¹ Yaakuu saivai sainai dirii taarama kuraaga (7) ivau, Anutuuqa kuai voo tioo forofeetai vaa Hakainna avai vau dirii tunoo, ² "Yutayaiya haita tuura kieeta vaidii vaa kiaanee, Siarateera mmaapuu vaata kati puara hudeera vaidii Yosuava Sehosadaaka mmaapuvai innaata ii gioonna kiaapuu iyaa ngiari kutaavee tirai yauvaa kiada vakiai Yaatama kiaa mmianee tiravai. ³ Gioono hoomotama ngitamma harakioo vayioo Anutuuqaa nnuavo nnaaru yokeeta tuaana vai ivaa tai vainnee? Nniaa ii mminna iyau vaa taavo aanna 5dataama vainnee? Ivoo dataama mminna mminnavai ngii avuu yau vunuu vainnee? ⁴ Aanna, ayaagueeqama diee vakianee Serubabeero!-Udaanga Anutuuqo vaa kiaa kiaivai-itaama vainai ayaagueeqama dianee, kati puara hudeera vaidii kieeta Yosuaava Sehosadaka mmaapuu vai, ngia yaagueeqam diatee! mmuaakia gioonna kiaapuu ii yoosiinna ivaki vayai yaa Udaanga Anutuuqo ivoo ataa kua tunoo, mmoori varaatee. Dataama vainne na ngii tasiipama variauno! Udaanga Anutuuqo mmuaakia yaagueeqavai innaki vaivoono vaa itaama kiaa kieeravai. ⁵ Suai Iyiipadirii na ngii vitee mmaanai ngiau suai vau na ngii tasipama aa kuaa aava yeena rau kiau kioo ni mmannasai voo homoo ngii tasiipama varinoo, sa aatuu kiatee! ⁶ Dataama vainnee: Udaanga Anutuuqonoo mmuakiaa yaagueeqaa vai innaki vai voono ataa kua tinoo, Yapooma kisa usai fai na ngiau vaata mmatai vaata soroovurai vataama fai na utuu koro koroono ii mmuaki sai mmata iyau voo hama nnoori nnaa tainaravai! ⁷ Fai na mmuakiaa mmatai yau vaa ii nai korokorooda mmuakiaa mmataiya fai ii mminna mminna pina ngiau aapuu kuai iyauva varada niisi nnikiai fai na nii yokoova vaidii vaa nnau vaki inna tasipama yapanaravai. Udaanga Anutuuqo mmuakia yaagueeqa vai innaki vai voono tiivai. ⁸ Ii mmuakiaa goora sirivua iyau voo inna ninii yau vai! Udaang Anutuuqo mmuakia yaagueeqavai innaki suvaukioo vai voono itaa kuaa tiivai. ⁹ Nnoonai vaa nnau vaa nnutuu pinaivoo voova tamaa vioo poinaavai vainno suai yapooma ngioo yaatara naraivoo vaa taura vai mminnai yau vaa yaatra naravai. Udaanga Anbutuuqo mmuaakia yaagueeqa vai voono tinoo, fai na nnauu ivaki dirii ausa nuufai vaa ngimminaravai! Ivoo inna Udaanga Anutuuqo mmuakia yagueeqaiva suvuau kioo vaivaa kuavai." ¹⁰ Suai (24-9) yaakuu vaitana nuunama yukuu vaitana suai yaakuu saivai sainaidirii taarama taarama kuraaga Dariuso taara nuanu kingavai varikioo, Udaanga Anutuuqa kuai voo tioo forofeeta Hakainna kina kuaivai. ¹¹ "Udaanga Anutuuqo mmuakia yaagueeqa vai suvuau kioo vai voono ataakua tinoo, kuaa mmaanna ivaki vai kuaa mmuakiaa yau vaara piriisai yaa yapaara kiatee. ¹² Udaanga Anutuuqa nnauu vaki yapaara fayai mmatiiva mmataama yapaa kiaa voo vaidii vovoono ivaa varaa hatauma arii yaapa radaa yapakiai vaki hatauma yapaa kiai kioo ii yaapo radaa yapaa kiaivaa ari yaapaivoo kamai vaata vuaina nnooriivaa varai vau korooduu rikioo, ii datai yeenna ii yau voo ivoo aikioo yokeetaivai vainarannee?" Katii puara hudeera vaidii kieetai yaa inna kusai tunoo, "Hameetavee," ¹³ Yapooma Hakaiva tunoo. "Vaidii vovoono nnaunavai vayoo ivoo dayainnee, ivoo vaa putii mminnai vaa koroo vaara ivoo aikioo iyaa iikiai iyaa nnau nayaa vayaannee?" Kati piara hudeera vaidii kieetai yaa inna kusai kiaano. Iyaa vaa nnaunaya vayaano tiravai." ¹⁴ Iitaama vaikioo Hakaiva tunoo," Iitaama nnaasu aa gioonna kiaapuu aa yaa aa mmata aa nivaini vai vootama! Udaanga Anutuuqoo innaki mmuakiaa yaagueeqai voono vaidiiya yeena tapii vau puara hudeera i Vaaraataiiyaa yaata tinnii vaaraatama kiaa kookieeravai. Dee yokeetaavai iyaa niiyara iikiaivoo ivoo nnaunavai! ¹⁵ Iitaama vainai aanna tinnii utuee ngingii tinnii ivaa aakiaa ivaki tinnii varee rikiaanee, ngia nnaaruu tuanaa dirii aanna makee nnaata vaino. Suai ngia hama sikau yau vaa yapaa kiada Udaanga Anutuuqa nnauuva heekaavai. ¹⁶ Suai yaakuu vaitana nuunama yuukuu vaitana (20) vuitaa utua ivoo vaa nnaaruu dataama vairavainnee? Vuiita uruu roosii yeennai yauvaa yapoo yoosiinnai vaki ngiaa nnidadaa ngiaavai. Nngia kava vara ranada nnida vuaina iirai yau vaara rauudodoora yoosiinnai vaki vainai yauu vaa ruaavoo yaakuu vaitana nuunama yuukuudo (20) utuuadaa nnaasu ivaki vairavai. ¹⁷ Va na ngii maisama iimakiee ngii mmoori mmuakia yauvaki kapuai yaatama poosa kuai voroo veerai yau vaa kiauko iyayaa dirii uriivai. Iitaama vaikiai ngia hama hanigiadaa niisi ngiaano, Udaanga Anutuuqoono kiaa kookieenno itaakua tiravai. ¹⁸ Ii suai ivaara yaata utinoo ii taama kuai vee. Suai yaakuu vaitana nuunama yukuu dootama taikakioo yaakuu sauvai sainaidirii taarama taarama (24-9) kuraaga ivau suai iyaa toosa hara kiadaa Udaanga Anutuuqaa nnauuva hanuu hareeravai. vaara tuinnama yaata utuatee! ¹⁹ Yeenna uruu vooyauvai yeenna yapeera nnauuvaki vainnee? Ii vuaina, yatari nnaammuyaa, ii pomigareena ii oriiva yatari iyauvoota hama iiraa vaivai! Iitaama vainai aanna suai aavau fai na ngii yokeetaama iinaravai." ²⁰ Yapooma Ugaanga Anutuuqoo Hakainnasi kuaivaa taaraneetu uudu nnuduu rikioo suai yaakuu vaitana nuunama yukuu dootama taika kioo yaakuu saiivai sainaidirii taarama taarama (24) ii kuraaga ivau tunoo." ²¹ Yutayaiyaa haitatuura vaidii kieetaiva kiaammiatee, fai na ngiauu vaata mmatai vaata utee korokoroo naravai. ²² Fai na kieetavai variraa kieeta mmaataiva varainnee iyaata iimaata iyau vaata gioonna kiaapuuya yaagueeqai yau vaata ii mmata iyau vaa koonnama ii naravia! Fai na kariisai yau vaa vaidii kariisayaa varirai yau vaata varainnanai, fai iyaa maisaiva varaaravai, hoosai yaata vaidii hoosayaa varirai yaata mmuavai mmuavai, fai taikiadaa tiidaa vidaa maisaiva varaaravai; dataama vainnee, ngiari kataa vayaiya paipaiyau voono iyaa havarataa naravai. ²³ Ii suai - tuanaa Ududaanga anutuuqaa kii mmuakia Yaaguee qavai vai voono tinoo - Siorateera mmapuuva Serubabeere fai nai nii mmori vareera vaidii vai - ivitaa naravee, Udaanga Anutuuqoono ariino itaakia kiaa kookiee ravai. Fai naa iinai aa hanigiee yaakuu oopuya yapeerana suubaiva roosiima nii yaakuu oopuu aavau vainaravee, itaama vaikiai vaa naa ii mmataama kiauvai! - Inna ivoo nnoonna Udaanga Anutuuqoono kiaa kookieeravai!'''