¹ Mage mono naupa antioki'i,mana'a kasanapa waita wa sisayui wage emo, yen yibi'i Banabasi,Simioni{ena abi,i nigami},Lusiusi bemi Sarinike,Manaeni{Heroti awaem mante rafiduka,afo Heroti bemi rafisiri ugane 4,a kona manoni magumi} afo Soli. ² Yemi yunami ifademi ano namanoka rotu ebe wami,Iyo Aga ano siyimemi semi,"Banabasiya Soli itarago,nayeyare yeganti semo yara ruka una yoganti marate tare." ³ Yemi yunami ifademi yeka yinoka yiyam remi yugam mukure yekanti siyikara buga. ⁴ Eyo Banabasi wa Soli Iyo Aga ano ami inta renta Seliusiai yeganti buganto,afo mini fakemi yeganti sipifimi raunta bentaSaiprusi ailenifim buga ⁵ Miniga yeganti ano mogu Salamisi bentami,yeganti miniga bentami Goti ami Juda uyi mono mapimi siyi miduka.Afo Jon makim yekantose yofa inanimi abi dukanto. ⁶ Pafosi ailani awanapi yeganti ora bentami,yemi mana grasi waita amonaruka,bemi mana Judayi muna kasa napa waitami,be nabi.i ba jisasi. ⁷ Mini muna kasanapa waitami gavana napai agapagem,Segius Polusi,bemi mana intim waita.Afo mini waita mano Banabasi ya Soli yaremi yema semi simonakaro,nayeyare bemi Goti ami inta rantem. ⁸ Elimas sigami mini {giasiwaita be siga}yekanti yimonara abesara uga nayeyara gavanami Goti ami intarem bemi amakuku buyi noyantise. ⁹ Afo Solim,yemose ena abi rewami Polimi,Aiyo agapim itukayi bemi,mini glasi waita era agaum amonaruka. ¹⁰ Afo benati semi,"Emi wanano agage,epimi amuna munawa sabi anta itukane.Emi mana ateka antamanoni namugo mono.Emi ano namanoni atekam antami bu uyaganomam,emi amaka ugebe? ¹¹ Mage amonanami,Anona manoni aranti ekai yemi,afo emi augam afakani inonam.Emi a,i kewami mana,a nurami wamona nonam,"Ame urem miniga sito kona napa kumayu Elimasi amuga yiga,afo bemi ame urem watanasi yifaka ruka be ayaka ose fakare amose agate binayoyi. ¹² Miniga Gavanami mini anene fawarewam amonare,bemi amakuku uga,nayeyara bemi Ano namano amam waya sinati. ¹³ Miniga Polimi beyi amumaga waitayu yemi Pafosi yerare afo sipifim raunte buga me,e Pega waPamfiliai.Afo Joni yemi ifadem bemi yewayegem Jerusalami buga. ¹⁴ Poli beyi amumaga waitayu napa Pegai yerare yemi Antioki yema fawaruga mini Pisidia,i.Me,e miniga,i yemi mono mapimi upebuga Sabatiga kumaka ¹⁵ Yemi afo kaga waya napa kasanapa wayami yantaremi afo yemi monoma kawami mana wayami semi buga Poli napa beni amumaga waita yenanti sem,"Yegemi afa awa,yigemi mana,a wayami rukegafo mana watanasi era uyikanti,yigemi fami sinagone." ¹⁶ Afo polimi itavemi ayami yani urem yemose sem wayami erarem semi,"Yige waitayuge Israeli iyewa intebena ami awakurebene Gotimi,yigemi intago. ¹⁷ Israeli watanasi yi Goyimi seyuya sifo emi uyadukane afo yigemi amuna watanasi fawarega itugega mana magaga Isipi wago,afo ayami yami remi bemi yigemi yibigemi bugane Isipi. ¹⁸ Adeka 40'a ika'i Mosesimi yenampa kama nomagafim umanti maantuka. ¹⁹ Bemi me,e mini 7beni,a kantrimi ana karuka me ,e Kenani yuyi magafim,bemi Kenani maganomi senuti watanasi yimiduka mini yigr yintabe sirem. ²⁰ Maside mana mini yantagu fawarimi 450 kirisimasi yakagabim, mini anepa'i maside yanta'i, Gotimi Israeli yinom waita yimimi amaka yogam waita Samueli fawaremi. ²¹ Na,emi watanasi yemi kinati inta uga,afo Gotimi kimi yimemi Solimi Kisi aga'i,benjameni akupike aga'i,bemi 40 kirisimasika kini item. ²² Afo Gotimi Solimi kimanoni sia gakemi manta magafim remi, Gotimi Devitimi avigemi maruma miniga dami bemi Israeliyi kini uga.Bemi Goti Devitim amona mante semi," Semi magemi afakege Devitim Jesini aga,i bemi seti inti napa siraose awakurewayi,bemi masidem anene semo intewauna uware wayimi." ²³ Mini waita ana wasipikemi Gotimi mana waita yimemi yerademi Israeli yemo yibigananim mini Jisasimi,bemi semi uwaratege sigami fawarem. ²⁴ Minimi agoyantem fawaremi, Jisasi buyigami, Jonimi wata anasifimi waya Israeli siyime sem,yira wayedega nomi marago. ²⁵ Afo Jonimi beyi yoganti kiparanti,bemi minisirem yintaemi semi, Yigemi intami semi iyebe sebege?Semi mini wata waye.Afo intago,manawayi setineka yinanimi,semi awogu waita buwa'u amaka ure beni sumi bu utufonu ben aifike. ²⁶ Afa awa yigemi,Abrahami agafanta fikemi,yige yiwana pake iyemanu Gotika mono sebeye,wata yewayege yibigano sigam wayami senuganti yiga. ²⁷ Jerusalemi'o wam akunampa yeka ose dafikayi nampa bemi amonama soke bu yemo kasanapa siga wayamanomi amakagi emi yemo maside Sabatiga,o yantare ko,ose sake eyom bemi. ²⁸ Buwa mana umanti afaka ruka bepimi bemose fuginanimi, Pailoti yemi inta emo arinoyanti. ²⁹ Masiden yanta'i kiparemi kasanapa waita aganta watanasimo bemo uakanayom,yemi keke yagake manta magafi remi masifaga matipim. ³⁰ Afo Gotimi bemi manta itarruka fugim waitayi magufikemi. ³¹ Nesu wayawami amonemo,minimo benampa'o yemo Galili yerabemo Jerusalemi bugayi.mini waita anasi yemi amonemi yemi bemi sima agefemi fugasiga sigane siremi eno yiyimika. ³² Minuga yami mini awogu wayami yiyimeyamo fau Gotimo age wayamo seyuya sinauka'o sirugami. ³³ Senuka,i mini age wayamono amakagi uga,seyuya ye yigafanta,afo bemi Jisasim matipike manta itaruka.Minugami me,e idewam bukufim 2fim agaka.Emi setiga anomi,mage mana nurami semi enafo eyi e uno. ³⁴ Fugamano mani semi,Gotimi Jisasimi manta fugim waita yuyi magufike itarukam ben a'umano savi bu yitemi,mini ayipimi Gotimi semi,Semi yigemi yimete atekam anene Devitika siru kaunami. ³⁵ Mini anta yanti mana iyau anifimi semi manisiga, Emi bu eanam mana atekam waitamano a'umi savi buyitene. ³⁶ Devitimi maside Gotini ayiru'i mana magaga uwantemi ,bemi fuka,afo benaumi bena fo eni matipim ruka afo apinaga. ³⁷ Ugami iyem waitamo Gotimo manta itarananim sabi buyitem. ³⁸ Minugafo yige afa awa amonanago,mini waita mano ka'i kumiose yira antami fakagi uga. ³⁹ Beka anami,maside waita anasi iyemo amakukumo inaniyi ateka watanasiyi itemo minugami Mosesini lo mano emi manta ateka waita yi buyitem. ⁴⁰ Minu gafo yigemi dafima soke ogo kasanapa waitayu siga aneneyu'i yigeka bu fawarino. ⁴¹ Amonago, yigemi muna wayamo sewayi,antudure naemi madepa afi'inagomi, nayeyara, semi yoganti yigeyi kanaga'i yodukau. Mana yoganti yigemi yima kuku bu inago,mana amano sasaminanim bube. ⁴² Poli ya banabasi borami, watanasi yinta'emo ena Sabati gaiyigeganti mini waya yewayegeka sekaro siga. ⁴³ Mono duwantumi kipami,nesu Juda watanasi afo auwem yima kukum watanasi Poli ya Banabasi yiwakutuka, yeganti yinta emo,bogo gotini ara faru nampa. ⁴⁴ Ena Sabati gai,adenaka masideyu anona taoni fike yema duwantu emo Goti ami intaranti. ⁴⁵ Judayu nesu waitanasi yemi yen yira'i savi emi,yerademi semo Polimo siruka waya siremi bemi manta savi emo. ⁴⁶ Ugamifo Poli ya Banabasi yenyi wayami atedemi siyimiduka,afo manisiga,E anam minino,Goti amano e anam Judayupa nare yino.Afo,yigemi ifadami yigeka kemi neka i bemino,afo mini antayanti,yigemi se i seyuyami awogu buyuga faunabe wama soke i aumi,Amonano,seganti wayedeka ena watanasifim wotekare. ⁴⁷ Mini amakagi urem Anonamano fegam waya siga,semi emi onanta dukaunabe ena watanasifim,nayeyare emi Goti sebemi ena watanasi yibigebemi mana magaga masi depa wonoyare. ⁴⁸ Ena watanasi miniyanti intemi,yimoyebe Goti avi yaniemo,nesu ano Gotika yima kuku emi maside nuram wama anata iaumi maremo. ⁴⁹ Goti amano maside ayapa'i mini magufim bemi. ⁵⁰ Ugami Juda yu'i eram wayami anasiyu ose anom yibi dukam wa era ure mono waya sebe ano Taonifa anari ewayi.Minimanomi ano umanti Poliya Banabasimi afo yemi yekanti fakare ano taunifike mapa intafuga. ⁵¹ Minomi Poliya Banabasi yeganti yigakena magami dikaka uma yewapa duka.Afo minurentami yekanti ano taunifa Ikoniumi buga. ⁵² Kato iya oru yemi ano yimo uga nayeyara Aiyo agapimi itukemise..