¹ Pita ya Joni ya wata anasi nampa asewe wami, anom wata yu nampa mono nako dafika wata yu nampa Sadusi yu nampa yiga yeganti waka. ² Ano umanti marentamo mage yare, Pita ya Joni ya wata anasi nampa sima fawarem Jisasimo fubugapi itavugami. ³ Yekanti fakare kalabus magami ena waya wani uga, nayeyara adeka ayufu kara emi. ⁴ Ugami nesu wata anasi iyemanu waya intaremi, yimakuku emo wata anasi moyu wayede yimakuku oyimi 5000. ⁵ Ena wayawami, masidem yafi siru ga, yinom wata wa lo agarewam sawe wata Jerusalemi duwantu uga. ⁶ Yinom watayi dafisinti anasi wa wami, Kayapasi ya Joni ya Aleksanda, maside anasi iyaonti anom wata yuyi akuwai wage'e uga. ⁷ Pita ya Joni ya yeyiwanapa yibimage, yekanti yintaemo naye erakakena,iyen awipina mini anene yu eve kare. ⁸ Pitami Ayo aga bepimi itavimi manisi remi yiyimiduka, yige dafisi wata nampa yinom wata. ⁹ Mage mana wayawam seyuyamo sinteamo naye awogu yogara mi ai wataga fawarenafi, ugami naye antagaga asofenafi? ¹⁰ Yige masireyu nampa Israel wata anasi, nampa intanagomi Nasaretike Jisas Kraisi, iyemo arure keka yaga makayi, ugamifo Koti mati pike manta itarukayi. Mini abika inami, min wata yigen yugaka itagayi sokeuga. ¹¹ Jisas Kraisi mini onamui Yigen uami dayi bemi ake uga onamui. ¹² Ena avi bewa amaka Koti mo yararem wata anasi yibiga nanim. Naye yarafi ena avi Inaru amenapa buwa Koti mi wata yiwanapa yerarem senuya sivi gananim. ¹³ Afo Pita ya Joni ya yi iranti amonemo, yemi amonama fawayi emo yeganti siguru bu sigaramise anona antui ruremi amona ege demi Pita ya Joni yami feyapa Jisasi de wagenta ugantai. ¹⁴ Yemi mana wayami busemo mini yanta ganti, naye yarafi mini watamo soke ugam wata yen yiwanapim itagem wage'en uga ¹⁵ Minugami naemi ka yogam waita yiyimira kansolo yugi duwantu fike bokaro yenana'o ye waka siruka. ¹⁶ Mini siruka, seyuya nayeyiga oteyare mana mini wata ganti? Auwen ale yogari orami masidem Jerusalemi wam wata anasi intare, amonaga, mini anene seyuya bu ayofa siwau. ¹⁷ Ugami mini waya bugeyige bu ino yanti, ake waya nampa fegam waya siyimeyara wayami mini wata awipim buwa seka. ¹⁸ Pita ya Joni yarami urentamo eram waya yekan nampa semi enawa wata anasi yu mini waya bu yiyimeya, siguru buwa Jisasi avi bu yiyime. ¹⁹ Ugami Pita ya Joni ya anona waya senta sigenanao dayimago Koti augaka soke itenafi, yigenya awakuro fanu, Koti awa awakurofa. ²⁰ Seyuya siwaunti bu uyagafanu nayemo siyu ya amona rukaufana, intaruka siwaunawa. ²¹ Naem mana'a fegam waya nampa Pita ya Joni ya ifa yiranta bentamo yemi kana ure mana waya manomi au'a bu afakemo, yekanto waya siyikanayom nayeyarafi misidem wata anasi Koti avi yani emo, naye anene fawariranti. ²² Mini wata iyemo ofaiti marayi beni kirisimasi mano 40. A oranti mantukayi. ²³ Pita ya Joni ya yire bovo anekai, yeyi wata anasi wapa orabe yiyimiduka maside wayamo anom wata yuga yinom wata yu yiyimenta waya. ²⁴ Mini waya intaremi, manafim yiwanti duwantu ureKotimi sasamemi, anona'o eyaga'i Inaru wa maga wa, bunom wa maside anene mini aupem wanu'i. ²⁵ Ayo aga ano akeka em eyi yogam wata Deviti senu sifoe, nayeyara kumipim wam inim wata yiran ranti emo, wata anasi yu savi sava yantaganti ite inte'emo. ²⁶ Mani sire siganami? Maside dafisiru yema duwantu emo, maside yinom wata yu yema duwantu uve arubim waya ano na nampa siga beni Kraisi nampa. ²⁷ Fuga ugami, Heroti ya Pontias pairoti kumi ini awa nampa Israeli wta anasi manafi duwantu mini magufi uremi Jisasimi namu Koti uwaka, eni ateka yogam wata iyemo emo uyarukano. ²⁸ Ma'dem ye duwantuemo maside anene feyapa fawarinane siyana, eni era kawa eni ayikawa. ²⁹ Afo anonamano, em amonanam maside yenti dafi sego sigana wayami, eyi yogam wata yu waya eranapa siyimego. ³⁰ Ayami danam bina yiewam wata manta soke uaka, maki yigateve, enauga yoganti ateka avipim eni yogam wata Jisasi. ³¹ Yugam mukitike kipare, mini agumo bemo yugamo muke'eyom magumi anturi mi, masidemi Ayo aga itavugami Koti ami eranampa siruka. ³² Nesu inim wata iyemo amakuku mana yiraka intitim nampa yirapin nampa maya maya mo duka anene yanti sesintave bu siga, masiden yanta daginte mantuka. ³³ Mside ake nampa, yogam wata yu Jisasini yerare itavugaka, anona ava'ava yen yimuga wage'emi. ³⁴ Mana mana inim wata yu yenyinapa mana yanti akiyi bu uga, iye yiemo sito yanta wa magawa ma nampa moneka yimidemi mini mone nake yemo. ³⁵ Yogam wata yu yifimi magemi mini mone dayinagi emo masirem yogam wata amaka amaka maya maya mo akiyiugaka. ³⁶ Josepemi magufa watami Saiprusi, Livaini akupike, Banabas be siremi avi'i dewayi. (Mini avi anoni anta manisiga ake ara maka watamano aga'i). ³⁷ Mana maga sali uremi mone mantemi yogam wata yifim mare maka.