¹ Aii gataiva Aroonaatama inna mmaapuudo,Nadaapo,Abiuuva, Irisaava Itamaavaina tinai nnikiai fai na iya mmataiinai iyaano niiyara kati puara hudeeranaya Isarairiaaya aakiaivakivariaaravai. ² Aroonaani koroosa voovai iikiane, aii gataivaani iimakino fai ivoono Isarairaaya vuutaivaki arivo fafaaravai varinaravai. ³ Fai ii koroosa ivoono nnutu pinaiva nimioo iino rikioo yoketaa tuanaavai vainaravai. Yoketaa gioonna kiaapuuya ausaiyauvo yoketaiya iyaatama nnaasu kuakiate, vaana iya ausaiyauvaki mmannasa yoketaa yaata tinni vareeraiva yapakiauvai. Itaama vanai fai iya Aroona koroosaiva funnukiada mmmaraama sainai yapakikioo fai ivo niiyara kati puaraa hudeera mmooriva iinaravai. ⁴ Ii koroosa iyauvo nniriya yapeera okoova roosiima iikiate, hokoba buruqa iyauva fai kieetaya rivarivau kiaaravai. Ii koroosa iyauva iima kiada ni sainainnigiata yapaate. Ii koroosa iyauvo inna i gataivo Aroonotama inna mmaapuuya uyida fai kati puara hudeera mmooriiva niiyara iikiaaravai. ⁵ Koroosa funnira vaidi tinniruaiya yeena pataivau sikau gooraivo vaivaadiri buruqaiva funnukiaiva funnukaivo haboonna kuaikioo marakamina kuaikioo kokeekuaivai. ⁶ Koroosa funnniraiya buruuqa hokoobaiva yeena pataivau gooraivo vaivaadiri funnukiaiva funnukaivo haboonna kuaikioo, marakamina kuaikioo,kokeekuaivaadiri funnukiaivaadiri ngiari nnuunaiyauvaki rivarivauma kiaaravai. ⁷ Arinaima toorikiai vaidivoono safuuma ii mmoori ivaa iikiaive. ⁸ Koroosaiyauva yaapusai saivaudiri taara buruqavaitana funnukikioo vararungiau tukioo vainaravai. ⁹ Iya iva iikiaivo yoketainno kooke buruqa nnuunaki rutakiraiva roosiivai, iya buruqa voovai funnida, ivaa mmaraa nnunaki rutakiraivaatama funnuate. ¹⁰ Yaaku saivai sainaidiri mmuaavai iya nnutuuda mmuaa sikauvau fafaarainna vuai sikauvau mmuaikaraama yaaku saivai sainaidiri mmuaavai iya nnutuuda fafaara kiane, iya nnutuuda ngiari kaano mmatoo atauvau giataama mmatoo suaiyauvaatama fafaara reeravai. ¹¹ Mmoori vareera vaidiivo sikauva hatokakioo nnutuuda fafaarareeravai, ivo inna atauvai vairavai, Kava oro sikau taarama varee numakiee ivau Isaraiira mmaapu yaakuvaitana yukukidiri taarama nnutuuda fafaarakiane. Oro sikauyauva habatiare numa gooraiva tasipama iikiane. ¹² Sikau taaravaitana habatiare kati puara hudeera vaidiiva koroosa yaapusai saivau saivau yapaane, ivoono, Aagini Anutuuqa vitainno tinara inna Isaraiira mmaapuuyave tinaravai. Aaroono fai ii sikau ivaitana ari yaapusai vaitanau apu varoo Isaraiira mmaapuuda nnutuuda varoo Aagini Anutuuqa avuvau vino rikioo fai Anutuuqo ivaa too iyara yaata utinaravai. ¹³ Yoketaama gooraivaadiri ivaa iima kiaane. ¹⁴ Taaravaitanaatama kava gooraiva tasipama hanigiano hanigioo yeenavai vainai ratapu kiada atauvau yapaate.