¹ Kamore'a nuramano yakagami wata'anasiyi ikana Gana Galili magufim fawaremi Jisasi anoenasi wa wata wa imantanti minifa wage'emi ² Yemi Jisasi mi areye beni yogam waita nampa mini omaka. ^{4 3} Mini nurami wainimi kipewami, Jisasi mi bena noe bemi sasamemi, ''yemi waini bu rukane. /v4 Jisasi mi bemi manisirem sasamemi ,''Anasio, minimi seti yogaraye. Setikana buyigane.'' ⁵ JIsasi anoe beni yogam waitayu siyimemi, Nayemo uwarago sinanimi uwarago.'' ⁶ Sikisia okura nomi wami sefo yemi Juda yui nomi fege wani iteye,mana mana okura mano 120 lita nomano fakatene. ⁷ Afo Jisasi mi yemi mini siremi yiyimene,''Mini kurafimi nomi ayego semi.'' Nomi wayi manti intukago mana mana kurafim sirami wayimanti itugemo. ⁸ Afo Jisasi yokam waitayu siyimem,''Mana'a marega yunaka rafikayim maro ameno,''sirami marebemo. ⁹ Yunaka rafikam waita manomi mini nomi namanti amonene wainifim waiye makami, ukamifo bemi amone inten buyukene mini waini mi intepa kemo yigami (ukamifo yemi yokam waita yui yemi nomi mantu kayimi yemi amona geye) Afo bemi oma afo'emi areye. ¹⁰ Afo mini siremi siyimemi,''Madem waitayu soke uganomi anantai namantemi naemi saviuga nomi neveye,Afo emi mini soke nomi ayofama kage'ewa,manta fawareve. ¹¹ Minimi ana yokanti mantuka me'e kana magufimi Galili,beyi eranti yigatimi beni yogam waitayui beka yima kuku eye. ¹² Mini anaepa Jisasi mi kampeniumi benanoe nampa kumene, beni afa awa nampa beni yogam waita yunampa mana nurami ifaowage'eye. ¹³ Juda yui anom mono waya fakewa nuram arekagi ewami, afo Jisasi mi mente minifa Jerusalemi urene. ¹⁴ Jisasi mi oma yimonami ye bulimaka nampa sipisipiyu nampa nunu saline wami mono mapim omayimo nene .Mone wayege wayiwa wami yimonene. ¹⁵ Jisasi mana yafi uwantemi madem waita mono mapike yiwakunta mapa duka yeyi sipisipi nampa bulimaka yunampa . Mone senis ewayi yenyi sagogu manta kugu faruka. ¹⁶ Afo numo sarin ewayi yiyimem.'Manafike mini aneneyu manta fasa dago semi, Setifoe amai manta mageti magi buyogo semi. ¹⁷ Beni yogam waitayu mana wayamo Gotini afauntimo wamwaya omare intemo,''Siyewano semi enamaganti,minugai semi eran yogari ewauno mini mai soke ugem banoyare.'' ¹⁸ Ukamifo mini waya intare intaemo, ''Emi naye anene uwara nayana amonare yana enanti Goti sakaya yiganave seteyane?'' ¹⁹ Afo Jisasi yewa yegem yemi manisirem yiyimemi,''Mana mai rawantare yewayege kamorea wayawan aupemi uwaratege semi.'' ²⁰ Afo Judayuyi yinom waitayui mani semo,'' Foti'a i'imante uwantuka mai emi kamorea wayawan aupemi uwarare sewano?'' ²¹ Ukamifo, Jisasi mi makanti busiga, beyauyanti siga. ²² Naemo beyi fugintikemo itavemi,beni yogam waitayui omare intemo besirukam waya,benaga yimakukun emo Goti anampa Jisasi sirukam waya. ²³ Jisasi mi jerusalemi owami mee mini nurami mini anon nurane nesu wata anasi yui yemi yima kukumi eye bena vipimi mee mana'a anene bemi uwarami amonemi sefo. ²⁴ Ukamifo Jisasi mi yemi ama kukumi buyimene, nayeyare yeyi intiti amone inte'emi. ²⁵ Intiranti akiyi buyugamise mana wayi busasa mitene.Benao yeyi intiti wafa rayintemi yimonene.