¹ Mana waita beni avi,i ananayas,ben ananampa sapira,sito magami monika yimemo. ² Mana,a moni yerarem fakemi ben ana'ano inten amonaruka mana ara mone marem'maro yogam waita yifim duka. ³ Ugami pita semi,''ananayas,na'ugana wananom arapem itukaya ayo aga'i muna ameva,ara mone yerade fakeve magaga kenami? ⁴ Maga moneka bu dukanami,eninta aneneyi bu ugake'emi?mini magami eni dafisinti buwage'emi naugaya mini anene eyarapem ayofarukeve?Emi wata muna buamenami,gotimi muna amenami. ⁵ Mini waya inteve ananaias dufamemi kipa aumi ririfevem fugemi anona feganti yimemi wata anasi mini waya intayi. ⁶ Fumara watayu beka yerabemi dawala befim antau'ruka,kantauye mapa magunde masifaruka. ⁷ Kamore afa'awa yakagemi,benana'i upegemi,nayemo fawarimi bu intarukemi. ⁸ Pita sasamemi,sisime se,magami minugam moneka yimidegafi buwafi bemi semi eyo minugam moneka'ino. ⁹ Pita sasamemi semi,na'ugakara inti antaureka anoman ayo aga'i makasekare watayu yifi amonano enawafu masifayimi,ontaga itagemo,emi kanta uyi mafa kumitemo. ¹⁰ Ameurem ben aiyifi dufamem,fumarayu upeve amonami fubuga,kantayure mare be awafu anapa masifemo. ¹¹ Anona feganti mono waita anasi yiwanapa yemi,masidemo iye iye mo mini yantaganto intayi. ¹² Nesu nasu anona akegu,eraru va ena ana aneneyu yogam waita yiyaka'i fawaremi masideyu mono naupa kugu naupa solomoni rumufa. ¹³ Ugamifo mana wayi yiwakuri ranti bu duka ge'euba wata anasi awogu anta yigatemo. ¹⁴ Nesu yami kuku waita anasi anomano wapa yewa,nesu waitayu nampa anasi yu nampa. ¹⁵ Ugami yi'e wanu'i yigige taoni ayipa bemi sagoka wayayikemo,yauamo pita yinanika,amamano mana'a wata yuwara nani. ¹⁶ Nesu waita anasi jerusalemi magu adekake yema ruwantu emo yiose ewa wata anasi nampa savi sava awamu manta savi urukayi,masidemi soke ana emo. ¹⁷ Ugami yino wata itavem,benampa wagi sadusi yu nampa savi inti nampa itubuga. ¹⁸ Yogam waita yu'i fakaremi wata yu kuyi wapi kuruka. ¹⁹ Ayufupim mana gotini ankeromano ayufupimi ontayu rirem kalabusi mapike yibigem mapa magundem semi. ²⁰ Naupa mono mapim uma itave maside wata anasi siyimeno mana wanto fawarewam. ²¹ Mini intevemi mono naupa upebuga sagan awamem yiyi miduka yinom wata yimi iye iye benampa wage'e yoyi maside rafisi wata yu yema ruwantu uremi yogam waitayu kalabusifike. ²² Yogam waita yu bemo,kuyikewam magufi bu yimonemo yerade yerabe siyimemi mani siga. ²³ Seyuya afakama fawarosu naemi kuyikewam ma'aononi onta yera uyama soke ugami mini rafisikayi ontaga itage'emo onta diyefawami manawayi manawayi buwage'emi. ²⁴ Mono maka rafikayi nampa anom waita yu mini waya intrem nesu nasu intiri em,naye anene yenyige fawritenafi. ²⁵ Mana waita mano yerabem,mani sirem yi yime watau'o kalabusi mapi yikayimi mono naupa itare bemi wata anasi mono waya yiyime wane. ²⁶ Minimi rafisi waita yogam waita nampa bemi,oyibimantare yerade yiga,oyami savi bu'ugikemo,''nayeyarafi,''wata anais yu onamu yirinayo nanti. ²⁷ Yibige yemo kanisolo yu yugaka itavemo anom watamano yintauga. ²⁸ Semi,seyuya agoni uyikeya,mini abika waya bu yiyimego,ugami,Jerusalemi magu amakagi siguru wayanako,mini wata mano nare sinu simogapa dalantege. ²⁹ Ugami pita nampa yogam waita yu yen ya anona emi semi,seyuya gotimi awakurofanu,wat bu awakuro fanu. ³⁰ Senuya sinaunani gotimi jisasimi manta itaremi,yigemo arurukayi yigemo keka yaga irukayi. ³¹ Goti abidemi ayan ugapa makami,kini yi emi,yofaim watayi temi,isiraeli yira wayegam ayimi kumi uyiyikam nampa. ³² Seyuyi mini waya yu sima fugayi ofanu,ayo aga wai,iyemo goti ben awakure wayi yimika. ³³ Kanisolo yui duwantu ure mini waya intare yirami gami mono yogamwaita yu yirire uga. ³⁴ Ugami mana waita ferisike,ben avi Gamalieli,lo manoni tisami,maside wata anasi be amenapa wayi,bemi itavemi eram waya yiyimemi mono yogamwaitayu,kanaga mapa asano. ³⁵ Yiyimemi semi,isiraeli wata intama soke ogo,naya intitito antaure'o mana waita anasi uyikatege. ³⁶ Mana'a kana yakagemi,teudasi itavem semi bemi ena'ugam waita mi,nesu wata yu awakuremo. 400 mano awakuremo, bemi aremo, bemo awakuro watayu yera mana mana omi mana yantaba bu fa'warim. Mini waita ³⁷ aneka'i Judasi Galilike wata itavemi , wata yanta remi mana waita yibidami awakuntuka, bewa'i fubuga. Bewa awakuro wata yuba yerare uyabuga. ³⁸ Mage yigem yiyime'i, mini watayu yi'deka bubega neka bega ifayirago. Fuga ugane, mini intiru nampa yogaru watayuka fa'warirarim. Rufambem savi tiem. ³⁹ Ugami, bemo Kotipa yemote, bu yiruma budufaminago, yige amo'i Koti nampa aruvinago. Maside yu mana yiraka bemo. ⁴⁰ MIni yogam waita yu yirami upegami yiremono, yiymemi wayami buwa yiymego Jisasi navipim ifa yirana bogo. ⁴¹ Mini ruwantumi yimofi yeraremono, yemi mini avipimi yu yibisi marairi uga. ⁴² Mini a'neka maside wa'awam mono mapim maka mak famina yiymeve semi bemi Jisasimi Kraisimi.