¹ Taara nuanu aakiaa ivaki Dariuusoo kingaa vai varuduu rikoo, yaakuu vaitana sainaidirii mmuaavai kuraanga ivaa mmuai suai ivau, Udaanga Anutuuqaa kuaivoo forofeeta Hakai nna kina ngioo Yutayaiya kieeta vaidii vaasi kuiavai. Siaateena mmaapuvai Serubabeero kieteta vaidi vai, Yosuava Sehoosadaaka mmaapuu voono tunoo ² "Udaanga Anutuuqoo tinnoo nnai voono tunoo, aqaa gioonna kiaapuu aayaa kiaano, hama aannaa tii suai ta nnida nuunaida Udaanga Anutuuqaa nnauuva heekaara suai voovee." ³ Yapooma Udaanga Anutuuqaa kuai voo foroofeeta Hakainna yaakuu vau giaata ngioo tunoo, ⁴ "Inna aa suai aavoo ngingii nnau yau vaa yokeetai yau vai heekadaa ninnua vaa pikiaa voo vainno maisainnee? ⁵ Itaama vauuduu Udaanga Anutuuqoo tinoo: Tuqii nnama teedaa ngingii aataruu yau vaara rikiaatee! ⁶ Ngiaa kaayau yeenna nnauu yau vaa vara utuu kiaadaa kaanai vaa patavai varaavai; ngia nnaa vai kioo ivo hama ngii ausai yau vaa rasitiivai, ngia nnoori vaa nnaavai kiaada hoomo ngia kumimaka kiaavai, ngiaa yaapaivaa apuuvai kioo homo ngii aadai vai ngiaa ngingii mmoorii yau vaa yaagueeqaama kiada kauusa utiida sikau varaa raivaarra puruuaavai. Itaama vai kioo ngii utuai yau voo pinaama rugoo qai yau vaki yapaa vai! ⁷ Tii Udaanga nnoonnai voono aata kua tinoo; "Tuqinnama ngingii aataru yau vaa teeda tinnii varaatee! ⁸ Oro ngiau taapi vaudirii yatari yau vaa varaada tikai nanii nnau vaa heeka kiee fai na nii nnau vaa heekau vaara iva aakiai vaki vayee siriingainna nnutuu pina varanaravai! Udaanga Anutuuqoono itaakua tii vai. ⁹ "Aa mmoorii kieema kaayaura puruannai vaa taanee! A pataa yau vai varee nnaukiraa ngiaano, na varainna kiau kai vida raubirii kiaavai! Dataama vainnee?" "Ni nnau voo maisainnoo vaino, suai mmuakia gioonna kiaapuuya kausa raikiai ngiari nnauu yau vaa ii kiaano! Udaanga Anutuuqoo Nnoonnai voono itaakua tiravai. ¹⁰ Ii aataru ivaara ngiau aapuuya ngii sidirii vati nnoori patai vaa keena varaara utuua voo hama kava yokeeta yeennai yau vaa ngii mmiravai. ¹¹ Na yaagueeqama kuatiee ii maisaa ivaa varee mmatai vau ngiauno, taapi yau voota arii voyeenna voyeenna uruu yau voota karaasa vuainai yau vunuu aata nnaammari suuyai yau vunuu aatama mmtai vau vai yeennai yau vunuu aata, taapi yau vau nnaata ari vookarai yeena uruu yau voota karaasa vuainai yau vunuu aata, gioonna kiaapuu yaata fayai mmarai yaata mmuakia ngia yaagueeqa kagaari kiada ngiaa mmoori ii kiaa ngii yaaku yau vunuu aatama vainaravai!" ¹² Yqapooma Siarateera mmaapuuvo Serubabeero kati puarahudeera vaidii kieeta Yosua vaa Sehosadaaka mmaapuuva tasiipama ii pata oyai gioonna kiaapuu iya Udaanga Anutuuqa nnuunai vaa rikeeravai, iyaa rikiada ngiarii forofetaiva Hakainna kuai vaa vatai voo inna Udaanga Anutuuqo noo inna titeeravai.Itaama vaikiai ii gioonna kiaapuu iyaa Udaanga Anutuuqaa virinnikii vaara aatuu ravai. ¹³ Yapooma forofeta Hakaiva Udaanga Aunutuuqaa avai vaidi vai vayoo ii gioonn a kiaapuu iyaa aata kuaa tunoo, "Ngii tasipama vayauno! Aa kua aava Udaanga Anutuuqonoo kiaakioo kieeravai." ¹⁴ v 14 Itaama vauduu rikioo Udaanga anutuuqoo Yutayaa gioonna kiaapuuyara haituura kieeta vaidii pinaiva mmannasaiva yuruuravai, Siarateera mmaapuu voo Serubabeero vee, Sehosadaaka mmannasai voota Sehosadaaka mmaapuuva Yosuanna mmannasai voota ii pata oyai gioonna kiaapuuya mmannasai yaata iya vidaa Ugaanga Anutuuqaa mmuakiaa yaagueeqaivoo suvuaikio vaa nnauvaa ii kiaavai, Inna iyaa Anutuuqovee. ¹⁵ (24) suai iva aakia ivaki suai yaakuu saivai sainaidirii mmuaavai kuraaga (6) Kinga Dariuuso Kinga vai vaa varikioo, taarama nuanu ngioo viravai.