¹ Minimi ikoniumi magufimi fawaremi,pola ya ba nabasi makantano upe gentamo juda yayi mono mapimi anonamano waya yiyimeno,mini anenemano anona akum wata anasi juda wa Griki yima kuku emo anonani wayaga. ² Ugami juda yu wayamo bu intayimi,yemi intiti mana itaremo mana'a wata anasi namugo anta afa awa anta fawarimo semo. ³ Yeganti ayaka'i minifa wage entano,anonama noni ake nampa ,waya yiyimenta bu fegetamo;Mini nuram wai,anona mano yofainta anona yogaru manta fawaren tamo awa awa nampa anona mano mini aneneyu bemi eyo wayami poli ya banabasi ake,aneneyu entamo. ⁴ Ugami,nesu wata anasi taoni fikemi kantimi dayika uvemo,mana'ami juda yu nampa ovami,manami aposolo yunampa ovami. ⁵ Mana'a wata anasi nampa juda yu'i yinom wata yu yira'i Mata itare wayami semo,yekanti Poli ya Banabasi manta savi ukare onamu'i intafu yika goyanti. ⁶ Ye'ganti mi yanti inte.Ammone urenta yera denta likonia magufa listra,debi wa mana'a magu mini adeka wam magufa. ⁷ Gotini wayami yiyime wami ⁸ Lista magufimi mana watami kumakemi wami bemi aifimi eranti bu dukami,ai mano savi uga beyanoe arapimi wami,bemi aimi darem bu no'emi. ⁹ Mini watawano intami poli asewami.Poli mi augam beka demi amonami,amakuku dukemi soke'emi. ¹⁰ Poli arama semi manisemi,itave eyaiga,mini wata mano itavemi bemi.amoevemi// ¹¹ Nesu wata anasi amonami mini yanta o poli uwarami,anonaga'i arama semo likonia yuyi wayafake semi,goti yu'i senupa'i wanta yantauremo. ¹² Abi demi Seus Banabasi nanti semo,Poli nanti emi semo,nayeyafi bemi oma anari uremi Gotini wayami semi. ¹³ Seusika prisi mano,beyi mono ma'i dukage'emi anom magu manami mapa'i,minimi ofa uwararanti masidem wata anasi yunampai,buli makami kantau yemi nampa avogu evam bilasi nampa mare taoni ontaga yemo. ¹⁴ Ugami poli ya banabasi mini yanti inte tami yeyi wado unami daka gentamo,ame urentami ame'eweta nesu wata anasi waka borami arama semo. ¹⁵ Mani semo,wata yu'i naugaga mini anta evege? seganti wata yiga onte ugaunta,seganti mana yion intiti dekami mana yiom avu ava'a dukaunta yige onte ureka.Seganti avogu waya mi marakami yige wapa yekamunta inte,ve'i sige yi savi anta yu'i anona afo'e,bemi inaru wa magawai uwaremi,bu nom wa maside yanta mini aupem bami. feyapai ¹⁶ wata anasi yirami yeyi yiyika noem. ¹⁷ Be yaumi fafa busemi,ofauke fugasim wata buwami,mini gai avogu anta uremi inarufake ai rinti yimidemi avogu yunam mara kana yimi demi yigen yira'i inidemi yimo nampa. ¹⁸ ugami poli ya banabasi yamanomi wata anasi sima bu fakanani yekanto ofa yiminayom ¹⁹ Ugami mana'a juda yu antioki nampa ikonium ye ravemi nesu wasavem waya anona akam watansasim uremi poli mi,onamu intafu akemo dirifaremi anom magufake mapa kumemo,naye yarafi yemi intami ai fugemi. ²⁰ Disaipolu yu'i itare bemi yaka'ugem wamibemi,itavem toni fimi upegemi ena'awami banabasi bemi debe. magufimi/ ²¹ Gotini wayami mini anona tanonafimi yiyimida mi nesu wata anasimi disaipoli emo,kiparenta yeyarenta listra bentamo,ikoniumuwa antioki. ²² Yeganti simati disaipol yu yira ake entamo awogu wayayu yiyime akeure yiyimakuku masidem nuram wata anasi manisire yiyimeno Gotini magufim biranti,nesu umanti mara teya. ²³ Yengenti yinom maside mono maka'i,yiruma dateremo yunami aventa ure yugam muke mo,yinom wata yu anona ayapimi denta mo;Yegento yima kuku ewanta anona. ²⁴ Naemi yentamo pisdia ayipai yenta pamfilia yera ventamo. ²⁵ pega'i waya sentamo,naemi kumewetamo atalia. ²⁶ Minifa'i sipi fimi dauteta antioki bentamo mini maguga'i yeganti yenanao Goti amenta mo beni yogari iranti mini yoganti yerare mini maguga kipentamo. ²⁷ Antioki ye raventa,masidem mono magu duwantu urenta yiyimeno Gotimo yeka uwara aneneyu iten ayipina Goti onta diyenari yima kuku inti ena akum wata anasi. ²⁸ Ayakai disaipoli yunampa wage'entamo.