafim magemi mare-manti mini koraya napa mare-manti Herodiasim araum-manomi ame-paya, amidami maremi ano-emanom maromati amemo ¹² Naeni Jonini yogam waita auma-ami yemare maromati masifa-remi yemi bemi Jisasi naemi maromanti sasami masifaremi naye yanta Joni mano nomi feyikewayi agei fawa-rimi. ¹³ Jisasi mini waya itaremi, mini ayapa yeravem kanufim raunta-vem beyi yogam waitayu napa, yemi bemi mana magu wata iwapim. Wata-anasi yemi itami Jisasi mini ayapa bemi.yemi anom magu yeraremi yemi afoke Jisasim magagai be-emi mini ayapa bemo. ¹⁴ Jisasi mini maguga oravemi, bemi amoneni nesuyam wata-anasi wami, anoni-uremi agunati uyikemi yenati, uremi yianene makam wata-anasi manta soke uma-yikem yenyi-npa wami wata-anasifim, ¹⁵ Afaumi kupegami, disaipeliyu [ beni yogam waitayu] Aisasi sasamemi semi, mana magufimi wata iwane, ai afaumi kumemino, siyikana mana wata-anasi wogo, beyai yunami afakareya aya-ureya sana adeade magu-gake nago, ¹⁶ Mini-sirami Jisasi beyi yogam waitayu yiyimemi semi, yemi yunami bu-afakagane mono ive, eya yemi fawagai yigewai bega yunami yemi yimego. ¹⁷ Beni yogan waitayu Jisasim sasamemi yemi mana siyam noya napa kanti sikoni sana-a makane. ¹⁸ Jisasi semi mare mini ayanui mareraga semi sewanafa. ¹⁹ Urami naemi Jisasi siyimemi semi mademi Wata anasiyu kumantuga asayaga. Siremi bemi nini manam siyam noyai matemi kan sikoni napa, inarufai ameni wakakemi, asomi amemi mini ayakai, naemi mini sikoni mantemi kidiremi yimemi beyi yogam waitayu yimego wata-anasi sirem. ²⁰ Masideyu mini ayami nami yimu-remi, akan-akan ayami manta ruwantu-imi 12 Fia unami itugemi. ²¹ Adeka 5000 watayu nemono mini ayami. Afo anasi iyaonti bumi yantemo. ²² Ayami namantami, Jisasi ameuremi beyi yogam waitayu yiyikami kanufim raunte anantai bemi mea ayapa. Siyika beni yogam waita bewami, Jisasi siyikami wata-anasi yeyi magufa bogo semi. ²³ Siyikami wata-anasi yenti magufai bomi, Jisasi beyao menta anufai agum amukira uremi. Afau kupegami kumayu akami, Jisasimi beyao mini magugai wage-emi. ²⁴ Beni yogam waitayu bom kanumi. Ai sori nomano awanapim bemi, eram susuwami me-e bewam ayapakemi avekem yemi. Sori nomano itarami kanumi avekama meapike manafike dem. ²⁵ Afumi amaka kamore-gake mana siyamifo afapake mana afaumi banurapa mini awanapa, adeka sagara ewami, ²⁶ Disaipeli-yu [ beni yogam waita-yu ] amonami Jisasimi nomano amugai yewami, yemi yaigemi nesuyam intiti evemi yemi intami mana wami yewemino semo. ²⁷ Ameurem Jisasi yenati siyimimsemi, itama akeogo buwa ifegago, manami semuno. ²⁸ Afo Pitami yewa-yegem sasamim semi benati, ano-namano, fuga eve, sinaga semi sori-nomano amugai ewanafa bono. ²⁹ Jisasi sasamim semi, yeno, afo Pitami kanufikemi rautavemi sori nomano amugai bemi bemi-i Jisasi wapa. ³⁰ Bewami Pitami amonami anona susuwami yemi, aiga-makem enaimi Pita nopim sadagem kupegemi. Nomano bemi fikewami, Pita arama semi mani semi, anonao, sofa-ono semi. ³¹ Mana yai Jisasi itaremi ayam dami kumemi Pitami fakemi, afo bemi sasamim semi, emi sitoa ama-kukumi ewanane. Emi naugayawa sekai ama-kukum iyeveve. ³² Yewaye-yegeta Jisasi napa Pitami kanufim urentamo, susuwami minigai kipama intafem, ³³ Mente kanu amu-gapakemi beni yogam waitayu anoni uremi Jisasi avi yani evemi semi, fuga ugane , emi goti aganove. ³⁴ Beremi yemi genesareti oravemi, sori nomano me-e ena ayapa, ³⁵ Mini magufike waitayu amonemo Jisasi iyewafi, yemi ami rami madem ayapai bemi mini magu adekake wayifai, uremi masiden yianene makam waita-anasi mantareve bewapa mare yemo. ³⁶ Yeravemi yeyivi dami kumimi magafimi intaemo Jisasim eni unabado aneyoga raresemo, benati, afo nesuyam waita-anasi beni wado adekao aneyogayi avogu emo masidepai.