¹ Mana nurami Jisasimi augam mukevemi wami, afo mana beni yogam wata mano manisemi."Anonao, kanawa emi seyuyami sisiminteve yugam mukinti minuremi Jonimo beyi yogam wata yuo yiyimini iteve. ² Afo Jisasimi ben ami anona emi semi, "Yugamo muki rantei manisirega yugami mukogo, "Setifoeo, en avi anoni atedena wano. Eni erantano kumitemi. ³ Maside nurami yunami simi nonami mini wayawa kakena amakai. ⁴ Afo emi senu yanti umanti sirano nayeyara seyuyami kumi'i ugi yikewa siwau sayekemose usike wayi. Afo emi e'anana umaru'i senukai buwayi. ⁵ Afo Jisasimi yenanti semi, "Mini namo manawayimo yigen yiwana pikemo, mana agantamo rukanami bewapa ose ayufu a'wanapao bemo intaemo semi,"Ana'o mano kanawa omare bretiimi simiteve. ⁶ Nayeyare mana seti aganta mage yema fa'waruvi'i yunami aminti buruke'i amenunami? ⁷ Afo beni anao ma naupao waganami, ben amose anona emimani semi, "Emi semi uma yoganti bu simeno, ontami ma'ano nintami uyabugemi, iyaoru nampa senampa ai babuga siwau, semi breti itave bu amenu." ⁸ Semi yiyimeu yigemi mana afoemi avesara itemi itavemo yunamo beyi ana'o mi amiranti, ugami beni ana'o manomi arawoka emi nesuyai, ugami bemi itavemi bemi nesu breti amitemi. ⁹ Minugai afo semi yigemi yiyimeu, yigemi yigaum mukurega intao Kotimi yigemi yimitemi magemo yigemi yiyinanimi, afo bemi yigemi yiyimitemi yigemi anenemi afakago, afo yigemi amona nago, yigemi ontami arina Kotimi ontami riyika. ¹⁰ Masidem watamo yugam mukremo intaewayi Kotimiyemi marewami afo watayu ose afakewayi yemi amonewami afo watayuo ontamo arewayimi ontami yemi riyikatemi. ¹¹ Mininamo mana aga'ano yigepikemo bemo beyafoemo noyagantose intainami amakaga bemi memami amitenafi? A'a iyaon tanomo kokori amuganto. ¹² Intainami, kanawa ben afoemi mana savi wami ami tenafi a? ¹³ Yigemi kimi wata anasimi, ugami yigemi intagege avogu yantagai yigen yigafanta yiyiminti mini mana uremi yigen yifoe Inarufai wayimi, bemi amoyevemi Ayo agai yimiranti iyem wata mano inta ewayimi? ¹⁴ Jisasimi manta fasa demi mana savi awamui mana wata fimi wami wawaunti atiyimi, savi awamu ano yera aremi minimo awaunto atikage eniyimi wayami semi, afo nesu wata anasimi itavemi antudemo. ¹⁵ Ugami mana'a wata anasi semi, "Bemi savi awamuguo yiyikewami Biljebul ni erakai, bemi svi awamugu yinom watami." ¹⁶ Yemi mana'ami Jisasimi intaemo mana eranti yigatemi fuga bemi Inarufake nomi. ¹⁷ Ugami Jisasimi yenti intirui intaremi ugami bemi yemi manisiremi yiyimiruka mana nom maga fikemo kantimo radavemo yeyi ranto aruvewami mini nom maga manomi savi itemi. Afo mini namo wata anasi mana naupakemo yeyi anapa aruvimonte afo ye akumi savi itemo. ¹⁸ Mini namo wan anomano awanapi kemo dayimanami kantimo aruvimote afo iteni urena eranti rukena item erara rukena yemi rafisitenafi? Semi mini sunami nayeyara yigemi senanti se'i wan anomano avika'i savi awamu'i yiyikewane. ¹⁹ A'o fugamo semo savi awamu avipimo yiyikewanai, afo yigenti akumano iyeni erakaga savi awamu yiyikevemo? Yigenti akumano yiyimemi atedemi busemo. ²⁰ Ugami semo savi awamuo Kotini akekao afo yigemi intago Kotini eranti yigekai kumitemi. ²¹ Jisasimi enawai semi, mana eram wata mano maside aruvi yanta oserukatemi, afo beyamakai rafisitemi beni aneneyui avogu uremi watemi. ²² Ugami afo mana wata manomo eranto uremo mana wata nampa ose aruremo temi, afo bemi masidem fagoyui, isantami aruvu asimi mini watamano nintami, afo benama pikemi aneneyui wa'i maratemi. ²³ Wata manomo seti akumo bu watemi, afo bemi seti namugo watemi, afo wata manomo sofa uremi wata anasimo bu ruwantu inaniyimi, wata anasimi yiwakuntana mana mana itemi. ²⁴ Jisasi enawai mana semi mini namo savi awamu man watamo yera aremo mana wata bovi nami, afo bemi amanti novemi watemi asam magufai, afakaranti mana ayapa audananimi. afo bemo bu afakemi, afo bemi sevemi, semi yerarei bona mini watamo ben nampa ose wage'eguna. ²⁵ Yeraremo savi awamu anomo oraremo yema amonemi maose aruma soke ugemo atedemose wami, fa bemo wata buwami. ²⁶ Afo bemi bemi enawa 7 nia savi awamu, bemi yakagaremi savi antayu emi. Afo yemi mini naupai uma watemo, anantai mini wata mano savi wari'i ugemi wage'emi, magemi ena savi ugami uvemi. ²⁷ Jisasimi mini wayami sirami, mana inim mano awanapa nesu wata anansi wapimi wage'eniyimi aravoka uremi. "Semi mini inim manomo emi nami amiyimi bemi amoyitemi. ²⁸ Ugami Jisasimi semi minuganayomi seyuyami seyami, wata anasimo Koti amo intare awakurewayi yimoyitemo. ²⁹ Nesu akum wata anasimi yema ruwantu uvemi Jisasimi semi, " Yemi wata anasi mana kanagai savi akum wata anasimi yemi intaemi mana akei amonaranti miniyu yigatemi Koti sisikaya yigeyare. Ugami yemi mana ake anenemi bu amonatemo, yemi amona nayomi mini eranti Jona nitami amonatemo. ³⁰ Feyapai Jonami kaipike yanta fawaruga Kofimi yigatiruka Ninive wata anasimi mini mana uremi watemi Kotimi wata anasi man nurami. ³¹ Mana nurami Kotimi uyamaka wata anasimi Koti yiyikananim kumini sautikemi Kotiga itavemi sima fawaritemi wata anasiyi mini kanami. Nayeyare bemi nakakemi yemi intaranti avogu intiru na saveyui Solomonini. Ugami magemi manawayi Solomonimi yakaga gayi mage wenafi manafimi ugami yigemi bemi bu intewami. ³² Yemi Ninivekena wata anasimi itavitemo Kotini kotigai uremi sima fawarimo yeyi savi antami mage wamini kanagai. Nayeya yemi sima yeyi kumi'i siyuno siga mini kanamo Jonamo wayamo sirukai, mana wayi Jonami yoka gage manafimi wai, ugami yigemi bemi bu intami. ³³ Jisasi enawai semi mani siga, "Watayui omi intidei aupai bu magewa'o fikama fagetifim bu magevemo, bumi yemi amakai maka ganami wata anasi naupa upegayimi mini omi amonatemo. ³⁴ Eni augami omi aumano nintami, afo en augamo soke uganami, enaumi kumayupi watemi. ³⁵ Minuga ewa rafise, mini omo epimo wayimi ayukapo. ³⁶ Ugami, enaumano omo kevemo mana ayapao kumayu'o buwanami, afo maden auma onanta keve iamu manoni onanta yigatemi eni omano. ³⁷ Jisasimo waya sima kiparami, mana Farasia wata mano intaemi Jisasimi intaemi senampa yunami nanoyare beya mapimi, afo Jisasi benampa oma nemi. ³⁸ Mini Farasi manomi nesu intiriemi bemo amonami manemo Jisasi ayami bu sese emi yenyi avu ava avakuntemi bemi kumantu vemi nemi. ³⁹ Ugami anona mano sasmemi mani semi, yigemi Farisiyui seseuma soke ewa kapuwa ferati manoni mapai, afo yigen yupemi ituka yigen yarantina inta ranta yui nampa savi antayu. ⁴⁰ Yigemi o'em watayui! mana watamano mapaina uwantena naupa buwa uwantukene a? ⁴¹ Yigemi anene bu rukam watayu naye yantao aupemo wami, afo yigenti maden yanta ano aruma soke itemi. ⁴² Afo yigemi Farisiyui, yigemi rafisego, yigemi ame'i sagu nampa yuna kakena yunami lo arayanta, ugami yigemi Kotini bu ayi ake'i afo ateka avu awa ifaduka minimi avogu yigemo ateka anta mose Kotimi ayika anta, afo ena mam bayayu ifa bu rami. ⁴³ Yigemi Farasiyu'i, yigemi ategago, yigemi ananta wam kagai mantei mono mapimi kumanti ranti evafo, afo yigemi wata anasiyu'i waya wane yiyikago yanti yunamo moneka rawan magufimi. ⁴⁴ Yigemi ategago, yigemi mati mati ganta ayofagani uga. Wata anasimi bu intagemi amuga buge yige ewa. ⁴⁵ Mana age waya manoni yiyimemi wata mano mini waya intaremi Jisasimi mani siremi sasami ruka, yiyimem, wata naye wayamo senomi seyuyami manta savi gugami onami. ⁴⁶ Afo Jisasi semi, yigemi ategago, yigemi agewaya yiyimem watayu'i ! Yigemi ewami wata anami anona umanti marewa, ugami yige nanaomi mana yanta bu ewami yifaiti yemi. ⁴⁷ Yigemi ategago, nayeyarafi yigemi minumanti mati mati gu'i mona watayuo yigen yinau yigao yirurukayimi. ⁴⁸ Mini anta nakomi wata anasi yigatei yigemi yige yuna'u unanampa mana yirakai wami nayeyara, yemi yogam watayui yirurai masifaruka yemi. ⁴⁹ Avogu nampa ateka inti nampa kotimi mani semi ,semi yogam watayui yiyikanu, ugamifo yemi savi uyikemi mana'ami yiruma fugitemo. ⁵⁰ Naremi yogam watayu yintami wayemi Kotimo maga uwanta kake yem magega yeravuga, yemi wata anasimi magemo wayimi mana kanagai wayimi sayekemi maratemo mini akumo yogam wata yiru gayimi. ⁵¹ Agoyaranti Abeli kake yeravemi Sekarayamo aro kanagai,bemi min yogam wata mono naupai aromi awanapimi Koti amose sewa kaga kakemwa Koti amakai. Fuga semi yiyimu wata anasi mage wayi maratemo sayekemi wata yu'o yogam wata yu'o yirugayimi. ⁵² Yigemi ategago, yigemi age wayami yiyimem watayui, yigemi savema noninta, yige nana'o bu upe buga, ugai afo yigemi ami uyayikami mana'a mose upegara oyimi. ⁵³ Jisasi wayami sima kiparemi afo mini ma'i yeraremi bemi, afo yemi agewa yamano inti watayui nampa Farisiyu intama Jisasimi madem madem intainti intaemo. ⁵⁴ Yemi ami afakemo sayekemi Jisasimo wayemose si aupekemi.