¹ Aa kua aavoo Undaanga Anutuuqa kuavai, Sotaama suai vaki Maikaava ivoo pinaa yoosinna Morasadia vaidii vai innasii Anutuuqa kuai voo tiiravai. Ahaasooya Hesakiaaya, Ii suai ivaki Yutayaiyara Kieeta vai variravai. ² Tuqinnama rikiaaree, nngia mmuakia gioonna kiaapuu mmuakiaa mmataa aaqvau variaiya tuqiinnama rikiaatee, mmuakiaa mminnaa yauvai vai yauvai. Nnoonnai voo Udaanga Anutuuqoo ivo ngiauqaapuu arii yootataa nnau vaki variivoo fai kua pinai vau ngii yapaanaravai. ³ Rikiaatee, Udaanga Anutuuqoo arii yooyataa yoosinnaivaa pikioo mmaanai ngioo fai ivoo tioo dee yoosinna yau vaki ngiaa unnakuaa anutuu yauvaara sudaaqaa kiai yauvaa ivoo rummua raubiriinravai. ⁴ Suai ivoo vioo varinoo taapii yauvoo hanigioo nnoorii utuoo mmaanna mminna kiaanaravai, lhoonuruu yoosinnai yau voo fai sabisaabii kusii kaasiinnoo ikiaano teerayainoo nnoori voo tusiinnoo tioo vioo sasaakai vaa roosiinaravai. ⁵ Ii mminna iyau voo vaivaa oyaivoo Yakoopoonna uruu nnaakarai yaatama Isaraira gioonna kiaapuuya iyaa mminna mminna maisaiyau vaara ivoo vareeravai. Dee yakoopa uruu nnakaraiya iyaa mminna mminna masaiyau vonnee? Yutayaiya yoosinnai nnii giataa taapii yoosinnai yau voo vaikiai unnakuaa anutuu vaara sudaaqaa kiaannee? Inna ivoo hama Yerusaree mavai. ⁶ "Fai na Samariai yaa iinai hanigiadaa kaa yau mmummuu sausai voo suvuai mmatai vaa roosiino fai ivoo aatama yoosinna voovai vuainai vaa utira mmoori vaa roosii naravai, fai na inna sikau iyau vaa rummua ruaimaamiinoo yoosinna hoonuruu vau vinai fai na mmuakiaa mminna yaagueeqaa mmii yau vaa varainna naravai. ⁷ Ivoo mmuakiaa unnakuaa anutuu yau vaa mmanna mmannai yau vaa yatari nnaadirii iivai, fai ivoo pataa pataama ruaimaminoo kuanaravai. Mmuakiaa ivoo yokeeta mminna ivoo vareerai yau vaa ikiai voo taanaravai, fai na inna unnakuaa anutuu yau vaa iinoo maisainaravai. Suai ivoo yookeeta varee mminna iyau vaa ivoo sabii heera aataruu yau vakidirii varaivai. Iyaa fai irisai iirai voo sabii heerai vaa keena iikiaaravai." ⁸ Ii oyai ivaara fai na aayanna ree ratee fai na yukuu yaa mmanna nnabaa riradee kuanaravai; Fai na faii mmararai yaa roosiima ratee heenaki akuaa reera ngiaammia yaa roosiinaravai. ⁹ Inna uudai voo fai hama yopeema taikanaravai, dataama vaikioo ivoo Yutayaa nniravai. Itaaama vaikioo ivoo ni gioonna kiaapuu Yerusareemai yaa keegiai dadirii nniravai. ¹⁰ Ii mminna iyau vaara Sakaata nna yaa dirii boo tidaa rataa tee. Na refaraava mmatai vau hanigiaa nigieenna kufukuufa ruau vai. ¹¹ Inna yaatarada kuatee, Sapahinna seenai yasoo. Iyaa rakaana taguaada mmammaa maisaa tasipaama vee, Sanaana seenai yaa sakavaa ngiaatee, mmaatai vau Esoroono bootioo rataino, dataama vainnee, iyaa ngiari hanikiaa mmuaakia yau vai radaa varainna kiaada iyau vaata iyaa varadaa kuaa vai. ¹² Maroota seena gioonna kiaapuuya kua mmayaayai vaa hokoo bama rikee rai vaara iyaa piriisai vai, dataama vainnee pinaa mmuaararai voo fai Udaanga Anutuuqaa sidirii tioo mmuakiaa Yerusareemai yaa keegiaaya kuanaravai. ¹³ Rakisoona seenaiyaa kariisa hoosaiya aataruu yau vaa suvuauu kiaanoo, ngiaa Rakisoonna seena gioonna kiaapuu yasoo, dee mminna mminna maisa voono Sayoona raunnai vaa Aiyootoosa hareeravai, itaama vaikioo Isarairaaya mminna mminna maisai voo vaa itaama rau kiaivai. ¹⁴ Itaama vainai fai ngiaa yokeeta vee kiaa kiaada katii mmirana mminnai yau vaa Moreseeta Gaata mmidaa inna pikiaaravai. Ivoo Akisiibaa nna taunavai fai ivoo mmuararai vaa Isarairaiya Kingai yaa mminaravai. ¹⁵ Ngiaa Mareesaanna gioonna kiaapusoo, fai na keena vaidii voovai vitaanoo ivoo rapuoo ngii yaatara kinoo Isaraira yaa mminna mminna yokeeta iyau voo fai Adurama nninaravai. ¹⁶ Ngiaa ngingii kieeta yausii yau vaa varainna kiaada ngiaa ngingii nnaakara deevaraa mmuduuya ruai yau vaara boo kiatee. Ngiaa ngingii kieeta yausii yau vaa hatooka kiadaa aaroonna iya roosiima variaatee, aanii vaaara ngii nnaakaraiya ngii pikiaada oroo voo yoosinnaiya tasipama oovii nnau vaki variraa vaidiiya roosiima vayaaravai.