¹ Mini nurami Jisasimi mai yeraremi oma kumantemi bu non anapai. ² Yemi nesu wata anasimi yemanti Jisasimi yaku emo. Minimi bemi kanu fimi oma dauntavemi kumatuvimi afo yemi wata anasimi itavemo bun non anapai. ³ Afo Jisasimi nesu faronka wayami siremi wata anasi yiyimemi, bemi semi intago mana watami yunami yogaranti anayunui. ⁴ Yemo yuna yunuo magafimi intafurami ,mana a yunam yumano anapai fafasemi afo nunu ano yema nemo mini yuna yunui nunu ano yema nemo. ⁵ Mana a yuna yumano keketukai fafasemo itemo nesu maga bu wakai, ameuremi dam bemi naye yare, nesu magami keketukai buwami. ⁶ Ugami a ose yirumagami, yemi ameure asami kavemi fafasemo, naye yare yinuano amega bemi nomi bumaremi. ⁷ Mana a yuna yumano fafasemi aviyarare pimi afo dam bemi, aviyarare nuano yemo dambimi, aviyarare nuano dambemi yemi manta savi emi. ⁸ Mana ami anayum manomi avogu magafimi fafasivemi afo agami iremo ,mana a mano manaunami iremo, afo mana amano afapake manatenimi iremi, afo mana amano mana wata mifo siyakanti iremi yunan agami. ⁹ Watamo agagamo dukate bemi intama soke urena mini wayami marano. ¹⁰ Afo naemi yogam watayui Jisasimi manisiremi intaemo, na ugayawa faronka wayay fikemi wata anasiyu nampa seveve? ¹¹ Jisasimi yen yami anona emi mani semi, yigemi yimowa ogo, nayeyare, masidem aupa waya Inaru magu yanti ai fakai yigekai fawarubuga.Ugami mana wata anasimi bu intaga inaru magu yanti. ¹² Minugami afo yemi wata anasimi iyemo waya manta seti wayami soke iyimi, yemi yivimi kanayo masidemi seti waya intare yirapikemo maga naniyimi,Gotimi enawai yiminami yemi itukara uvitemo feyam waya yivimi gatemo. ¹³ Mini mi ugami afo semi faronka waya fikemi sewau.Wata anasi yu nampa waya siranti nayeyare,yemi amonemo semo una yantai, ugami yemi bu amonama soke uremi bu amaemo miniwaya yanti. ¹⁴ Kasanampa waya Asaia sirukayimi fakai fawaremi mini wata anafimi bemi mi ni semi, emi seti wayami intano, ugami emi intama soke buinonami waya antami intama soke buino, amonama soke buino bemi antami amonama soke beino,mini yanta yui. ¹⁵ Afo enawai mani semi, mini anta yanti yira ano mini wata anasi manta ake uvimi yemi bu ugami intanayo Gotini wayami, afo manimi emi yemi yugami mukuremi yemi mana yantai bu amonanayo, a,a mana wayami intatemo, intagara ye yirakake, amaka yemi yinemi amidemi kumi i afo semi soke uyikanu. ¹⁶ Ugami yemi yimoinayo nayeyare yigemi amonama soke omi anenemo semo unami,afo ani uma soke uremi semose suna wayami. ¹⁷ Semi fugami yigemi yiyimeu,yemi nesu profetimi wa atekam watayui feyapa wage emo.Yemi yiyigara uremi anona yiyinti e emo anenemo yigemo amonewami, ugami yemi bu amonemo magemi, ugami yemi bu intemo. ¹⁸ Intama soke ogo anta wayami faronka wayami watamano yuna yumi intafimi. ¹⁹ mana wata mannomi intemi Gotini maguyanti afo ma ma soke buemi arapem wa intitim wai, bemi yunam yumo anapao fafasini, itemo savi wata sata mano yemanta ameuremi fasademi arapikemi. ²⁰ Wata manomi ameuremi ameuga uremi Gotini wayami anona amonampai bemi mini yunam yumo keketu magaga fafasi emi. ²¹ Wata manomo Gotini waya mantemo amakukumo aki kanaga o ini emi, afo manta ma ma arapemi wa intitimi wama soke buemi.Mini wata mano ameuremi amakukumi yera ratemi. Umanampa makasinto fawarikai. bemi minuremi yuna yumo daremo ben anuo yanafa bami bu magafimi bu kupeka. ²² Wata manomo Gotini waya intaremo intiti wa arapimi magayimi, ugami bemi nesu intirio emo monei duwantu iranti, onta nampa mana magaga kena uremi bu Goti nanti bu intemi.Gotini avu awai buemi. Afo bemi manemi yunam yumo fafasemi avi yararepimi. ²³ Wata manomo Gotini waya manta arapemo wa intitim wa mademo awakunta sokeo mini wayami. Bemi yuna yumo avogu magagao fafasibemo afo avogu agami iremi. Mana ami 100 irami yuna agami afo mana ami 60 irami afo mana ami 30 agami irami. ²⁴ Jisasimi ena faronka wayami wata anasifai semi, Gotini magumano minugemi wata manomo avogu yunam yumo manemi antivi yumi beyi yunapimi. ²⁵ Ugami yemi dafisewam wata yuo babuwomi, yunan afoeni namugo yu ano yerabemi savi namantano agami mare intafemo; awanapimi uremi bobemo. ²⁶ Antivi agami manomo kafam bemo, dam bemo agoyantem agamo irami, savi namantano wai daremi. ²⁷ Yuna afoeni yogam watayui mare sasamemi manisemo, Anona wata mano, emi avogu yuna yumi darananimi eyi yunapimi, ugami iteniga urena darenafi? ²⁸ Yunan afoe semi, seti namugo mini savi nanti yogemi, afo yogam watayui manisire sasamemo, Emi oma dadu wofa noyara eveve mini savi namaru i a? ²⁹ Afo yuna afoe semi, Buve, yigemi buwa daduwogo, agagei namanampa antivi yumi daduvifo. ³⁰ Ifadanam savi nama nampa antivi nampa dare wanana yu nam manti nurane. yunami yunapai kakuvemi semi yiyimenu yunamo mante wayimi manimi senu, savi ataya nare dadurega anta ogo igafimi agararanti. Afo naemi manta duwantu antivi urega yunamo magewam mapimi magago. ³¹ Naemi Jisasimi ena faronka wayami wata anasi yiyimemi. Bemi semi, inaru magumi minemi minugemi mana yayagam watamano mantemi beyi yunapimi yogemi. ³² Mini yunam agami mini ya intami bemi sito ugami.Watamo yogewami, ugami bemo anoni emi ya antayi ewa, itemo nunu ano wai anami mini yafimi uwaratemo. ³³ Jisasimi ena faronka wayami wata anasimi yiyimemi semi, inaru magumi fara wamo intogewa yantagi uga, itemo mana inim mano mantemo farawan nampa o wayegamo into gani itemi. ³⁴ Masiden nuramo, Jisasimo waya siranti wata anasi yu nampai, bemi faronka waya fike mina yenampai waya sewa. ³⁵ Bemi minewami manemi wayami amakagi mana profetimo feyapa agantukami. Mini profeti mano semi, semi wayami faronka wayafike minami senu. semi wata anasiyu nampa waya siranti mini faronka wayafike minami sewa nami siguru yimenu naye anenemo aupao wan anene yanti. agoyantem semo inaruwa magawao uwarauna gakemi. ³⁶ Jisasimo wata anasi yera yiremo naupa bi kanafimi, beni yogam watayui yerave sasamemi mani siga. kanawa emi seyuyami sisimima soke iteve anta wayami mini savi namanto antivi yunapimo darewam wayami. ³⁷ Afo Jisasimi mani siremi yiyimemi, watamo iyemo awogu yunam yumo yogami minimi wata aga ganta emi. ³⁸ Yunami mana maga yanta emi, afo avogu yuna agamano manemi wata anasimo Gotiniwaya awakure wayimo, afo savi namanti manemi wata yuo savi anta emo satamose awakure wayimo. ³⁹ Afo mini namugomo savi anayumo yogami.Mini satami. Yunamo manta duwantu i kanami, minimi mana magami kipananimi,afo yunamo manta duwantu im watami mini Gotini Ankero yui. ⁴⁰ Mini manayi om antagai yemi masidem antayui igafimi agaremo, Gotimi waya dayima watayi uremi dayimatemi wata anasimi mana magamo kipanami. ⁴¹ Wata aga anomi Ankero yui yiyikanami bemi, yemi maro manta fasadatemo maside yantao fasadatemi mini yanta guo wata anasi manta kumi anta ewa yanta gui, iyem wata anasimo Goti amo awakure wayimi. ⁴² Ankero yu ano wata anasimi intafuegemi anona igafim datemo, itemi yemi yi i maremi, afo ifi dagemo, afo yiwayami arafitemo. ⁴³ Ugami yemi atekam wata anasimi ananta uremi a,o,seyewa ananta itemo aupemi Gotini magufimi. Watamo agagam dukate bemi intarena manta sokei mana waya sewaunami. ⁴⁴ Gotini magumano mana yantagi uga. koli wai yakagaga. mana wata mano afakemi mana ayapao bemo yunam yogara ipikemi bemi magami udemi mini yanta yera remi masifemi mini anona yantai.Naemi bemi beyi masiden yantai makami monekai yimima kiparemi oraremi mini magami agaemi. ⁴⁵ Mini minami ugemi Gotini magumanomi yanafagi uga. Watamano agairanti itemo beni meyami yanafagi uga. ⁴⁶ Bemo amonamo mana meyamo yanafagi ugami bemi masidemo bemo maka yanti monekai dama kiparemi yera remi mini meyami oma agaemi/ ⁴⁷ Afo yeraremi, inaru magu manomi minugemi mana wata manomi noyai fakaranti wasemi nopimi intafuremi fakemi nesu avipike avipikena noyai. ⁴⁸ Wasemo itugami noyao fakewam watamano wasemi dilifemi awafa yemi. bemi kumakemi avogu noyagui maregemi yaufimi magemi, afo noyaguo avogu bu uganui intafimi bemo. ⁴⁹ Maga kipakai, mayayio antami fawaritemi watayu kai, Ankero yu anomi savi watayui aisitemo wata uga pikemi. ⁵⁰ Yemi mini watayui intafu egemi datemo anona igafimi, yemi anonayi i maratemo ifi i dagatemo, yiwayami arafitemo. ⁵¹ Afo naemi Jisasimi beyi yogam wata yinta emi mani semi.yigemi mantara soke ege mana faronka wayamo yigepaose daunami? Afo yogam yogam watayui semi eyo semo. ⁵² Jisasi mani siremi yiyimemi, watayuo iyemo mana faronka wayamo intama soke iyimo avogu inaru manoni yogam watayi iyimi, yemi ma ano afoeyi uga. ⁵³ Jisasimi wata anasimi masidem faronka wayami yiyimi demi, Jisasi nampa beyi yogam watayu nampa mini magu yera remi bemi. ⁵⁴ Yemi Nasareti i bemo Jisasini magu antafai bemi jjuda yuyi mono mapimi wayami yiyimemi. Gotini wayami wata anasi yui ben ami intaremi era yogarui uwaranui amonemo. yemi antuduremi semi, mana wata manomi iteakena avogu intiru, eraru iteakena marene. ⁵⁵ Fuga ugana watami magui uware agagafi a? Fugawa be anoemi bemi maria, afo ben ayomai. Jemisi, Josepi, Saimoni afo Judami. ⁵⁶ Be ayoma nampai, maside manomi senu nampai senunampa bemo a? Ugami mini intiru nampa eraru nampa ake yogaru iteakena marenafi? ⁵⁷ Yemi yira umanti demo Jisasimo uwara yantaganti, ugami Jisasimi yiyimemi semi. yemi wata anasi yui ena akupike nampa ena magufimi ite profetina avigateyafo, ugami yemi fuga watayui yemi mini profetini akun ugami. Bemi magu ugapimi yemi soke ure bu avigemo. ⁵⁸ Bemi nesu anona yoganti bu yogemi mini ayapai naye yarafi, yemi bemi yima kuku bu uakemo.