¹ Yakoopo rikiaikioo yeennaiyauvoo Iyiipa vaikioo ari mmaapuya tunoo ngiaa anira ngi ngiiteda vaida variaanne. ² Taane na rikiaukai kiaano yeennaiyauvo o Iyiipa vaino kiaavai. Oto yookaama varada nnikiai taa nneda fai hama putuaravai. ³ Yosiipa kata vayaiya yakuvaitana Iyiipa yeenna yookakiaara viravai. ⁴ Piniaamino Yosiipa kata tuaanaiva koova Yakoopa hama titaikioo arii vaayakiaiya tasipama kuaivai. Koova yaata utuoo tunoo iinno aataru tammayaadiri mmuara vara nnarainnoo kiaa hama titaivai. ⁵ Pinaama yeennarairaivo Kenana yoosinnaivaki vaikiai, Isaraira nnakaraiya gioonna kiaapuuya vuuvakina yeenna yooka kiaara viravai. ⁶ Iyoosinna ivaaki yoosiipo pinaa vaidivai varioo ,ivoono iiyoosinna ivaara haitatura vaidiivai. Kioo ivoonoo gioonna kiaapuuya tikiai yeenna yooka kiavai.Inna katavayaiya oto innara toorivuyau harada kieeta nnusuukuavai. ⁷ Yoosiipo ari kata vayaiya rapisiima iya taivai ivo iyaa toonnaata ivoo yaaguee ama iya tunoo, ngia aaya deepidiri ngiannee iya kiaano takenanaya yeenna yookakiara giaunnanoo. ⁸ Yoosiipo arinaima ari kata vayaiya toorikiaikiai iyaano hama rapisima inna teeda rikiaavai. ⁹ Yoosiipo kava ari ruvuataivaara rikioo iyaa tunoo, ngia yoosinnaiva teeda rikiaakiada ngiaavai. Ngiaa teekioo voovaki hama rapiira vaidiiya diainara taarada ngiavai. ¹⁰ Tii yokeera vaidioqo hama taa tuanavee. Taa immoori vareeranayavee . Taa yeenna yookakiaara ngiaunnanoo. ¹¹ Taa kuaakuta tirana vaidiiya. Hama ta iivaidiyavee. ¹² Hameetavee ngiaa ngiaavo rapiravaidiya diai yauvaki taara ngiaa ngiavai. ¹³ Iya kiaano ta aanna immoori vareeranayavee. Taa mmuaavaidiivai nnakarayavee. Tayaakuvaitana yukukidiri taravaitana, voovai hameetaivai. Tikataivo ari konna tasipama nnauki harakioo varnoo. ¹⁴ Yoosiipo itya tunoo, va na ngii giaa ngimmiauno katingiaa yoosinnaiva taara ngiaavai. ¹⁵ Na ngiikiauno, Fauraunna avuu vau nnaata inna yaagueeaiva tasipama na ngi kiauuno, fai hama ngiaa yoosiinna aava pikiiaada kuaaravai. Fai ngiaa varikioo ngii kata kiisaivo nninaravai. ¹⁶ Fai ngiaa mmuaakiaya oovi nnauvaki varikioo ngiikidiri voovoono oro ngii kata kiisaiva vitoo nninai fai ta ngiiyara kiaara inna kuta tiranayavee kiaaravai. ¹⁷ Ivoo mmuaakiaaya oovi nnau aakiaivaki yaapa kiooduu taaravooma suai ivaki variravai. ¹⁸ Taaravooma suai vauu Yoosiipo iyaa tunoo, fai ngiaa aatama iidaa variraiva varaaravai. Neeta Anutuuqara aatuu kiaunoo. ¹⁹ Itaama vainai fai ngii voovai oovi nnau aavaki pikiaada yeennai yauuva varada ngiingii nnaukii kuatee, aanna pinaama yeennaraira suaivaki variaunnano. ²⁰ Ngii kata kiisauiva oro vitaada niisi ngiaate. Itaama iikioo fai nikuaivoo kutaa kuaavai vainai fai hama ngii rupuutuaaravai. Itaama vauduu iyaa ivoo tuneema iiraavai. ²¹ Ngiaarita ngiaarita kuaatida tunoo, titii tomeeda vainnoo aa muaara aavoo tiiyaa vainoo. Ti kata vayaivoo pinama raato tunoo, ni pikiaatee tuduu nnaata hama ta inna kuaiva rikieeravai. ²² Tuduu Rebaano iyaa kuaiva sai tunoo, va na ngiuuno, kiisa ngiaammau aava sa maisa mmoori iikiaatee. Kiaadu ngioo hama nikuaiva rikeeravai. Anna inna kiauvoo mmuaara aava varoo tiiya nniino. ²³ Iya hama Yoosiipa arinaima teeda rikiavoo Yoosiipo iyaa kiaa kuaiva kuaa mmuakiaavai too rikieeravai. ²⁴ Rikoo ivoo mmooka hanigia iyaa mmikioo rateeravai. Rata taika kioo hanigioo iyaata kuaatioo rikioo Simuna utuoo iyaa avuuvau oovi nnauvaki yaapeeravai. ²⁵ Yoosiipo ari mmoori vareera vadiiya titooduu yeenai yauuva ari kata vayaiya utuaasai yauvaki riraavai. Aataruvau vira atauvaudiri teeda rikiaada mmuaakia mminnaiyauva ruaavai mmoorivareera vadiiya mmuaakiaa mminnaiyauva iiravai. ²⁶ Vayaakiayaa ngiaari yeenna utauiyauva puaara togii yaaya yapaakiaada ii yoosiinna iva pikiaada viravai. ²⁷ Iyaa voovoono aataru tammaaya vairannau vaki vakiaareekia arii puaara togiiva yeenna mminee kiaa ari utaivaki toodu sikau yeenna yookauyauvo utua sanaivaki vairavai. ²⁸ Vauduu too ari saiya vara vitainnoo tunoo, taatee ninii sikau yeenna yooka kiauvo ni utuaivaki vainoo, tuduu rikiaada saiyaa pinaama yaata utida iyaa ausaiyauvoo mmuaara rooduu pinama yaata utida tunoo, Anutuuqo daataama tii ii nnee. ²⁹ Iyaa nnidada yoosinna Kenaana giaari koonna Yaakoopa sii numa mmuaakia mminnaiyauvara kiaa kookieeravai. Kiaammida tunoo," ³⁰ Ii vadii ivoo nnoonna vaidivai ii yoosinna ivaa haitatuvai. Ivoo yaaguee qama tiita kuatioo tunoo, ngia iida aa yoosinna aavaki purida buaama taaraida ngiaannee. ³¹ Tuduu ta inna sai tunoo, ta hama aanna ii vadii iyavee, ta kuaakuta tiranayavee, hama ta puru buaama taaraivara ngiau nnano. Ta yaakuuvaitana yukuukidiri taarama vaidida varyiaunnavai. ³² Ti gata kisaivoo arii koonna tasipama yoosinna Kenaana varinoo. ³³ Fai na arinaima ngii tee rikiaanaraivoo ngii ngii voovai pikiakioo ni tasipama varinai ngiaa saiyaa yeennaiyauva varada kava ngiingii yoosinna kuaatee. Anna pinama yeennaaraira suaivakivee. ³⁴ Ngingi gataa kiisaiva vitaada nisii ngiaatee. Nnikiai fai na tee ngiiyara tinara safuu vaidiyavee kiaakiee fai ngii kata vayaiva pikiano ngiisii vinai vitaada kuaaravai. ³⁵ Mmuakiaya ngiari utaiyauvaki tooduu sikau yauuvoo iyauvaki vauduu teeda pinama nnikiaaraida aatuuravai. ³⁶ Yaakoopo ari nnakaaraiya tunoo, ngiaa kiaa kuaa aayauvoo pinaamakioo ni mmuaraaraino. Kiaakioo, Yaakoopo arii mmaapuuda tunoo, ngiaa kiaa kuaa aavoo pinaamakioo nii mmuararaino, va Yoosiipo hameetakioo Simuunoo hameetaikioo aanna ngiaa Bpniaaminnonna vitaada kuaara kiaano. Hama ni ausa tinnivo yookeetaino. ³⁷ Tuduu rikioo Rubeeno arii koonna kuaasai tunoo, a teenai hama na kava Piniaaminanna vitee nninai ni mmaapuvatana ruputinai putuaatee. "Itaama vainai aanna maakee Piniaamina ni yaaku aavau yaapakinai fai na vitee kuauvo vitee kava nninaravai. "Tuduu rikioo ³⁸ Yaakoopo inna sai tunoo, fai hama nimmaapuvoo ngii tasiipama kuaanaravai. Va inna vaayava putiravai. Ivoo mmuaavai nnaasu varivai, ngiaa inna vitaada vikioo aataru yaadiri mmuaara voovai varaanai fai na aakiairaama ngiaabai kiee putueea usa mmuaarareeraiva tasipama oro putuaiya tasiipama varinaravai.