¹ Yoosipo ari nnauvaara haitatuura vaidii vaa ataakua tunoo. Aa vaidi aaya utuai yau vaki yeenna vuiitaiyauvaa vara rinono sannaaya fuugiaa kiaivee. Kaayauma kiee iya sikau utuaiyauvaki rummua yafiima kieenna, mo ngiari sikau yeenna yookaa kiaiyauvaatama mmuaavai mmuaavai ngiari utuaiyauvaki ruanee. Itaama rummua kiee sa iya utua sannai yauvaa funnuaannee. ² Ni sirivuaa kaapa nnoori nneeraivainna. Pata ngiaammuauvaa utuaivaki ruee. Ari sikau yeennna yookaa rummua kiee sa iya yokaivaatama ivaki ruanee. Nnauvaara haitatuura ngiaammuauvo Yosiipo tuneema iiravai. ³ Vauva patauduu vaidiiya ngiari dogii yau vaatama varada iya titoodu viravai. ⁴ Iya yoosinna pinaivaa tooyaivaki vuduu, Yoosiipo ari nnauvara haitatuura vaidiivaa tunno. Ditee vaidi kua iya vataree viee suvai kiee ataa iya kianee, mo aanira ta yamaa aataruuvaa ti iikiaannee? ⁵ Mo inna hama ni nnoonna vaidiivaa nnoori nneera kaapavainnee? Ivo ivakidira nnoori nnoo yapooma vainara mminnaiyauvaa too rikioo tinni. Yoketaivaata varoo varivai. Ngia maisa aataru tuanaavai iikiaavai. Ii ngia iikia ivo hama yoketaivaivee. ⁶ Nnauvaara haitatuura vaidiivo vioo iya yatara kioo tauraa dioo vainnoo ii kua ivaa iya tiravai. ⁷ Itaakua tuduu rikiada inna sai tunoo, mo dataikioo nnoonna vaidiivo itai kua ivaa ti tiinnee? Ivo itaama iinaree kiaa ari mmoori vareera vaidaiiya sa iinna tasipama ivaki iida yeenna, mmiatee.ngieera kuatee. Fai mmoori vareera iyaano itai aataru iyauvaa iikiaa ravai. ⁸ Aa taanee, mota taunnano sikauyauvoo aatii utua sannaa aayau vaki kati vainoo. Motaa Kanaana mmataivakidiri varada ngiuanna sikau yau voo aa vaino, fai taa dataama kiaada nnoonna vaidiivaa sikau goora sirivuai yauva inna nnauvakidiri mmuaraa vararannee? ⁹ Taa titiiki puru buaama teekioo deevoono mmuara varaivo ivoo nnaasu putinai taa mmuakiaya fai mmanna mmoori vareranaya variaaravaivee. ¹⁰ Nnauuvaara haitatuuravoo tunoo: kii itaama ngia kiaaneema innara vakiaivee tiravai. ¹¹ Itaa kuaa tuduu mmuakia yaa ngiari uttuaiyauvaa raikia mmatayaa kiada mmuavai mmmuavai ngiari utuaiyauvaa avaikaama utirava. ¹² Itaama vauduu vaidi nnaura haitaturaivoono iya utuaiyau vaki buairavai. Tauraa tuanaa utuai vaudiri buaamaro vioo vioo mmairannaya taika kioo toodu kaapaivo Piniominaa utuaivaki vairavai. ¹³ Itaama vauduu mmuakiaa vayaa kiaiya ngiari korosai yau vaa rapasi kiada mmua vaidi mmua vaidi ngiari hoonai yauvaa ngiari tooyai yau vunu kiada vara ranada yoosinna pinaivaki viravai. ¹⁴ Yutaa vaa taama ari katavayaa mmuakia yaano Yoosipa nnauvaki viravai. Oro toduu homo ivo ivaki varuduu iyaa mmuakiaaya inna yuku oyaivaki tooruvu yau hareeravai. ¹⁵ Yoosipo iya tunoo: Inna aanii mminna vaida ngii ikiannee? Mo ngia hama tuqiinnama ngiiyara yaata utida kiaano itai vaidi iya anna vaivaa teeda yapooma vainarai yauvaatama arinaima teeda rikiaravaivee kianee? ¹⁶ Yutaava inna kuaasai tunoo. Nnoonna vaidio fai taa dee kuavai kiarannee? Fai taa dee kuaavai kava kiaarannee? Mo fai taa dataama hameetavee kiaraannee? Mo vaa Anutuuqo tii buaama kioo tii mminnamminna maisai yau vaa kooyaa ii mmoori vareerai yaa tii vitanoo.Taanee taa inna mmanna mmoori vareera yaavee, nnoonna vaidioo, teetama ii kapaa varai vootama taa mmuakia yaa mmanna immoori vareerana yavee. ¹⁷ Yoosiipo tunoo: Na ngieera variauvai fai na ataama inarava. Mo ngi utuavakidiri nii kaapaivaa iya vara ivoo nnaasu nii mmoori vareeravai fai varinaravai Moo ngi mmuakiaaya kava varaaranada ausa nuufa tasipama ngingi koonnasi kuatee. ¹⁸ Itaa kuaa tuduu Yutaava inna vainima ngioo tunoo. ¹⁹ Nii nnoonna vaidio kii ii mmoori vareerai voovai ii yataivau tinararavee moo saa ii kua ivaa rikinoo ii nnaanna teeraivo ikia rooisima ii mmoori vareeraivaaya ngiaivee. A Faraunna roosi kianna kuaavee. Nnoonna vadioo moo ee aii mmoori vareerai yaa tii yaparainna ataakua kiaannaanoo. Mo ngi koovaatama ngi kaata vaayai yaatama variaanee. ²⁰ Ta tii nnoonna vaiidivaata kua tida kiau nnanoo," Ti napoova vaa giaabai kiavai, ivo ngiaabai kioo nnaagiai tuanaa pata ngiaammuauvai mmata kieeravai. Vaa inna vayaava Putiravai, Pataa ngiammau ivo nnasu ari koonna tasipama varinoo, Varikioo ari koovaa innara pinaama mmuduuya riravai. ²¹ Taa itaakua tuduu ivoo tunoo moo ngia kavaa tummuaaraida innaatama vitaatada tiikiai fai naa inna taanaravai. ²² Aa itakua tuduu nnoonna vaidioo moo taa ii mmoori vareeraiya kiannaano. Moo fia pata ngiaammauvoo hama yoopeema arii koonna pikianaravai. Ivoo arii koonna pikio vinoo fai koova kati putinaravaivee. ²³ Mo vaa ii mmoori vareeraiya tauraa ti tunoo . Ngia hama ngiingii kata kiisaivaata vitadaa tiiraida ngiengie nnaasu tiida fai hama ngia kava nii avuuvaki taaravaivee . ²⁴ Itakua aa tuduu taa oro ii mmoori vareeraivaa vaa tii napoonna ii kuaaivaa kiaa mmiravai. ²⁵ Taa itaakua kiaa nnaduu tiinnapoova tii tunoo, kuatee oro tiini yeennai yauuvaa vaaratee. ²⁶ Tuduu rikiaada tunoo: Fai hama taa kuaaravaivee. Moo fai ngiiaammau pata ivootama vinai fai taa tete nnaasu vida hama yopeema ii nnoonna vaidi ivaa avuuvau kuaaravai. ²⁷ Itaa kua tuduu, ii mmoori vareeraivo ni napoova ataakua titioo tunoo. Ngia teeda rikiaavai, ni nnaataivo taara mmaapuvaitana nnaasu mmataivai. ²⁸ Vaa vuaivo ari ipi vioo raubiriikiai hama na inna tee rikiaunoo. "Aanna na kua kutaivaudiri kiaunoo, vaa fainni mmararaiyaano inna nnabaivaa rannapasisiima raubiriima kieeravai." Itaama iima kiaivaudiri aanna hama na inna kava taunoo. ²⁹ Mo fai ngia aa ni maapu mmaira aavaa niisidiri vitada vikiai nnammutuaiya inna ruputikiai,inna fai ngia kati nivarada mmata nnauvaki ni hakuaravaivee. ³⁰ Itaama vainai na i mmoori vareeraiva, ni napoonnasi viee rikino ivo fai dee kuavai tinaravai. Ii ngiaammuau kiisa ivo hama ti tasipama varivai. Inna variraivo ari koonna tasipama nnaasu varivai. ³¹ Mo fai koova teeno hama ii ngiaammuau kisa ivo ti tasipama vino, fai ivo kati putinaravai. Na i mmoori vareeraivo fai ti napoonna eekara rai ngiaabaivaaa ausa mmuaara reeraivaa tasipa varee mmataivaki hanu hainaravaivee. ³² Mo vaa ta i mmori vareeraiya aa ngiaammau kiisa aavaara ti napoonnata kua yeena raida kiaunnanoo . hama na i mmaapuuva kava vitee aisi ngiee ,inna ii tomeda ivo fai niiyaa tupatupaa vainaravaivee. ³³ Kinai na immori vareeraivo ii kiisa ngiaammuau ivaa mmata varee mmanna i mmoori vareera ngiaammuauvai varinai ii kiisa ngiammuau ivaa titano ari vayaakiaiya tasipama kava vararanoo kuaivee. ³⁴ Mo fai ivo aapi varinai fai na dataama kiee ni napoonnasi kuanarannee? Maisai aataruvo ni napoonnasi vaivoora na aatuu kiaunoo.