Anafim 10
1
Naemi , Anonami sewentia wata yibigemi,bemi karikari urem yiyikami anantai bemo bemi yiyikemi masidem anona magu nampa sitomagu ga bemo bira ika.
2
Afo ma-ni siremi yiyimem, "Nesu yunami yunapim afugagemi,kakugem wai mantogo yare. Beni yogam watanasi mini mantogo yanti yiyikeno.
3
Yigemi bogo, intege yigemi siwisipi yanta yiyikeu afa iyam, yi wanapa.
4
Minu gafo yigemi monewa bumarago, unanyuba imaragoyare, aifikena su yu ba iwe sege afo watanampa asipo a`a owe orunturewa bogo akafana.
5
Mana naupa ose upegate-i, afo anantai ma ni `wa sego, mana araka wago amo yewe.
6
Afo sanawayi arafaru ewayimo watemi afo bemi yigenti awogu waya maratemi. Mi`nu gananim wata buwa ami, afo yigenti avogu waya yige-ka yi-i tem.
7
Mini mapim mana wago, afoyigemi nayemo yiminayomi newe-ga wago, nayeyara , yogam watanasi yeyi meyami mara-temo. Afo buge yigemaside naupa buwa ogo.
8
Afo mana maguga orawimo yibiga ote-i, afo yigemi upege-i yenampa yunami nanagomi yenti mapa.
9
Yi ewam watayu mini magufimi wa-ote-i manta soke-uyikago. Mini magufimi, afo yiyimega mani-sego Kotini eranti adeka-i fawaritem.
10
Manamaguga`o oravimo wata anasimo bu yibiga-otemi afo yigemi ami bugeyige ugaka oma itavega man-nisire yiyimeno
11
.Yigenyi maga akamanomi siyaya sigai agapage, minimi seyuya manto fasadeya mo fau , mini yiyigatemi nayemo yige uwarayimi, sayekemi bemi , Afo yigemi mani intirigaogo; Kotini yintano adekagi ewane.
12
Semi yiyimewau Kotimo watanasi Koti siyikara uga nurami, umanto mana magufimo fawari nami yaka gatemi sodomu fawarugane.
13
Yisasi enawa mani-sem siguno siyikau wata anasimo Korasini naupa Betsaida magu yaonti sesi eraruose yigatunayu-i . Mini eraruo amone magu Tairi nampa saidoni i siguno siteyafo yeyi kuminanti, yigunanto ewam unambado ogo, yemi magaga-i kumantuwe yunti yeyigei fegago.
14
Ugami mini nurami Kotini ugaduka nurami beyi watanasi siyikara, Umanto fawarimi yigeka ose yakagare itemi umanto Tairi wa Saidoni-i.
15
Afo yigemi kapinaremi yui, yige intami yigen yiwi yani eya yanafai inarufa uriteye, ah? bu ugamino yigemi kuminagomi, mempe, mempapa fugim watayuyi magufai.
16
Afo Yisasimi yogam waita yui yiyimemi yigenti waya intami mini seti waya intemo afo wata anasimo yigemo yinepagi uyika yimi, sem wa-i yinepagi usikatemo.Afo watanasimo semose yinepagiose usikayimi, mini bembai anepagiuaka teuno iyemo sisikaose yunomi.
17
Naemi sewenti-a wata Yisasi yiyika boyimi oradem anona yimonampa yemo Yisasimo sasamemo semi , Anona`o , seyuyami en avi-i rewasiwaunami, sawi awamugu ano seyuti waya intemo.
18
Yisasi yiyimemi, semi amonaunami Satami inaru yeraremi rufamemi, fayu untami emi.
19
Intago , semi yigem i uyadei, eranti yimei memami rasantei, sawi wanu`o watayu manta sawi ewa ure-i wananomi kanagune , manayanta ano yige manta sawi buyinani.
20
Yigemi yimomi buega sawi awamugu yigenti waya intemino, bumino, yigemi yimo ugana ogo yigen yiwi-i inarufa agakemi.
21
Mini kanaga ugami, Yisasimi itugemi anona amoyantai Ayo agapimi semi, enawi yani ege, setifoe`o, emi Anonamono Inarugawa magawa, nayeyara emi ayofanami mini yantagui, anona intinampa sawe rukayimi , emi mantati fakai radami intiti bu ruka yimi . Sito iyaor yanta bemo , eyo yifoe`o emi minonami eni ayintinami awakuritemo.
22
Afo Yisasimi enawai manisemi, setifoe emi masidem yanta simiduka, manawayi iyaoranti buintaga, afo enami benanti intaga.Iyaonampa afonita aga ano yemi yigatirantemo, yeyagai afoemi amone inteuga.
23
Afo Yisasimi yogam watayu nampa ino wami, bemi yowayebem yimonararemi manisiremi yiyimika, "Watayui nayeyanta ose yigemo amonamo amonatemi yemi yimo itemo.
24
Semi sigemo yiyime`o nesu parofetiyu nampa kiniyu yintiti ruka eram yogarose amonami, ugami yemi bu amonemo , yemi intaranto wayamo yigemo intamo intami , ugami yemi bu intemo.
25
Mana nurami Yisasimi watanasi yui siguru yiyimewem wami , mana lo manoni sisami makaremi Yisasi amonarantem intaiem mani semi , "Sisa semi iten urega wama kipa wanti maratege.
26
Afo Yisasi ben ami anona emi semi nayewa age wayafimi agaka ana yantewewe.
27
Age waya manoni sisami wayami anona emi semi, emi eni anonai Kotimi ayi akaranti , eyara nampa ayiakewa yi au iyao nampaga, eyi eranampa masidem eni inti nampage, afo enomi eyaranto aye ayiga urewa ayiyika.
28
Afo Yisasi sasamemi semi, emi atedemi waya anona onami, emi minurewa wama bukipawanti wanonami.
29
Ugami agewaya manomi sisamano Yisasimi agatirantem bemi mana intiwata bemi Yisasi intaemi , "Age wayamanomo semi eni enao simi iyeyara senafi?"
30
Yisasi beni wayami anonaemi semi, Yerikoi kumemi , umom watayu i amonarem beni unam wadomi ragademi masidem beni anene maremi sawi ariri uremi arami fuma agagaremi wami.
31
Afo mini nurami , mana monomapim rafika watamano yemi , mini wata yema amonaremi bemi yakagemi.
32
Naemi mana liwai wata yemi, bewai mini wata amonarem yakagemi.
33
Afo mana Samaria watamano yerawemi mini wata wam maguga-i yeraremi, mini watamo amonewemi agunanti uwakaga.
34
Sameria watamano benadeka orawemi wasawemi feakewem waini nomi feakemi mareg beyi donki mano amugai rukam awigemi fasintia mapimi maroremi rafiruka.
35
Afo enawaya wami , ka moni-i amiduka fasintia makaose rafidukayimi sasamemi sem, "Emi bemi rafima sokeono ,emo ena moneo remo bemo rafidukana afo semo orade yite-i mare anomi amenuno.
36
Afo Yisasi age waya manoni sisami itaem mani sem, " Emi intanami iyewa mini kamore wata yupikemi minimo umam watayu arom watamanoni ana`o benafi?"
37
Afo agewayamanoni sisamano semi mini watamo iyemo agunanto uwakayive, Yisasi sasamemi, "Emi bewa miyiom awuaw ono."
38
Afo Yisasi beyi yogam waitayu nampa bewami, afo mana magufimi Yisasi ofegemi afo mana inimi benawi-i , Mata Yisasi beyamapa bemi.
39
Matami mana aunanami makaye-emi ben awi-i Mariami.Mata yemanti adeka Kotinaifim kumantemi, afo waya bemi sewami.
40
Ugami Matami anona yoganti yodemi yunami yukemi . Matami Yisasika-i yerawem sem, "Anona, e amonano siyagai anona yogari ewe-i yunami yukewaunami, afo setunanami bumi? Ugafo emi bemi sasminanna semi sofa-ino.
41
Ugami anonamano waya anona emi semi, "Mata-o,Mata-o emi nesu yantaga inti inte ewanane."
42
Ugami mana yanta ano soke uga nayeyanta ano Maria mararanti, seyu ya bemi sima bu uya akafau maranani."