¹ Tere ari kempuka uba Kotira abu abata Ihu Karaitira abu abata tabae bainti utubuaka bata a'ii bariaka bata rairae raba, bira nanarae biba tubinara eka batanaka kinima tubuano. ² Kotira uba tia. Aii'a bira heno ihara ko'e entara ora entara. Boka bara abu abu ihara kekau kera tira bainti bano ora okara tutate. Kekau kera bikaini tihara ko'e uba tiba nimiane. Kiabu batete iate, iha'abi baiha bekai'iha tabaibo bohika kiabu obarirera aii'a Kotira uba tiba nimiate. ³ Bo enta anianoma bainti nahenti kiabuma irirahika uba iriba bika tisai ama birekama ibara nai abutana bira nai antu'a ho'a kareka. Bika oraiha irirekama waheba. ⁴ Bainti nahenti u'a uba iri baria okarara a'irakema una'ara buri ubama iriba. ⁵ Are ko'ekera ma iriane eka hika nena mintiana. Mara bareha bata Nora uba tina kai'ara bara babi ho'a kane. ⁶ Tere kai'a bara biribi kauro ma batukara tutainara obara bibo. ⁷ Tere bii kantara ata kante kubai tara ata bunarabe. Aii'a kekauke mara ura utu taunara watauna. ⁸ Bii abu abu okara wahara biakara bano tima bekai ibo, bira Nora bano abu abu okara ko'ekero raire bairaba airu enta bii entarama timianaro. ma bira kia tintara timiraube, kiabe, biba eka bainti taukae bira antu ariha biba tubuai nara bekai iakama nimianaro. ⁹ Aba akera ko'e okara mintihara teunanai totara orurantera aniane. ¹⁰ Bira nanarae Demasiba haru akeroma tiri tutama kaibo. Biba bo'akeroma batai haina hikara antu ariro minti bo Tesalonaika taunini ma bibo. Kresenisiba Galesia bibo aii'a Taitusiba Dalmasia bibo. ¹¹ Lukuba bohai'a bano tikantiro baibo. Mintira are Makira bata bitakera aniraro biba ko'e abu ato tikantiro kai'a baraina bataibo. ¹² Tikikusira bara kauro Efesesi taunini bibibo. ¹³ Are anireba ihara, tiri saketi bata barane, Troasini Kepasira batake kaunara, sipisipi notahi mintuata bukura bata bare aniane. ¹⁴ Aleksanda ba, brasi notahiro mintahika minti baiba ora okara tirini mintibo. Nora bano ma biraini nanahika no'a amianaro. ¹⁵ Are bata ko'ekera ma raikiane bira nanarae biba kekau keharo tinabu uba a'ini bara a'ibai babe. ¹⁶ Abuni ake ko'ata himpuro, kia bobano tiri batakero himpirabe. Eka bini tintara kara imanta tere bika mara bi'u nimitauro. ¹⁷ Ibaro Nora bano tiri batakero himpiro kekau timi manta tere kekauke uba tiha ho'a kaina bobatana bika kia Israeli batana bika bata iriatera. Nora bano amu'i mara ihairo tiri kaho ira. ¹⁸ Nora bano ma tiri ora okara ihairo bitero nai biba ima bitabarero buanaro bira Kindomu ira kai'a barainara. Eka kempuka bata nora autu bata birai aii bibo batebata eka enta eka enta. Bira u'abe. ¹⁹ Prisiraka Akwiraka batake eka antu Onesiforusira nabu ira bariaka waha nimitauro. ²⁰ Eratasiba Korenini baibo, ibo Trofimusiba aiha barai manta Miletasini ma kauro. ²¹ Nena ara rantakera kiabu antara bano aninantoka totara aniane. Eubulusiba bo'akeroma ariara bata Pudensira bata Linusira bata Klaudiara bata eka atabakaukara. ²² Nora bano ma nii aiho kekauma nimita naro. Kotira ha'uru itara bano bata iha'ara bikoka bano bata nii hampata bariano.