^{3 1} Pita ya Joni ya wata anasi nampa asewe wami, anom wata yu nampa mono makao dafika wata yu nampa Sadusi yu nampa yiga yeganti wantaga. ² Ano umanti marentamo naye yare, Pita ya Joni ya wata anasi Jisasini fugin tawa itaga nantawa siyi mewara mise./ v 3 Yekanti fakare kalabus mapim rantami babenta monto,nayeyara ai'ayufu kamisefo. ⁴ Ugamifo nesu wata anasi mini waya intayimi,yima kukun emono,yima kukumo omwata'anasi yuyi nampami 5,000 niami. ⁵ Ena nurami, masidem rafisim waita nampa yinom waita nampa intito dukam waitanampa Jerusalemi ruwantu emono. ⁶ Yinom waita Anasi'wa wage'ene,Kayapasi'ya Joni'ya, Aleksendawa,madem anom waitayuyi anasi iyaontawa wage'emo. ⁷ Pita ya Joni ya yeyiwanapa yibimage, yekanti yintaemo, ''Naye eranampa,iyen'avipina mini anene'yui uwareve kare?'' ⁸ Pitami Aiyo'aga bepimi itugami,mani siremi siyimemi, ''Yigemi rafisim waita nampa wata anasiyu yinom waita, ⁹ Mini nuramo,senuo sintaemo naye soke antawa fawarene mini ai'waitagai,nayeyara mini waitami asofene? ¹⁰ Yige masireyu nampa Israeli wata anasi Nasaretike Jisasi avipim,keka yagao irukayi avipine,ugamifo Gotimi matipike manta itaruka.mini avipim manave,yigen yugakao itavugayi a'i soke'ene. ¹¹ Jisasi mini onamui yige ma'uwarewayi amiruka,ugamifo bemi kona oni'ugano. ¹² Ena avi buwa Gotimo wata'anasi yivigana nimi;Nayeyare,inaru amenapai ena'avi'i buyimiruka wata anasi yivi gananimi.'' ^{14 13} Afo Pita ya Joni ya yenyi eranti amonami fawaita gare semo,siguru busi garami yintu remo,Pitaya Joniya wafai Jisasi nampa wage'entare semo.14 Yemi mana wayami busemo mini yanta ganti, nayeyara,minimo asofagam waita yenampa itarem wamisefo. ¹⁵ Minugami naemi ka yogam waita yiyimira kansolo yuyi duwantu fike bokaro yenana'o ye waka siruka. ¹⁶ Mini siruka, ''Seyuya nayeyiga oteyane mana mini waita ganti? Era'aneneyu uwararami Jerusalemi wam'wata'anasi amonaga,mini anene buayofa teyane. ¹⁷ Ugami mini waya wata anasi wapa bugeyige bu ino yanti, ake waya nampa fegam waya siyimefanaya mini avi'i sima bufawarogo.'' ¹⁸ Pita'ya Joni'ya yaraege naupa remi,eram baya yiyimemo wata anasifim mini waya busega mini Jisasi avi'i sima bufawarogo. ¹⁹ Ugami Pita ya Joni ya anona waya senta,'' sigenanao dayimago. Goti augaka soke itenafi, yigenya awakuro fanu, Goti awa awakuro fanu. ²⁰ Seyuya siwaunti bu uyagafanu nayemo seyuyamo amona rukafau nami,seyu wafa intagafau. ²¹ Naem mana'a fegam waya nampa Pita ya Joni y,i ifa yiranta bentamo. yemi mana'umanti buafakemo yemo savi uyikanti,Nayeyare marem wata anasi Goti'avi navi yani emo naye anene fawarinti. ²² Mini waita ofainti marayi, bemi 40 a i'i yakagaga. ²³ Naemi Pita ya Joni ya yiranta bentamo.yeyi wata anasi wapa yewayegenta bentamo.yeyi umanti bu'afakemo , yeyi wata anasi wapa orabe yiyimiduka masiden anene anom waita yuwa yinom waita sembaya yiyi mentamo. ²⁴ Mini waya intaremi, manafim yiwanti duwantu ure Gotimi sasamemo, Anona'o, eyaomi Inaru wa maga wa, bunom wa, uwantuka nami maside anene aupem bene. ²⁵ Aiyo aga anoni eraka, eyi yogam waita Deviti awauka senu sifoe. Nayeyara kumipim wam inim waita yira anene maremo,wata anasi savi anene yanti inteveye.? ²⁶ Mani sire siganami; '' Maside mana magagakena yimom waitayu yeruwantu emo maside mana magagake Kinu nampa yinom waita yeruwantuve aruvim waya siyikemo Anamanoya Jisasi yayanti . ²⁷ Fuga ugami, Heroti ya Pontias pairoti, kumi ini awa nampa Israeli wata anasi, manafi duwan tuve mini magufi ruwantu uremi Jisasimi, namugoyi u'akemo. ²⁸ Ma'dem ye duwantu uvemi maside anene uwararanti emowafa ugama kana feyapa fawarinane siyana, eni era kawa eni ayikawa. ²⁹ Afo, Anonao, emi amona nami maside yenti fegam baya, yogam waitayu eyo'uyika nami enasego yanti.mare eraka. ³⁰ Ayami danam bina yiewam wata manta soke uyika, mana'a yoganti eni atekam yogam waita Jisasi avipim. ³¹ Yugam mukuma kiparami, mini ruwantuga yugam mukewam magumi magunti rimi mare manomi Ai'yo aga'ano ituyikemi,Goti ami Gotini eranampa semo. ³² Nesu inim waita yima kuku ewayi mana yirakagi emo inti nampa yira nampa.mana wayi bemoruka anene yanti setintave busemi.ugamifo mare anene rayinte maremo. ³³ Anona eranampa , yogam waitayu sima fawaremo Jisasini yerare itavuga nanti, anona ava'ava yen yimuga wage'emi. ³⁴ Mini wata anasi anene yanti buafakaga.nayeyare,marem sito anene rukayi magawafi magafi salin uremi mini mone mare yemo. ³⁵ Yogam waita yu yifimi duka,mini mone dayinte mana mana yima kukum wata anasiga yimemo yemo afayakaka. ³⁶ Josepimi Saiprusi magufike waitami Livaini akupike.yogam waitayu benanti Banabasive sewa.[mini avi'anomi mani siga,mini iyaonti wata yira eraruyika tene.] ³⁷ Mana maga sali uremi mone mantemi yogam wata yifim maro ruka yogam waitayu yifim.