¹ 1Mmuakia mminnai yauvoo taika kioodu nnaagiai vuaina tusaa kieeta vaidiiva mmirai voo tama yeenna hudeera nnau vaa haitatuurai vootama ngiari hatatuu raiva tomeda iiravai. Inna Iyiipaiya kieetai vovee. ² Farauva arii mmoori vai tanaara nnanna teeravai. Vuaina tusaa mmiraivoo taama yeenna manai vaara haitatu rai vaaraatama itaama iravai. ³ Oovi nnau vara haitatuuraiya kieetai vaa nnau vaki ivaitana yaperavai. Yoosiipo varuu vaki ivaitana tama yapa kieeravai. ⁴ Nnau vaara haitaturaiya kieetaivo Yoosiipa ivaitana mmoori vareeraiva yapaakieeravai. Vo suai vooyauvai oovi nnau ivaki variravai. ⁵ Ivaki varida mmuaakiaya ruvuuatai yauva teeravai. Vuainara haitaa tuurai voo tama yeennaara haitaturai vootama oovi nnau vakii variravai. Ivaitana mmua heenavaki ruvuuata teeravai, ii ruvuaata ivaitana mmara oyai yauuvo vairavai. ⁶ Yoosiipo diito heenana nna tuana numa ivaitana teeravai. Tooduu ivaitana pinaama ausa mmuarareera tasipama variravai. ⁷ Ivo Faraunna mmori vareeraiva oovi nnau vaki iya tasipama varuuva yaparai ravai, yaparainnoo ataakua tunoo, aani vaara ngia boo tira virinniki yauvai tasipama tasipama vayiannee? ⁸ Tudu iya tunoo, taa ruvuata vaitana taunnavai hama tii ruvuataiva tikiaa timmirana vaidi vovoota varinoo. Tuduu Yoosiipo ivaitana tunoo," Ruvuaatai yauvaa oyai yauva kiaa kookieerai voo hama Anutuuqa nivai nnee? Makee ni kiaa nimmiaatee tiravai. ⁹ Tuduu vuainara haitatuuraivo arii ruvuaataiva Yoosiipa kiaammiravai. Ivo inna tunoo, naani ruvuaataiva vainnee toodu vuainaivo nii avuu vairavai. ¹⁰ Naa yeena vuainai vaki toodu taara vooma hammaraida vairavai. Ivakidirii siriivo uruuo ngioo vuduu pairaivo vainno iraivo hirioo apuuravai. ¹¹ Naa tooduu kieeta vaidii Faraunna nnoori nneerana toorivoo nii yaakuuvaki vainoo. Vauduu naa vuainaiva varakiee kagiiga kiaikoo Faraunna nnoorit tooriivaki vuduu naa Faraunna mmiravai. ¹² Yoosiipo inna kiaammio tunoo, inna aanna iruvuaataiva oyaivovee , taaravooma vuaina yaakuudo taaravooma ikiaannada mmatairavai. ¹³ Taaravooma ikiaannada mmatada aakiaivaki fai Farauva iviitaakioo aii mmooriivaki kava iyapaanaravai. Fai nnaaru ee vuaina inna mmuneema itaama inaravai. ¹⁴ Itaama vainai suai aa yookeetaama vayiee niyaraa yaata utuaanee, boo yokeeta aataruva nivitaa kiaanee. ¹⁵ Faraunna niiyiara kuaiva kiaa mmikiee oovi nnau vakidiri niita vara mmaanai kiaanee. Kuakuta iyaa Faraimo mmatai vakidirii nii utiravai. Hama na mminna voovai ikiau vaara katii oovi nnau vaki niyapeeravai. ¹⁶ Suai yeenna hudeera vaidivo tooduu ruvuaataivo yokeetaudu ivoo Toosiipa yunoo. Neeta voo ruvuaata voovai tooduu nataaravooma yeenna utuada nini kieetaivau apuuvaree viravai. ¹⁷ Tauura utaivaki Faraunna yeenna yokeetai yauvoo vairavai. Vauduu ngiaammauya nikieetai vauudiri mmuaakia yeennada nnaa taika kieeravai. ¹⁸ Tuduu rikioo Yoosiipo inna kuaiva sai tunoo, ii ruvuaataiva oyaivoo ataama vainoo. ¹⁹ Taaravooma utuua ido innaa taaravooma ikiaannadavee tiravai. Taaravooma ikianna taika kino fai Farauva yatari sagaivau i haara kiaanaravai. Haarakiai fai ngiaammaiya numa ii nnabaiva nnaaravai. ²⁰ Ii taaravooma ikiaanna ivoo inna Faraunna kaano inna mmato suaivovee. Fai ii ikianna ivau ivo arii mmoori vareeraiyani pina yeenna buusa hudaanaravai. ²¹ Vuainara haitatuura vaidiya ari mmooorivaki yapaa kiooduu mmooriva kava vareeravai. ²² Yeenna hudeera vaidiva yatari sagaivau haara kieeravai. Yoosiipo tuneema itaama iraavai. ²³ Vuaina tusa mmiraiva Yoosiipo tuneema iraavai.