¹ Fai vaidi vovoono ari seenaiya puara burimakauyauvaanne,sipisiipaiyauva mmuara varaanara ruputinne,varoo irisai yooka varaanaraivaara mmiivo, fai irisaiva mmua burimakau varaivaara yaaku saivai burimakau kio mmua sipisiipa varaivaara taarama taarama kio nakaaraiva mminaravai. ² Fai iya teekio mmuara vareera vaidivo hanikiaiva havaratoo aakiaivaki nninai inna ruputikio putinaravai. Fai suai kooya ruputino putiiva kuaivo ruputi vaidiiva utinaravai. ³ Mmuara varai vaidivo ari mmuaraiva safuuma irisai yookakiaive. Ivo teeno hama ari mmuaraiva irisai mmira mminnaivotaino ari utuoo ari mmuaraiva irisai mmiaive. ⁴ Fai mmuara vaidiivo hama burimakau vaanne dokivaanne sipisiipaiva ruputirainno kati vito oro kiano,nakaaraivo oro ivaa varano, fai mmuara vaidiivo iva irisai taaraneetu ivau reemikioo ari mmuaraivaara nakaaraiva mminaravai. ⁵ Fai vaidi vovoono ari puaraiva pikiano sabi nuainno varioo voovai mmoorivaki nuainno yeennaiyauva nneeno rikioo,mmoori nakaaraivo yaagueeqa yanaiva ari mmoorivaaratama ari yeenna yoketai yauvaaratama varaive. ⁶ Ikiaiva sabi subi kiakioo taararoo vaidi voovai yeenna mmooriva too, yeennai yauvaatama nnaanara teerama kiaiyauvaatama teeno rikioo, fai ikia subi vaidiivo mmoorivaaratama mmuakiaa yeenna ivaki uriiyauvaaratama mmoori koonna yookainaravai. ⁷ Vaidi vovoono ari seenaiva kati yoketaama haitatu kianeera sikauvaanne vomminna voovai mmino rikioo ivo haitatuuva, mmuara vareera vadiivo inna nnauvakidiri iva mmuara varoo vinai,inna teekioo rikioo,fai ivo ari mmuaraivaaratama taaraneetu ivau reemikioo yookainaravai. ⁸ Itaama vainai fai hama mmuara vadiiva buaama teekioo,fai nnau nakaaraivo kieetaiya avuuvau kua pinaivaki dioovainno ari kuaiva tinai kieetaiya rikiakioo ivoono varainne hama ivoono varainne. ⁹ Itaama vai aataru iyauvaara fai pinaama suru buaaru kiaaravai, iyauvo inna puara fainniyanne hoona uyuraiira mminnaiyauvootama hama vaimminnaa vooyauvaraatama tiivai. Inna iyauvo niiniyauvaive, taara vaidi ivaitana nnaasu kua radudeera suaivau fai kieetaiyasi ngiaaravai. Kieeta vovoono inna tomedaiva puruoo teeno rikioo fai ivo taaraneetu reemikioo ari tomedaivaara ari seenaiva mminaravai. ¹⁰ Vaidi vovoono ari seenaiva kati haitatukianeera puara voovainne o vo mminnaa voovai mmino inna haitaturaivakidiri ivo putinne o vioo raubiriinai, fai iva taaravaitana varada mmaanai hataumakina vikiai hama fai iva mmuakiaaya taaravai. ¹¹ Itaama vaino fai vaidi vovoono Aagini Anutuuqa tasipama kua yeena raukiaivoono fai aikiooma taarama vita nuunama kioo, mminna raubiri vadiiva mminna mminna saiyauvunu ari yaakuuva rummua apinaravai. Fai mminna nakaaraivo ivaara yohootino vuaivo hama yopeema ii mminna iyauvaara kua voovai tinaravai. ¹² Fai mmuara vaidiiya varaivaara haitatuu vadiivo mminna nakaaraivaatama kuatinaravai. ¹³ Fai ii fayai ivaa hatoka ramisi patapatama kikioo vaidi vovoono iva varoo numa vitainai teeda kutaavaive kiaaravai. Ivaara fai haitatu vaidivo hama ivaara yookainaravai. ¹⁴ Vaidi vovoono ari seenaivaasidiri fayai vooyauvai yapooma yookainarave kiaakioo vitoo oro kiano ivo vioo raubiriinne o putino rikioo, hama mminna nakaaraivo iva too rikiano, ari voovono mminna nakaaraiva kiaammino rikioo haitatuuvo numa ivaara mminna nakaaraivaata boo kiaive. ¹⁵ Mminna nakaaraivo varino, hama yopeema ari vovoono iva yookainaravai, iya utida varaivaara yooka kiaaravai. ¹⁶ Fai vaidi vovoono kiaatanna karaasa voovai yaagueeqama kioo karaanara iino rikioo, ii kiaatanna ivo hama vaati varaivai iino rikioo vaa vaidi ivo inna karaivai iino rikioo,fai ii vaidi ivo inna yookaino inna nnaatavai varinaravai. ¹⁷ Fai kiaatannaiva koova hama mmua ausa varoo kiaatannaiva pikiano vaidiiva tasipama varino rikioo, fai kiaatannaiva koova mmuai atau ivau giataama kiaatanna voovai hama vaidi voovai tasipaiva sikaunnaaadiri yookaama kioo vaidiiva mminaravai. ¹⁸ Sa pikikiai saaka pieera vaidiiya ngitasipama variate. ¹⁹ Ngiikidiri vovoono sabi heera aataruuva fayaiiya tasipama iiva ruputikiai putuate. ²⁰ Vaidi vovoono unnakua anutuuvaara kati puara hudeera aataruuva iinai rikiada,ivaa tuayannarida koonnama iikiate. ²¹ Arivoopinna vaidi voovai ngiisi nninai sa innara isareera hauyira kuaiva kiane, mo datainne, mo eetama yoosinna Iyiipa iva mmaanaidia kuave. ²² Sa muaadaiyaatama viinaiyaatama koonnama iikiate. ²³ Fai ngia iya koonnama iikiai iya niiyara aayanna reekiai fai na akiairaama iya aayannaiyauva rikiaanaravai. ²⁴ Fai ni ausa nnannateeraivo ikiaiva roosinai fai na paipa avaikarai vaadiri ngi ruputinai, fai ngii nnaataiya muaadaya varikiai ngi nnaakaraiya viinaya variaaravai. ²⁵ Fai a mmanna haipuuyani sikauuva gioonna kiaapuuya mmie, sa kati sikau mmiranakua variee oro voovaatama vararu irisaiva reemikioo immiaive raivaara yaparakiane. ²⁶ Itaama vaino, fai vaidi voono irisai ngimminara ngiisinnaidiri mminna voovai varanai, ai korosaiva atau kieema inna mmino rikioo fai ivo varai mminnaiva mmuaa suai yapooma suaivo haatapno nakaaraiva mmiaive.Mo ivo dataama vainne, mo inna ivo mmua koroosavai ari nnabaivau uyiiva reebu mmiivai. ²⁷ Fai ivo deeva hennaino apukioo vainara nne? Suai ivo niiyara aayanna reenai, fai na inna rikiaanaravai.mo aaniivaaranne, niiki innara bootira pinaivo vaino. ²⁸ Sa niyaadiri isareera hauyira kuaiva kiane.Anutuqaanne, o kua maisaiva gioonnaiya taurakieema vioo haitatu vaidiiva kiane, ngaruuva kiti mmira aataruuva mmiane, ²⁹ Sa ai mmoori kinna yeenna vuitaivaanne vuainaiyauva kati mminara teerama kiaannaiyauva kava ee varaane, ai mmaapu ngaruuva kati mmira aataruuva kati mmiane. ³⁰ Itaama iikiannaneema nnaasu ai puara fayaiyauva tama iikiate. yaakusaivai sainaidiri taara suai nnaasu ngiari kaana tasipama varida yaaku saivai sainaidiri taaravooma suaivau vara nimiane. ³¹ Itaama iikiannai kua vaa na immataama kiaukuave. Itaama vainai sa mmaguyakinna fayaiyauva nneerainna fainniya mmiane.