¹ Bika uba rumpake tenabu sipi bare Itali ni buare, bika Porura bata hinikia karabusika abuhaina opisara bira autu Julias ra kau'u'i ke. ² Tenabu bo sipi ira taun Adramitium nihai bare, Esia nabisi abatare, minti manta tenabu solwarai otubi. Aristakus ra Tesalonaika bainti Masedonaika biba bata tinabu hampata ani manta. ³ Bo enta tenabu nora tauni Sidonini otubi, mini otubiro Julias ba Porura ko'e ko'e kero kaibo nai ara'o kaha ira hikara oru tabai manta kaho iatera. ⁴ Bira ahi solwara kanta birante bo ailan Saiprus nu'a hantara. Bira nanarae ubaibano kekau imanta tinabuni. ⁵ Tenabu solwarabaura Silisia Pamfilia nu'a hanta bate ani Maira bo nora tauni Lisia. ⁶ Bira ihairo abuhaina opisa ba bo sipi rantakero Aleksandria ba Itali ni bireba. Tinabu kaimanta bira ira barire. ⁷ Bira ahi ako ako sipi bukari utu'i otubi Snaidus aumanto otubi, Tenabu nora mara sipi ira bara'i otubi, ubaibano kekau iro ara tintai manta, minti manta kuke'ara hantara Krit ni, Salmon hini bantarai. ⁸ Tenabu nora mara bara'i tubibi bo batuka Fea Hevens be tiara, biba nora tauni Lasea aumanto baira. ⁹ Tenabu bukai tubibi bauro Juda kara a'iraka nunamu tiaba aitarai manta, tenabu buaina solwara bano notero kia ho'i manta. Mintibo Poruba bo raikira uba batero, ¹⁰ Bainti be, tee tabauro tenabu bire una arara, ora mara bare aiho batama kakakira, kia onana bata sipi aihaube, bainti tenta nabu aiho batabe." ¹¹ Ibo abuhaina opisaba nai eka bikoka kepten bata sipi ora amiro kia Poruba tira mara urai iro. ¹² Bira nanarae sipi bris bano kia ho'iro ubai utinara ira raba'abuaina, minti manta airu sipi kepten tiha, kiama ho raba'abuaina be, a'i bima nora tauni Foniks ni oru bekai iariro ubai tubibuano. Bira boha iri be Krit ni, bira ahiro ma katai kuari urinai tabera aii'a kau'u tanarai kuari bibainai tabena. ¹³ Kau'u tanarai haina ubai bano iha iha aniro kepten irirahika abatairera ma anka bara burubikai ema Krit nu'a abatara. ¹⁴ Ibo hankau barikero, bira tireka katai, kekau kero tinabu ailan abata kero tubiro. ¹⁵ Ubai bano kekau ibo kia ho sipi bano ubai atara kero buaina, tenabu ubai ami kauro sipi bano namai'a baimanta. ¹⁶ Tenabu kuke'ara hantara bo ailan Kauda be tiahanta tubi bii marara abutana tenabu kia ho'ake ampara bout raba'abi. ¹⁷ Ina bout bano orini manta, bira na'unta nohai nora sipi bata rumpake. Bika ete tenabu rif baura Sitis bire ura, minti manta bika anka tutabo solwara ira oti etai manta a'ii namai abu ata bai. ¹⁸ Ubai bano bata a'u bano tinabu bara buruke birike oraha imanta aii'a bira arara onana bara babi namai ira a'e. ¹⁹ 3nabu kuari abu bimanta aii'a sipi ira hiki bara babi solwara'i a'iha. ²⁰ Kuari bano bata opu makau bano kia o'ai ibo 3nabu kuari abu aitarai manta,ubai bano tinabu be'ai manta, mintibo tinabu kempuka iriraika tenta nabu kaho iaina kia baira, boha ara'i sipi a'irake nabu buaina. ²¹ Kia kara narai bukai bariabo,Poruba bika abutana himpiro tiharo, "Bainti be, tere nima tiba nimi Kritini nabu bariare turo, kia nee tii uba iria manta nabu anuna ma, minti manta ma mara bareha kakakera nabu ibauro. ²² Minti manta ma bateta nii irirahika niburo. Bira nanarae kiama tinabu abutana hiro bo bano mara'ura kakaki enabu sipi aima kara nabu. ^{25 26 23} Boenta enta'i Kotira ankerobano te bira'a lututuraba,bira ankero bano ti tata'a himpi bairo. ²⁴