¹ Aparahaamo 99 nuanu variravai, varudu Anutuuqo Aparahaama sii ngioo ataakua inn tuno, naa mmuakia yaagueeqa suvairana Anutuuqo vee. Mmuakia suai nii tasipama vayee safuu aataru vauu nookiane tiravai. ² Itaama vainai fai naa ninii kuayeena raukiova vatee fai naa iinai kaayau gionna kiaapuuya vayiarave tiravai. ³ Aparahaamo tooruvu yauu haroo vioo varoo arii tinniiva mmataivau yapakioo vauduu Anutuuqo inna tunoo, ⁴ "Niikinaadiri fai nii kuayeena rairaivoo itasipama vainaravaivee tiiravai. Fai ee kaayau gionna kiaapuya gioova varinaravai." ⁵ Fai ii nnutuuva hama kav Aparaamo kiaravai. Ivaara neeno ii mmataama kiaukai fai ee kaayau gioonna kiaapuya gioova varinaravai, fai naa iinai ngia kaayauya vayiaravai, fai naa iikinadirii kaayau gioonna kiaapuya kinaii vayaaravai. ⁶ Varikiai fai iikinadiri pinaa kieeta vaidi yaatama vayiaravaive tiravai. ⁷ Fai na nii kuayeena raukio vaa iitaama ii uru nnakarai yaata iyaa nnakarai yaatama tii tammaa tupatupa vainaravai. ⁸ Aa mmata makee vayaunna aava fai na ii urunnakara nnagiai vayaraiya mminaravai, fai aa Kenaana mmata aavo iya mmatavai nnaasu tupatupa vainaravai. Vainai fai neeno iyaa Anutuuqo varinaravai. ⁹ Kia kioo Anutuuqo Aparahaama tunoo," nii kua yeena raukiova puaisakama utuanee, eetama ii urunnaakarai yaata iyaa nnagiai vayaraiyaatama fai ivaki vayaaravai. ¹⁰ Inna nii kuayeena raukio voove, ivaa puaisakama utuanee, fai tii vuutaki vainai fai nnaagiai vayaa raiyara tama vainaravai. Ivaara muakia vaidiiya ngiari nnambai yauva hatokaate tiravai. ¹¹ Ai nnambaaiva hatoka kinoo fai ivoo itaama vo atau kua yeena raukio voovai mmuakiaya tii yara vainaravai. ¹² Mmuakia nnaakara ngiammauya ngiarii kaanokiaiya mmata kioodu yaaku saiivai saiinaidiri taaravooma suai taikakiodu iyaa nnabaiyauva hatokeravai. Fai ii atau ivoo ii uruu nnaakarai yakii vainno arii voopinna vaidi yokama kioo duu mmori varoo iyaakiatama vainaravai. ¹³ Muakia vaidii ii oyai vakidiri diitai yaatama sikau nnadiri yookama kioo yaatama nnaasuu ngiari nnambai yauuva hatokeravai. ¹⁴ Dee vaidii voovono hama arii nnambaiva hatokaivo fai hama nii oyaii vaki varinaravai. Itaama iinno inna ivoo nii kua mmaannaiva hatokanaravai. ¹⁵ Anutuuqo Aparahaama tuno. Itaama vainai hama fai kava Saraivavee tinaravai, fai inna nutu vaa Saraa vavee tinaravai. Fai na inna yaa nii yoketai rai vaa rummua apino rikio fai ivo ngiammau voovai mmatanaravai. ¹⁶ Fai na nii yoketai rai va inna yaa yapa kino ivoo kaayau gionna kiaapuuya ngii kaano varinaravai. Ii oyai ivakidiri vaidii kietai yaatama diitaaravai. ¹⁷ Itaa kua tuduu Aparahaamo tooruvu yau haroo mmataya arii tiniiva ausaivaki innara raiiravai, rainno tunoo, fai aikiooma vaidi voovai 100 nuanu taikaivo nnaakra mmatanaranne?" ¹⁸ Aparahaamo Anutuuqa tuno, na yaata utuauko fai Isaamairo noo aa kiannaneema varinaravai. ¹⁹ Tuduu Anutuuqo inna sai tunoo, " Hameetave, fai ii nnataivo Sarava fai ngiammau voovai mmataanaravai,' mmata kinai inna nnutuuva Isakovee kianee. Fai naa nii kuayeena raukiova tasipama imaakino fai inna yaa vai noo inna uru nnakarai yaatama iyaa sidinaidiya tasipama vianaravai. ²⁰ Ivaara Isamaira kiaakio kuaiva vaa rikieravai. kuaa kutaa tuana naa nii yamairaiva inna mmiaunoo.Fai naa iino ivoo pinaavai kuanaravai. Fai ivoo yaaku vaitana yukukidiri taarama oyai vaidiya gioova varinaravai. Fai naa iyaa inai yaagueeqa gioonna kiaapuya vayaaravai. ²¹ Itaama vainai fai naa nii kuaa yeena raukioova Isaaka tasipama yaagueeqama kinoo vainaravai. Aa naa iitaakua kiau mmuai suai aava vuai nuanu vaa mmokai suai vauu fai Sarava ngiammau vai mmatanaravai. ²² Anutuuqo innaata kuaiva kiaa taikakiodu Anutuuqo Aparahaama pikio ngiauaapu viravai. ²³ Yaapooma Aparahaamo Isaamaira ari mmaapuva tama sai arii oyai vakinnaa vaidi yaatama sikau nnaadiri yookaama kioo vitoo yaatama mmuakiaa vaidi Aparahaama oyai vaa mmemmana varuu vadi yaatama Anutuuqo tuu suai vauu iyaa nnambai yauva hatokeeravai. ²⁴ Aparahaamo ( 99) nuanu vayoo arii nnabaiva hatokeeravai. ²⁵ Aparahaama mmaapu voo Isaamairo 13 nuanu vayoo arii nnammbai vaa hatokeeravai. ²⁶ Ii mmuai aatau ivauu giaatama Aparahaamo arii mmaapuva vaa Isaamaira nnaabai vaa hatokeeravai. ²⁷ Hatokoodu mmuakia inna oyai ivakinna vadii yaatama ngiarii nnabai yauva hatokeeravai. Ivoo arii oyai ivakinna vaidii yaatama arii voopinnai yasidiri siikau nnadiri kioo yookau yaatama itaama iraavai.