¹ . Sisasira osara mwataamama variso. Ebarahaamuvavaqa Devitivavaqa mwitana mwira saivaqasatana variara. ² . Ebarahaamuva Aisaakira qova varisaro Aisaakiva Saikopura qova qova varisaro Saikopuva Suntaaravaqa mwira qata vasaanravu qova varisaro ³ . Suntaava Peresisa Seraasa qova varisaro mwitana nrova Tamariva varira. Peresiva Hesironira qova varisaro Hesironiva Ramira qova varisaro ⁴ . Ramiva Aminantaapira qova varisaro Aminantapiva Nasonira qova varisaro Nasoniva Saramonira qova varisaro ⁵ . Saramoniva Boasira qova varira. Boasira mwira nrova Rehaapiva varira. Boasiva Obetira qova varira. Obetira mwira nrova Rutiva varira. Obetiva Sesira qova varisaro ⁶ . Sesiva Devitira qova varira. Devitiva nroraqama viro vuniaa vuniaa vaintivano varira. Devitiva Soromonira qova varira. Soromonira nrova tauraaqama sero Uriaara nraatavano varira. ⁷ . Soromoniva Rehobuaminra qova varisaro Rehobuamiva Aisaara qova varisaro Abisaava Asa qova varisaro ⁸ . Asava Sehosapaatira qova varisaro Sehosapaativa Soraamura qova varisaro Soramuva Usiaara qova varisaro ⁹ . Usiaava Sotaamura qova varisaro Sotaamuva Ahaasira qova varisaro Ahaasiva Hesekiaara qova varisaro ¹⁰ . Hesekiaava Manasaara qova varisaro Manasaava Amonira qova varisaro Amoniva Sosaiaara qova varisaro ¹¹ . Sosaiaava Sekonaiaaravaqa mwira qatanravuvaqa qova varira. Mwi enara mwo mwatanaasa esaa Isareri rumpa senta ntitaqinta mwatusa mwo Babironini uro saavaro ¹² . Sekoniaava Siatierira qova varisaro Siatieriva Serubaberira qova varisaro ¹³ . Serubaberiva Abiaatira qova varisaro Abiaativa Eriakimira qova varisaro Eriakimiva Asora qova varisaro ¹⁴ . Asova Sadokira qova varisaro Sadokiva Akimira qova varisaro Akimiva Eriutira qova varisaro ¹⁵ . Eriutiva Eriesaara qova varisaro Eriesaava Mataanira qova varisaro Mataaniva Saikopura qova varisaro ¹⁶ . Saikopuva Sosepira qova varisaro Sosepiva Mariaara mwira vaativano varira. Mariaava Sisasira mwata taira. (Tenravu Sisasirara Karaisirave, Mesaiaave, Gotiva titai vaintirave tunara.) ¹⁷ . Sisasi Karaisira nkuaa osara vasirero Ebarahaamuraqaantairo Devitiraqaa mwira saivaqasa 14 nravu mwi osarasa variara. Devitiraqaantairo Babironini rumpaqinta uro saa enaraqaa mwira saivaqasa 14 nravu mwi osarasa variara. Babironini rumpaqinta uro saaraqaantairo Karaisiava Qovara si enaraqaa mwira saivaqasa 14 nravu mwi osarasa variara. ¹⁸ . Sisasira mwatataa osarava mwataamama vasiro. Mwira nrora Mariaara Sosepira qaqi titaavaro sia mwisaniri nruaisaro Mariaava takuaisaro Gotira mwaraquravano mwira nraaqiara mwisaro mwiva nraaqiara tuaqama vira. ¹⁹ . Mwiva nraaqiara tuaqama viro varisaro mwira vaativano Sosepiva suqe vainti napisi sero nrue vari vaintiva varitarora tiro, mwiva titaro, Ne nraase qora vuqaa Mariaara titaariro sauruasorave. Sai mwira qumpau sena titaariro vuarive, tiro. ²⁰ . Sosepiva mwitaama riero vaitero taira takue varisaro Gotiva titai vaintiva, naavuniaava mwovano qovarama viro titaro, Devitira mwaaquo, Sosepio, sia aatu sitara Mariaara varaane. Gotira mwaraqura mwiva qai mwira nraaqiara mwisaro mwiva nraaqiara tuaqama viso. ²¹ . Ri nraatavano qorainti nraaqiara mwata tairara re mwira utu netarama Sisasirave tiane. Sisasiva nraase qora saaisaqama nitero mwisa maquqa si saiqara uti kuara nrunka mwitero mwisa uvanu saanirara tira, re mwira utu netara Sisasirave tiane, tira. ²² . Ntaaru Gotiva nrai poropeti vainti oqintairo timwa tai kuava quqaa vasiarive tiro, Gotiva titai vaintiva qovarama viro mwitaa tira. Ntaaru Gotira kua qovarama se variva, poropeti vaintivano mwitaama tiro: ²³ . Naantiara sia qoraintivaqama sero nruari nraaseva nraaqiara tuaqama viro nraaqiara mwatataanarove. Mwisa mwirara Imaanuerirave tivarave, tira. Imaanuerira mwi utura osara vasirero mwataamama vasiro: Gotiva tirivaqa varivave, tira. ²⁴ . Sosepiva vaitairaqintairo ntiviro mwiva Gotiva titai vaintiva ti kuara riero mwiva tine siro Mariaara uro varatero varirama. ²⁵ . Mwiva sia Mariaaravaqa nruaisaro Mariaava qaqi variqiro viro uro qorainti nraaqiara mwata taisaro Sosepiva mwira utu netaro, Sisasivave, tira.