¹ Semo mamini wayamo sewau nami yigemi yima kukupimi burufamogo yare. ² Yigemi yiyikama mapa dateye juda yuyi mono mapike.Fuga ugamifo, ai adekai yirinayo kana yene, mini antanako, yeya ranti soke yogari ewane sitemo. ³ Yemi mini antayui yigemi uyikatemi,nayeyarafi setifoemi buamonage mifo sembai busimonaga. ⁴ Semi mini yigemi siyimi dukau, mini anene yuo fawari nanim ,Yiyemi omare mini wayami intanago. Mini anene yanti wafai busiyimi dukau. Nayeyara, semi yige nampa wage eu. ⁵ Minu gamifo magemi setifoe wapa mage mi uronu. Mini bemo sisikao kukauna, minu gamifo bumi manawayi yigepike sinta uga, nafaga birare? ⁶ Mini anene yuganti sewanami yigen yirapim yigun anene itugewa. ⁷ Minugai semi fuga siyime wau, semi bonuna, nayeyara yigenti soke garanti. Afo semi bu wonami,sofaim waita bu yinanim,Semi beote bemi sasakana yigewapa kuminani. ⁸ Yofaim waitamo yinami, faka mana magaga inim watayi kumi fawa ritene, ateka anta yiga titene Gotini kokai. ⁹ Bemi kumi'i faka yigati nani, nayeyara, waita anasi sekai yima kuku buewayi, Kumi i fakai yigati nani, nayeyara, wata anasi sekai yima kukum buewa. ¹⁰ Bemi ateka anta yigatemi, nayeyara semi setifoe wapa bonaote semi busimo nanagone. ¹¹ Kotini koka yiga titene, nayeyara mana magaga yinom waita koka ai itaga. ¹² Nesu anene yigemo siyime nuna wa nesu anene mano anta anui bu intanago. ¹³ Minu gamifo fuga Aiyomo yinanim, fuga wayayu yiga tinani, nayeyara beyami businani.Minu gamifo amonaga anene yantana sinani naemo fawa rinani anene yugantana sami nani. ¹⁴ Semi ano sivi siminani, naye yara, bemi yigati nani semo uwarauna aneneyu. ^{16 15} Maside anene setifoe mo makami setinta manami, minugami fuga Aiyomano mini aneneyu mantemi sima fawa rinani. `16 Sitoa ganagai semi busimo nanago. afo sitoa gana yewayege semi simonanago.'' ¹⁷ Afo bemi yogam watayu yeyiranti manisemo, ite yi om waya sisike vene, sitoa gana bu simona nago, nayeyara, setifoe wapa urege? ¹⁸ Mani sire semo. naye waya minugam waya seve nafiyo, sitoa ganave,sewami wa e? seyu buamonagau naye wayeyara bemi sewanani.'' ¹⁹ Jisasimi enawa intai ranti emo, afo mani siremi siyimemi, ifa yige yiranti yintaure inta semo siyimuna aneneyu i, sitoa gana gai busimo nare, sitoa ganagai yewayege simona nagone wae? ²⁰ Fugaugami siyimeu arawoka ure warinago, ugamifo mana magaga watayu yimo inayo, ²¹ Anasi mano iyaom magara, aumo avisi maremi, nayeyara iyaom maga kana adekayi ewamise. ugamifo mini iyaonto madatemi, au avisi ganti buinta tene, nayeyara mini iyaonto mana magagao magananim amo yitemi. ²² Yigewa mage yira uma nampa wa, ugamifo inaem yimonanu, yigen yira ano soke inani. mana wata mano mini amoyinti manta fasa bura nani yigepike. ²³ Mini ganagai semi bu sinta inago, fuga ugam semi siyime, setifoe avipimi mana anene yanto intai tei setivipimi anene yiminani. ²⁴ Setivi pimi mana anene yanti bu sinta uga.inta urega marana yimo mano ituga. ²⁵ Mana wayami ikane wayafim siyimi dukau, ugamifo adeka enawa ikani waya busenu. A ,a o faka setifoe wapa senu. ²⁶ Mini nurami setivi ganti inta inago mino, mani buseu setifoe avipimi suga muku yikanuno buseu. ²⁷ A,a o setifoemi yigemi ayiga, nayeyara, semi ayigara urei yimakukumi eva semi koti wapake yigau. ²⁸ Setifoe wapake yei mana magaga ye fawarugau,Afo mana magaga yerarei yewayege setifoe wapa bonu." ²⁹ Beni yogam watayu mani siga, amonago magemi atede eyafake seno buwa ikani waya buseno. ³⁰ Magemi amonafauna emi made anene amonaga,mana wayi wa mana anene yanti buinta itemi. Mini antayanti emi amonami Goti pake yiga." ³¹ Jisasi mani siremi siga, magemi yima kukuna ege,wae? ³² Amonago, kana ami adekagi ewane, eyo fuga ugamifo ai adekagi emino, yigeyi anene nampa iyewa senao yera siranagone, Ugamifo seyao buwau, nayeyara, setifoe senampa wa. ³³ Madem waya sewauna yigemi sepim yera faru nampa wanago. mana magagai amu na umanti maranago, ugamifo intama akeogo, nayeyara, mana magaga eranti ai yagagau.