¹ Pentikosi kana yimi maside yeravemi ruwantu emono ruwantu ewaka. ² Inarufakem uwanyanta yemi kumanture baka ma itugem. ³ Yen yigauka iga amafin kana yemi mana mana bayika buga. ⁴ Aiyo aga ano yepim itukami yen yafakem ami siga . ⁵ Magemi jewsi yu Jerusalemi bami, Koti ka mono baya intewanu ma'de magufike inaru ma'mem banu. ⁶ Mini anene intare maside watanasi yema uyuge be ani ana emono, nayeyara maside minifim banu yeya fake mana sewami, Intare amoyure sem, ⁷ maside Galili baya mana buse mono? ⁸ Naugana senu taga inteyarafo, senu ma'duka ka. ⁹ Patensi, Medesi, Elamaitsi yu Mesapotamia banu nampa Judia, kapadosia , pontusi nampa Esia, ¹⁰ Frigia Pamfilia, Igipi nampa mana'a Libia nampa sairini nampa mana'a Romi fakena watayu yiga. ¹¹ Jewsi yu nampa Proseltis, Kritensi nampa Arabia intafuna su'ya tafa kem Kotini anon yoganti siga. ¹² Anon amoyure yeyara se bugeyige ure se, Minimi naye anene wafi ? ¹³ Mana'a kasi baya yiyikare se bia nomi narukane se. ¹⁴ Pitami 11 nia waita yu nampa itagem bem ka urem araboka urem sem, yige Judia watayu Jerusalemi ba intago , ¹⁵ nayemo fa'warimi bia nomi bunemono, mage ugami 9 kiloki ugemino. ¹⁶ Manami kasanampa waita Joeli wafa sirukaka fa'warem. ¹⁷ Koti sem arafagi ina beni ayo iya onti ma'de yuka ratem. Aina gagu nanmpa asika agagu yu setami sitemono. Fumara agaguyu kainanta amonate, anoka waita yu kaimi amonate. ¹⁸ Mini nurami seti yogam waita nampa yogar ini ka seti aiyo aga yimi'dana seta site. ¹⁹ Ena ana aneneyu inarufa fa'warina maga aupem mi nare nampa iga nampa anon imumi uritem. ²⁰ Seti kanaga'i a ano ayufuni inami biyomano nare item. ²¹ Maside yu setivi rewanu awogu bari item. ²² Yige Israel inim wata mana bayawa intago ,Nasareti kena Jisasi mo yigenampa waganaote ,Gotimi manta fakamagem ,bemo bemo sasaka yigayi ,bebe ayakai ,Goti beyi akegu nampa eraru yigen yiwanapim demi,sigenanao intagami. ²³ Gotmi wata yigen yiyapim magai bemi inte inte urukem waya anta urukem uruke,savi watayu aruma fudemi keka yaga maga. ²⁴ Minugamifo Goti yeraremi manta itaruka,fugintike ,nayeyara fugintano bu fakatem. ²⁵ Devti benanti siruka,anonami amonau nami setideka ugami wane ,nayeyara setiyan ugapa wamose semi bu fegatege. ²⁶ Minugami setirano soke imi,setiwantano sima fawarem Gotini soke gu'i setumano akeugem bemi.. ²⁷ Semi ifa tiranai fubuga wata yagi magufim buwate'u,em e'anam eni awogu aga'ano mati matipim savibuitemi . ²⁸ Awogu magufa bugam ayimi sigateno,semi itutikana en augaka. ²⁹ Afa'awa seyuyanti sinau Deviti,fugimi masifemo,beni mati mati ano wa'antemi mage yewa. ³⁰ Ugami bemi yogam waita bemi intaruka Gotimi sasamemi be anawasimpike mana wayi beni magu mantem anona dafisiri item . ³¹ Mini amonaremi Jisasini itabiranti siga mati matipimi bubanam be auyuano savi buitem . ³² Mini Jisasimi Goti manta itarukayim ,masideyu inteya amoneya . ³³ Ugami bemi itavemi Goti ayan ugapa bemi ayo aga anoni ake waya afoe pake mantuka mannta ayiremi nayemo amonemo intana. ³⁴ Deviti inarufa bu uka,ugam manisiremi siruka,anonamano sasamiduka seti anona,siya ugapa kumanteno. ³⁵ Eni namugoyu senam ene ai amenapa wanani. ³⁶ Ugami,e'anam masidem Israel yu Goyimi Jisasi manta anonyi urem kraisi ne semi.Imi Jisasimo arure keka i yaga. ³⁷ Mini baya intare yira umari ure Pita nampa mana'a Aposoli yu yanti se, Sifa tiwa o na'i te'yarafo simi? ³⁸ Pita yiymem, yigenti savi anta yerarega Jisasi avipim nom marana yigenti kumi yirem ayo iya om yimi. ³⁹ Mini kagadure rukam baya yige nampa yigen yigafanta yinta nampa i'naem yinoyom Koti yivigananim ba. ⁴⁰ Nesu baya nampa ami sire ma'ni sire yiyimiduka, savi anta ewam akupim buwago simi ⁴¹ bena intare bena maremi nom fe'duka, amuna yimi 3,000 nia wata mini nura yiga. ⁴² Aposoli ya intare mono' baya sire breti ki'dire yigau mukuruka. ⁴³ Fegantano maside yuka yem nayeyara aposoli yu amuna anene uwantuka. ⁴⁴ Maside yimakuku ewam watanasi manafim uyuge bem. ⁴⁵ Yenti maside anene yu mante rayinte mana mana bayi yimiduka. ⁴⁶ Mana mana wa'wayam ruwanture mana intika mono naupa bemono. Yenimapim breit ki'dire yunanu awarure amonampa awogu ara nampa ⁴⁷ Kotin avi yani omi, Maside watanasi yimonama anoni uruka. Maside nura kumipim wam inim waita yi'dem minifim rewam.