¹ Anatpa baya mano bage'em, mini baya mano Koti nampa bage'em, mini bayami Kotimi. ² Minimi anantapa Koti nampa bage'e uga. ³ Made anene bemi uwantuka, bewaka mana anene ba beyayaka bu fawaruga. ⁴ Bepimi aumi bem, mini aumi wata manoni aomi. ⁵ Mini omi ayufupim sagagem bami ayufumano bemi bu yakagabuga. ⁶ Mana waita mano bemi Koti sasakam waita beni avi'i Joni. ⁷ Bemi yimi mini omanoni baya sira yiga, madeyu bepim yimakukun ogo yanti. ⁸ Jonimi mini omi buvem, bemi yimi mini omanoni ami sira yiga. ⁹ Fuga omi madem waita omi yiminanim a'i mana magaga yiga. ¹⁰ Mana magaga bami, wata anasi amone inte buyuga bemi beyi magufa kumimifo. ¹¹ Beyi wata anasi bu avigeye,. ¹² Mana wata anasi bemo marayi ben avipim amakukun ewayim, eranti yimidem semi Gotini agafanta ogo. ¹³ Wata wa anasi ewan antagake bu fa'waruga, bube Gotini ayika fa'waruga. ¹⁴ Waya mano wata fawaruvem senunampa wage'em beni anon eran nampa anon avi amoneyane,mini aga i Koti simi kane agun anene nampa fugawaya itukayi. ¹⁵ Joni ararem manisigane, mini waita mose semo sirukauna bemi setineka yinano sigauno bemi eranti rukemi wafa wage'em. ¹⁶ Agunanene bepim ituka mini agunanene mano senu'o masidem awogu usikewa. ¹⁷ Mosesi lo mana simiduka, afo agunanene wa fuga waya Jisasi pike yiga. ¹⁸ Mana wayi mana kanaga Koti bu amonaga Jisasi beya'o Koti nampa bage'em, bemi beyafo'emi avi manta fa'waruka. ¹⁹ Manami Joni ni testamonimi Juda yu prisi yu nampa Livai yu yiyikami bemi inatemono, "Emi iyewa beve?" ²⁰ Bu ayofem yiyimem atede sem, " Semi Kraisi ibege." Yewayege inta emon, ²¹ Emi iyewa beve? Ilaija ba beve?" Ma'nisiren sem, "Semi iyebe." Manisire se, " Emi kasanampa waita ba beve?" Bube sem. ²² Manisire sasamemono, "Atere seno emi iyeve, senuo sisikayi maro sasamirare? ''Eyaranti iyeve siteve?'' ²³ Mani semi, "Semi kamapake arewam ameragone: 'Ano-namanoni ami ategano,'Kasanampa waita Aisayamo sirukam. ²⁴ Farisiyu wapike mana'a Farisi waitayu bewapa orave ²⁵ manisire intaemono, "Naugaya emi nomi feyikeve emose Kraisi iwatemo, Ilaija iwatewafi, kasanampa waita iwate? ²⁶ Joni manisirem yiyimem, "Semi nonako feyikeuno. Minugamifo yigepikem manabayi buyintagayim ²⁷ setinepa yitem, beni sandolriba uyufiri buyugeu. ²⁸ Mini aneneyu Betani ugami Jodeni mano ena awafa, Joni mose watanasi non feyikewapa. ²⁹ Ena nuram Joni amonami Jisasi bewam ayipa yewami amonarem sem, "Amonano, meami Kotini Sipisipi Aga'ano mana magaga kumi yiratem. ³⁰ Mana bayi be sire sigau, sen sinepa yinanim semba yakagaga, anantapa bage'em. ³¹ Bemi inte buyuge, minugamifo mini fawarimi Israiliyupim faka yinaintami semi nonako feyikeu. ³² Joni fabarurem manisirem sem, "Amonaunami Aiyoaga'ano nun'nanta inarufakem kumem ben anoka yema raubuga. ³³ Bemi omare buyinteunamifo, afo semose sisikem nomfeyikano waita sisimem, "Iyekaga Aoiyo aga kumem bewaka raufina minimi Aiyo Aga nampa nomi feyikatem. ³⁴ Mini kanti amonare ami sege minimi Kotin Aga 'i. ³⁵ Ena nurami, Joni, kam kato waita nampa itarem bem ³⁶ Jisasi amonami yakagabugami Joni sem, "Amonago, Kotini Sipisipi." ³⁷ Kam kato waita kantano mini baya intare Jisasi awakure bemono. ³⁸ Jisas wayede amonami awakure bomi manisiren yintaemi, " Naye anene marantege?" Manisiren sasamemono, "Rabi,"(sisao) "Iteaga, ma beve?". Manisiren yiyimem, " ³⁹ Yerave amonago." Yerave amonemono bemose baka; benampa mini nuram bage'e uga, amaka teni'a auaga bage'e uga. ⁴⁰ Kantano Joni ami simi intaremi Jisasi awakure buga Endrumi Saimoni Pita afa awa. ⁴¹ Bena afa awa nare afakaren sasamem, " Messaia afakeyare. ⁴² Jisasi baka avigem bimi Jisasi amonaren sem, " Emi Saimoni ba beve Joni aga. Mage Kepasibe sire avidate. ⁴³ Ena nurami Jisasi ifade Galili birantemi, Filipi afakare sasamem, "Siwakurono." ⁴⁴ Filipi, Betsaida waita bem, Endru ya Pita ni anom magufim. ⁴⁵ Filipi Nataniela afakaren sem, " Ai mini waitayantose feyapa Mosesi lofi agantukam, kasanapa waitayu nampa sigami, mage afakeyare: Jisasimi Josepin aga Nazaretifakem. ⁴⁶ Natanieli benanti sem, "Mana'a awogu anene Nazaretikem fawaritenafi?" Filipi sasamem, "Yerave amonano." ⁴⁷ Jisasi amonami Natanieli beka yevem benanti sevem, "Amonano, fuga Israili waita, bepim munaba buwam !" ⁴⁸ Natanieli benanti sem, " Itenure semi amone inte uge be?" Jisasi manisiren sasame, Filipi bu ararukami figi ya yantaga amone'u. ⁴⁹ Natanieli manisirem sem, "Rabbi, emi Kotin Aga banami! Israili yu Kimi banami !" ⁵⁰ Jisasi sasamem, " Nayeyare, enanti se emi figi ya yantaga amonagau' Aga amakukun eve ? Inaemi anon anene amonana. ⁵¹ Manisiren sem, "Fuga, fugabe, yigemi yiyimege amonanonami inaru ribina Kotini ankero mano untave kuntave ite Kotin Agaka.