¹ Kioo Yosiipo hama tuqinnama ariiyara ari mmoori vareera vaidii innara duuya avuu vau ariyara haitatuu ravai. ² Ivo puaiisa aayannaroo tunoo. Mmuakiaaya ni pikiaatee. Itaakua tuduu mmuakia vaidii innara duuya vida raubiriima kioodu ari kata vayai yaatama kuatiravai. Ivo pinaamakioo rateeravai.Ratooduu mmuakiaa Iyiipa ivaki varuuya rikieeravai. Rikiooduu Farauunna nnauvaki varuuyatama rikieeravai. Yoosiipo ari kata vayaiya tunoo, ³ Na Yosiipovee, homoo ni napoova variinnee?Tuduu inna vayaakiaiya inna avuu vau dida vaida pinaama nnikiaraida hama inna kuaivaa irisai tiravai. ⁴ Kioo Yoosiipo ari kata vayaiya tunoo",boo, ni vainima ngiatee.Tuduu iya inna vaini nniravai. Nnuduu ivo iya tunoo, Na Yoosiipo ngi kata nnaagiai vovee. ngia ni vitada Iyiipaiyasi kiada yooka varoo vovee. ⁵ Sa ngi ngii yara nnanna teeda nii yara mmamma maisaida nnaaru ni iikiai vaara yaata utuatee, Anutuuqoono ii aataru idaadiri ni titaikiai na gioonna kiaapuuya variraiyauva vara ravisinarai vaara aavaki nniravai.Pinaama yeennarai raivo yaaku saivai nuanu vainaravai. ⁶ Aanna taara nuanu taikaikioo homoo taara vooma nuanu vaino. Fai homoo ii nuanu iyauvakihama yeennai yauvootai naravai. ⁷ Anutuuqoono ngii yarootioo nii nnaadee aa mmata aavau na ngiau voono fai yeenna mmira aataruu daadiri variraiva ngimminaravai. ⁸ Itaama vauu vaara hama ngieeno aavaki ni titeeravai. Ari Anutuuqoono aavakira ni titeeravai. Ivo ni iikiai na Farauunna koova vayauvai, vayee inna nnauu yauvaara haitatuu kiauvai. Variee mmuakiaa Iyiipa mmataivaara tama haitatuu kiauvai. ⁹ Itaama vainai seenada akiairaama oroni napoonna kiaammida kiatee."Aa kua aayauva i mmaapuu Yoosiipo ataakua tiivai. Anutuuqo ni iikiai na Iyiipaiya kieetavai vayauno. Niisi tummuanee, sa hauna kianee. ¹⁰ Fai a Goseena mmata ivau ni vaiinima varinaravai.fai eetama i nnakarai yaatama i nneedi tunnaiyaatama i puara kudiifau kiaiyaatama mmuakiaa mminnaiyaatama vayaaravai. ¹¹ Itaama vaikioo homo yaaku saivai nuanu fai homa gioonna kiaapuuya yeennara kiaaravai. Itaikiai fai hama a yeennara aara raanaravai. fai mmuakiaa mminnaiyauvo iisii suvuainaravai. ¹² Taanee, ii avuuvoo taivee, Ni vayaanna Piniamiina i avuuvau na ni avai vakidiri iitaa tama kua kiaunoo. ¹³ Oro ni napoonna nnutuu pinaa na varauvaa tama dee mminnaa yauvai ai avuu vaadiri taannai yauvaatama kiaa mmianee. Kiaa mmikiee,akiairaama ni napoonna vitee ngianee. ¹⁴ Ivo ari gataivaa Piyamiina varauu utuoo rateeravai. ¹⁵ Piyamiino sai innaa varau utuoo rateeravai. Ivoo ari vayaakiai yaa varau utuoo iyara yoketainno rateravai. Rata taika kioo nnaagiai kuaiva iyatama tiravai. ¹⁶ Ii kua ivaa vaidii Farauunna nnau vakidiri tidaa tunoo, fai Yoosiipa kata vayaiya ngiaaravai vee tiravai. Ii kua ivaa Farauvaatama inna mmoori vareerai yaatama rikiooduu iyaa yoketairavai. ¹⁷ Farauuva Yoosiipa tunoo, ai kata vayaiya kiaa mmiee kianee,ataama iikiatee, ngingii puaraiyauvaa tama vitada Kenaana mmataivau kuatee. ¹⁸ Ngi ngii koonna tama mmuakiaa mminna mminnaiyau vaatama varada niisi ngiatee tiravai. Kiaakioo tunoo, fai na Iyiipa mmata iva yokeetaivaa ngi mminaravai. Ngi mminai fai ngiaa ii mmata ivaa yoketairaivaa fai ngia varaaravai vee tiravai. ¹⁹ Aanna makee na ngi kiauno , ataama iikiatee, Iyiipa mmata aavaudiri pikiada puaraiyauvaa varada ngi ngii nnaata nnaakaraiyara yaata utida kuatee. ²⁰ Sa ngi ngii hoonai yauyauvaara yaata utiraida pikiada kuatee. oroo ngi ngii koonna vitada ngiatee. Fai Iyiipa mmata aavoo ngiinivai vainaravai vee tiravai. ²¹ Isaraira mmaapuuya ivo tuuneema iida Yooseepo ari tuu atau vau giataama Farauuva tuduu iiravai. iida kuatee tuu atauvau giataama viravai. ²² Mmuakiaa vaidii vuuya uyira rai raii yauvaa taaratioo mmudu varada viravai. Mmuaavai Piniamiina nnaasu yaaku saivai uyira rai raiiyauvaa tama taara vooma haadereeta sikau sirivaiyauvatama mmuduu varoo viravai. ²³ Inna koonnani yaakuu vai tana togii yauvaa tama hoona yoketa yoketau yauvo Iyiipaiyani vau yauvaa vara mmuduu varoo viravai, yaku sai nnaayee togiidoono innani yeenna uruuyau vaatama kaayau vo mminnaa voo yauvaatama varada inna koonnani viravai. ²⁴ Ivoo ari kata vayaiyaa titoodu vida nnidaiaravai. Ivoo iya tunoo, Vidaa sa aataru tammaivau buaaru kiaarada kuatee, ²⁵ Tuduu iyaa Iyiipa mmataivau diri pikiada Kanaana mmatai vaki ngiari koonna Yakoopaasi viravai. ²⁶ Vidada oro ngiari koonna Yakoopa tunoo, homoo Yoosiipo mmuakiaa Iyiipa mmataivaa haitatuunno varino, Tuduu rikioo iya koonna yaata tinniivo arivoo karaudu hama iya kuaiyau vaa inna kiaa mmuyauvaara kutavee tiravai. kutaavee tiravai. ²⁷ Iyaa ngiari koonna mmuakiaa kuaa yauvai Yoosiipo tuu yauva kiaammiravai. Suai Yakoopo tooduu Yoosiipo mmoori vareera vadiiya titoodu puaraiyauvaa varada inna vitaara vuduu ivoo iyaa too nnikiarauduu inna sakuaivo vioo kieeravai. ²⁸ Vuduu Isarairoo vainno tunoo, inna aikioovee, Fai na nimaapuuva Yosiipa oroo teeno ni ausaivo nuufainai yapooma fai na putinara vaivee.