¹ .Jisasi nampa beni kayo waita yu magufipa ba tauni finu novemi kotina yiyimiduka, ² Mana'a ininami benampa no'e yomi ,Jisasimi yenyi yi'i yofaurem savi awamu'i yepim bami manta fasa duka.Maria yami mini akupikemino,Mini inim avi;i meri Makdala. ³ .Joana nampa susana mi mini a kupikemino,Mana inim asika nampa .Joanami kusa ana'i Herotini maka rafikayimino.Mini inim asikayu Jisasi nampa beni kayo waita yu yofa ewa. ^{6 4} Amuna watanasi tauni fipakem yema uyomi Jisas mana wayegam baya yiyimiduka. ⁵ .Yunam yogewam waitami anayum intafem bewami mana'a akafana kugufami watanasi yinakom makarofe bomi nunuano yema naruka. /6.Mana'a anayumi nom iwapim om magafim fafasiremi rasukarem bu'irem. ⁷ Mana'a anayumi aviyararem wapim fafasemi mini naru ano ukuremi manta mini anayunu aruma saviem. ⁸ Minugami mana'a anayumose awogu magafim awogu uriri em.Mini waya yiyimidemi naeim yararem semi, wata mose agagam rukate intama sokeono. ⁹ Jisasini kayo waita yu intaemono ,''Mana wayegam waya manoni antami naisigene? ¹⁰ /. Manisiremi Jisasi yiyimiduka ,Kotimi yigemi awogu intiru yimi duka aupa aneneyu beni magufim bam.Minugam enawaita nasi pim wayegam baya yiyimidukau.Itanayomifo mini baya manoni anta iyintanayo. ¹¹ Mini wayegam waya manoni antami Jisasi beni kayo waita yu yiyimika .Mini anayumi Koti namino. ¹² .Anayunu akafana fafasini ure Koti na intamifo inaemi wananomano mini waya yen yirapike manta fasa duka. ¹³ . Ommagafim fafasigam anayumi, Watamano Koti na mose intare amo mantukani uga.Minugafo beni anu iwam anayum kana magafim kuka.Akikanaga yimakuku omi makasintano yimi kumipim yanduwuga. ¹⁴ Aviyararem wapim fafasigam anayumi Koti na intewam watanasi yi ugamifo,Yenyi wantim amuna intiri ure yenyi intiru mana magagakena anene yuka ba.Mini anene yu ano yepim utubimi Koti na yen yirapem manta fasa duka.Minugami, Koti pimi itama eram buyuga. ¹⁵ .Mminugamifo ,awogu magufim ose fafasiga anayumi ,Koti na intewam waita ka'na uga.Mini baya au'arapem wami mini waya awakunte sokeuga.Au iyaontano avogu yunam fawaritem. ¹⁶ Jisasi enawa mani sirem siga,Buba mana waita mano onugade sago amenapa buranonam. madem watanasi amonanaure amaka ratem. ¹⁷ Aupa bam mana anene buwatem. Auparukam anene yu mana nurami fakagi item. ¹⁸ Intama soke ogo, Mana waita mano anene yu ose wafa rukate mini enawa yimitem.Minugami mana anene buruka waitami beni intaka bam anene yu ba Koti bu amitem. ¹⁹ Mininuram manami Jisasini afa'awa nampa ano'e bewapa yigamifo, ben'adeka bubuga nayeyara amuna wata anasi benampa wa. ²⁰ .I'naem mana yu Jisasi sasamemi ,''enano'e nampa enafa'awa en amonarantem mapa wa. ²¹ .Jisasi ma'nisirem yemi yiyimiduka, Koti na intare awakure wam wata nasi mi yemi setino'e sifativa bemono. . ^{23 22} . Mana nurami Jisasi nampa beni kato waita botifim rauntami mani sirem yiyimiduka, nom mano me'anafapa bofa, ''Bemono.'' /v23. Bewami Jisasi maro bawuga. Anom susuwa yimi nomano yenyi botifim utubimi anom umantim buga. ²⁴ . Beni yogam waitayu be Jisasimi amonami rugem wami maro avurure payami manisiga, Anona'o, Anona'o, seyuya adenaka fugofanunave. Jisasi itavemi mini uwa nampa nomi yisiduka. minurami susuwa nampa nomano maro beni maguga maguga uvuga.. ²⁵ . Beni yogam waita yu manisirem yiyimiduka, yigenti amakukum nafaga rukege? Yintudure febuga, nayeyara Jisasi maro minurami yenyi wanapa maro ma'ni yintairi uga.Mini waita iyewafiyo? Jisasi simi uwa nampa nomi bena intaga. ²⁶ Jisasi nampa beni kato waita Gerasenei buga, Galili nomano me'anawafa. ²⁷ Anom magufikem waita savi awamu rukayim Jisasi yema amonem. Naupawa iwayi, unambado ageka iwam waita matipim mana wam waita. ²⁸ Mini waita mano Jisasim amonaremi wa' ruremi Jisasi aifimi rufampuga. Aravokam uremi semi, Jisasio semi nau sikarare, Ano'na Koti aga ano? Semi savi buyusikano . ²⁹ Minugami, Jisasi eram baya siremi mini savi awamu aremi bino yanti. Watayu nanti mante aika ayaka antaure bega rafika. Afo savi awamuano bepim ofeganami mini nantano ragaganani. Savi awamuano avigem wata iwam magufa maro aremi. ³⁰ Afo Jisasi intaemi, "En avi'i iyeve? Afo bemi semi, "'Setivi'i Tauseni" Bemi ma'nisirem semi, Amuna savi awamu ben aupem ituka. ³¹ Mini savi awamugu ano Jisasimi samemi mini masipim bu yiyikano yare. ³² Foru anu anapa be yunam neve wami savi awamugu ano Jisasim intaomi yiyikama forupim ruka. ³³ Afo mini savi awamugu'i mini waita yera arepaya forupim ofebemi nomi navikare fubuga. ³⁴ Foka ose rafikam waita yu anomini anene fawaripaya amonare maro magufipagu yiyimiduka. ³⁵ Wata anasi mini waya intarepaya amonarate buga. Orave amonami savi awamugu arem bugam waita Jisasim aifim kumanturem wami oma amonemo.Unambado urem awoguka wa, Afo wata anasi mini amonaremi anom fegari emo. ³⁶ Masidem wata amonewami mini waita fikem savi awamu sasakarami, miniga bage'eyomi eno yeravomi siyimemo.. ³⁷ gerasenesi magufikem watanasi fe'de Jisasi nanti se yera yire bono. Jisasi botifim rauntami yewayege buga. ³⁸ Mini waita Jisasimo savi awamu manta fasa rukam waita mano Jisasi sasamemi, " Enampa birare." Mi'nugami Jisasi sasakam bimi ma'nisirem sasamem, " ³⁹ Eyamapa oraveva Koti ofa uruka anta maside watanasi siyimeno ." Afo mini waita yewayegem bemi Jisasi beka uwantuka anta maside anom magufipa siyimiduka. ⁴⁰ Afo Jisasimi nombarum mano mean afapa oravimi masidem wata-anasi yimoyure aviduka, nayeyara bemi aveyure wage;e. ⁴¹ Mana wata ben avi'i Jairusi bemi mono ma'ano yi'nom watami.bemi Jisasim aifim agoyaum akaremi Jisasim intaemi setimapa yeno. ⁴² Nayeyara ben araum mano fugirantem ewami. Bemi mana asika mana rukami siyakanti fo afapake kanti Oranta. Afo Jisasi Jairusim amapa ,bewami amuna wata-anasi sisipaure awakure buka. ⁴³ Afo mana inimi wage'emi, mini inimanomi iyaka nare yakagewami amaka siyakantifo kan Orantaka. Bemi amuna moni;i ugam remi ofai mararare simi manawayi ba bu ofawauga. ⁴⁴ Mini inimano Jisasi aneka yevemi sito'ami Jisasini wado araka fakaremi mini ameuremi ofainti mantuka. ⁴⁵ Jisasi yintaemi, iyewa sineyogane? Maside yu bube semo, afo Pitami bemi mani siremi sasamemi. Efantano'o amonano nesu wata anasimi emi yaku uremi agei agapaga. ⁴⁶ Ugami Jisasi semi, semi intagaunave mana wayi sine yoduka, nayeyara semi amonau nami mana'a seti eranti siremi bemi. ⁴⁷ Mini inimano intagemi bemi bu ayofatemi, Minugami antuafa demi, Minurami mare agonyou mukuremi orasi marem jisasi adeka buga. Madem wata nasi yigauka sima fawarurem naye antagakem jisasi ane yoganave.Maro jisasi aneyogami ese mini kanafim ofainti matuka. ⁴⁸ Afo Jisasi mani siremi sasamemi, asika aga'i, eni amakuku ano em asofa'akemi, Afo arayasi nampa itave bu. ^{50 49} Jisasimo mini inim nampa waya sewami ,mana rafisim watamano jairusi naupakem fawaruremi,'' enaraumi fugemino'' Minugafo jisasim anona umanti bu amenu.'' Jisasimi mini waya intaremi, Jairusi ami anona emi semi manisemi, emi bu fegano, emi amakuku nu, en araumano soke itemi. ⁵¹ Jisasi Jairusi amapa yema fawarem. bemi e'ami wata anasi benampai bu upegemo. Jisasimi Pitami avigemi Jonimi, Jemsimi iya'o afo'e nampa ano emi yibigemi mini naupa upegemo benampai. ⁵² Wata anasi naupa wayimi yigunanti evemi ifi'i ragevemi wami, ugami Jisasi mani siremi yiyimem, yigemi ifi'i buwa ragago fami rugemi bemino. ⁵³ Wata anasimi imi saskemo, nayeyara yemi intami ai fubuga. ⁵⁴ Jisasi mini asika ayaka fakaremi semi, iya'ontano, itavono!" ⁵⁵ Mini asika manoni awamu ama orademi yimi mini ame'ema urem itavemi. Afo Jisasi yiyimemi semi, yunami ameurem amego. ⁵⁶ Mini agaiano afoe anoeya savi antui dentamo. Ugami Jisasimi eram waya yiyimemi mana wayi busasameno.