¹ Tiopilus, feyapa agantukauna yaufimi semi siyimidukau maside yoganti mare bem, siyimiduka. ² Koti Inarufa abigem uri nuram mareduka mini anene fawarimi ake waya nampa eram baya siyimiruka. Ayo aga anon eraka beyi yogam waita siyimika. ³ Naem mi fubugapike yeradem itavem bemi fawarubem beyi akunu yugaka. Kam waita wa'yawam yakagami Inaru magu fai siyimiduka. ⁴ Yenampa managa bemi siyimemi semi Jerusalemi yera buba rago, sige yifoe ni waya gaga dafisego, mini yanti mani sirem siruka, sepakem ai intane. ⁵ Ugami Joni mi nonako nomi feyikaka yigemi Ayo aganampa feganagon naem mana'a kanai yakagana'i. ⁶ Masiduyu managa duwantu uvemi intaemi semi, anona'o ai kanayi emino Israel magumi manta yerade itarano. ⁷ Manisirem yiyimiduka, yigenti anene buwa, nante kunami bu intaga, senuya sifoe kana makami, beyaga intaga. ⁸ Yigemi ake'i maranago, Ayo aga'o yigeka kuminatem. Semi yigemi Jerusalemi sofainago maside Judiawa, Samariawa mana maga oma kipananika. ⁹ Jisasi mini wayayu siyimidem, Inarufa uremi, masideyu Inarufa kagademi wami mana konamano yera uyadami enawa bu aimonemo. ¹⁰ Mente bipa inami amonave wami, mini ame'ama uremi kam wata ganta efaunam wado urem karo yen yianpa itave tamo. ¹¹ Mani sentamonto, yige Galili watayu nayeyara yige intage bega Inarufa amone bega? Mini Jisasi, Kotimi yararem yige pake abigami Inarufa bemi orarem miyi'o abi'awa pim efa unam wa'do nampa yitemi. ¹² Olivi anugakem owaye'de Jerusalemi yiga, Jerusalemi ade'ka Sabati kanaga. ¹³ Ora'de yemi yanafa naupa ba. Minifimi Pita, Joni, Jemsi, Filipi ,Tomasi Alfiusi aga ifo Saimoni Liloti nampa Judasi emsi nanim. ¹⁴ Yemi mana intika yigau mukirante yiga anasiyu nampa Meri Jisasi nano'e nampa ben afa awa unan nampa. ¹⁵ Mini nurami Pitami yimakuku ewam watayu yiwana itare wage'en uga, yantami masidepa'i 120 inim waitami manisire siga. ¹⁶ Afa awa'o semi, awoguge semi wayami yaufim agaka Koti faka fawa ritemi feyapa Ayo aga'ano Deviti oyamuka fawarem semi Judasi awauka semi, mini watamano yigantinami Jisasimi fakatemo. ¹⁷ Naiyeyara senu nampa mana akupim wa, seyunam yogewa. ¹⁸ Magemi mini wata mano maga aya'emi mini kutanu mone nako. I'naemi magagai anopa kuma dufamemi. arai dawantave fasayi em. ¹⁹ Jerusalem bam masidem inim wata intaga yeya fike mini magu abidemi (Alkeldama) mini abi'ano semi nare bam magabe. ²⁰ Minugami Kotini wayamano i'anoni yaufimi agaka, e'anam masidem beni yanta kipa. Mana wata e'anam fa iwa, mini nana ena watamano beni eranampa yoga namp mara. ²¹ Mini avogu ugem, mana watamano maside nuram senu nampa , bemi anona Jisasi senuya siwanapa bemi. ²² Joni mono'nom maraka yem Kotimo bemi yeradim abiruka. Senupakemi, bemi sima fawarinani beni fuginti. ²³ Kam wata manta itaremo, Josepi abidemo Basabasi ya mana abi'i Jastusimi ya Matias. ²⁴ Yugam mukeve manisiga, em anonamano, maside inim wata yira'i amonaga nam mini kanto itarukana fikemi manawa yina. ²⁵ Yoganti mantukemi Kotini yoganti maratemo Judasimi maguga , bemi yerarem bemi warare si magufai bemi. ²⁶ Yiyam intafemo, iye mi yoganti maratenafi. Matiasimi aruma dateremo 11 ni'a watayunampa mono yogari emo.