¹ Mana waita ben avi,i Ananayas,ben ananampa Sapira,sito magami monika yimemo. ² Mana,a moni yeradem fakemi ben ana'ano inten amonaruka mana ara mone marem'maro kotini yogam waita yifim duka. ³ Ugami Pita semi,''Ananayasi,na'ugana wananom arapem itukaya ayo aga'i muna ameva,ara mone yerade fakeve magaga kenami? ⁴ Maga moneka bu rukanami,eninta aneneyi bu ugake'emi? mini magami eni rafisinti buwage'emi naugaya mini anene eyarapem ayofarukeve? Emi wata muna buamenami,Kotimi muna amenami. ⁵ Mini waya inteve Ananaias rufamemi kipa aumi ririfevem fugemi. Anona feganti yimemi wata anasi mini waya intayi. ⁶ Fumara watayu beka yerabemi rawarawefim bemi antau'ruka,kantauye mapa marore masifaruka. ⁷ Kamore awa [hour] yakagemi,benana'i upegemi,nayemo fawarimi bu intarukemi. ⁸ Pita '''sasamemi,sisime se,magami minugam moneka yimiregafi buwafi.'' bemi semi eyo, ''minugam moneka'ino.'' ⁹ Pita sasamemi, ''semi na'ugakara inti antaureka anona ayo aga'i makasekare? watayu yifim amonano enawafu masifayimi,ontaga itagemo,emi kanta uye mapa kumitem. ¹⁰ Ameurem ben aifim rufambem,kipa aumi marem,fumarayu umbemi amonami fugem,kantayure mare ben awafu anapa masifemo . ¹¹ Anona feganti mono wata anasi yiwanapa yigam,masidemo iye iye mo mini intemo yi. ¹² Nesu nasu enaugam awuawa anona akegu,eraru yogam waita yiyaka'i fawaremi. Masideyu mono naupa kugu naupa solomoni rumufa. ¹³ Ugamifo mana wayi era inti ka buyiwakuremo . Minugamifo wata anasi awogu anta yoyiwigemono. ¹⁴ Nesu yam yimakuku ewam waita anasi anona wapa yiri yiri ewa , nesu anasi watanampa . ¹⁵ Ugami yii waitayu yivige tauni ayika beni kukuta yauga nesu yuwasika Pita yinani ayika beni amamano yuwadanoya . . ¹⁶ Mana,a anona nesu watanasi tauni adeka Jerusalami ye ruwantuemo,yemimi yivigemo yemo yii watanasi nampa savi (spiriti) yii rukayi,masidemi yofanti maremo. ¹⁷ Ugami yinom wata itavem, afo benampa wayimi Sadusi akum, savi inti nampa wayi ¹⁸ Yogam waita yu'i fakaremi wata yu kuye wapa kuruka. ¹⁹ Ayufupim mana Kotini ankeromano ayufupimi ontayu rirem kalabusi mapike yibigem mapa magundem semi. ²⁰ Mono naupa oma itave maside wata anasi siyimeno mini wantanoni waya. ²¹ Mini interemi, yemi mono naupa upebuga sagar awamem ,yemi yoyividuka. Yinom waita yimi iye iye benampa wage'e, yoyi maside Israelike rafisi waita yu yema ruwantu uremi, yogam waitayu kalabusifike oma yivigara. ²² Yogam waita yu bemo,kuyikewam magufi bu yimonemo, yerade yerabe siyimemi mani siga. ²³ Seyuya afakama fawarure kuyikewam ma'aononi onta uyama soke ugami afo ontaga rafikayi fa aitare wam, minugami onta ryre amonami waita minifim buwam . ²⁴ Mono maka rafikayi nampa anom waita yu mini waya intarem, nesu intiri emi, naye anene yenyige fawaritenafi. ²⁵ Mana waita mano yerabem mani semi, '' mini waita yu kuyikanami mono mapi itamake vemi watanasi yuka mono waya sewa.'' ²⁶ Minugami rafisi waita nampa yogam waita yu bem, oyibigare yerade yiga, mini waita yu savi bu' uyikeye,''nayeyarafi,''wata anais yu ka fegemo onamuka yirinayo nanti. ²⁷ Yem yibige yemi, kansoli yugaka itavemo. Anom watamano yintauga. ²⁸ ma'ni semi, ''seyuya yigemi uyakeya, mini waya avika, minugamifo, yigemi Jeruslemi waya yu yiyimiruka mini waitamano ni nare senuka magarante. ²⁹ Ugami Pita nampa yogam waita yu yen ya yerade, manise, seyuya Kotimi awakurewa watayu bu awakureveye. ³⁰ Senuti sinausifo ni Kotimi Jisasimi manta itaremi, iyemo yige bem aruruka, mini nura keka yaga i'ruka. ³¹ Kotimi abigemi ayan ugapa makami, Kini yi emi, yofaim watayi temi, Israeli yira wayegewam a'mi, nampa kumi re'wam a'ne. ³² Seyuya mini anene yu sima fugayi ofanu, nampa ayo aga wa'i, iyemo Koti ben awakure wayi yimiruka.'' ³³ Kanisolo yui duwantu ure mini waya intare yirami gami mono yogamwaita yu yirira uga. ³⁴ Ugami mana waita ferisike,ben avi Gamalieli,lo manoni tisami,maside wata anasi be amenapa wayi,bemi itavemi eram waya yiyimemi mono yogamwaitayu,sitoa kanaga ameure afo,ogo . ³⁵ Bemi yiyimemi semi Israeli wata intama soke ogo,naye intitito antaure'o mana waita anasi uyikatege. ³⁶ Mana'a kana yakagavim ,Teudasi itavem semi bemi ena'ugam waita ve sirami ,nesu wata yu awakuremo. 400a mano awakuremo, bemi aremo, bemo awakuro watayu yera mana mana omi mana yantawa bu fa'warem. ³⁷ Aneka'i Judasi Galilike waita itavemi , wata yanta kanagah mana,a wata rayintem bemi awakuntuka, bewa'i fubuga. Bemo awakuro wata yuba yerare uyabuga. ³⁸ Mage yigem yiyime'i, mini watayu yi'deka bubega neka bega ifayirago. Fuga ugane, mini intiru nampa yogaru watayuka fa'warinanim. Rufambem savi tiem. ³⁹ Ugami, bemo Koti pake yinamotem, bu yiruma bu rufamina gom, yige nana'o intanagom Koti nampa aruvinago. Minugami maside yu mana yiraka bemo. ⁴⁰ Minugami yogam waita yu yarama naupa re yiremo, yiyimemi semi Jisasi navipim mono waya bu sego, ifa yirana bogo. ⁴¹ Mini ruwantumi yimo nampa yeraremono, yemi mini avipimi yu yibisi marairi uga. ⁴² Mini a'neka maside wa'awam mono mapim, maka maka fa yiymeve semi bemi Jisasimi bemi Kraisimino.