¹ Ira are ma bira tabane, ekara kuari abu ora entama obairianaro. ² Bainti nahenti bo'akema nariara antu'ariba, aii'a monu bata, nai nora autu bareha, kiama borara bata ko'erabe tiba, kiabu ma borara borara ko'e uba tiba, bika Kotira nora autu bararekama ibara. Baainti hika bata kiabu ma nai noka oka uba iribara, ibo bainti nahenti airuma ora okara mintuabo. ³ Bainti nahenti kiabuma borara bata antu ari barabe, aii'a kiabuma borara umpo ama miteba, boka unama tiba nimite baibabe, bika kiabuma ko'e okara antu ari bara. ⁴ Bika bainti boka bara orai ama kerara ima tibaiba, kiabuma bika bora uba iriba, una'ara tiba norai ama buanaro, ekauka baata antu'ara waheha kiabuma Kotira antu ari bara. ⁵ Bika Nora Kotira okara watemata, bii bainti nahentika una'arama Kotira kempukarara tibara. Minti bainti nahentika a'ira tutaka. ⁶ Ibo bainti hinikiaka nabu'i ori ete ora okara mintia nahentika wata bare. Bii nahentika ora irirahika ata pi'abi bira abatakama. ⁷ Bii nahentika eka ora irirahika barakama, mintira kiabuma bika u'a uba bareba. ⁸ Boha ari arara, Janesika Jambresika himpi Mosesirara kiabube tiara. Boha ari arara una'ara tisauka himpi u'a ubara kiabe tiara. Mintia baintika bika kiabu ko'e irirahika bate kiabu mara ura utuaka. ⁹ Mintia bainti nahentika kiabuma niarai bibara. Bika ora okara bano tinabuni o'ai ama buanaro. Boha ariroma bainti mauka bata. ¹⁰ Ibaro aini, bira uba abatane, ko'ekera irirahika raikiane, mara ura utuane, iha abi baiha borara antu aruaba bariaire ari batakero. ¹¹ Tere Atiokuni, bata Aikoniamini bataLisrai bata nabuta kau'u ira a'ubi nora auwahika barau narabe. Ibaro Nora bano tubiro tiri tubu minti marara ihairo bitairabe. ¹² Tau bainti nahenti ba Nora okara ira baireba Ihura ira, ora entama rantenara. ¹³ Orai'iaka bata una'ra tiaka bata ora okara norai amakema mintiba. Hinikia bainti nahenti bata ma numi aimanta mintiba. Bii bainti nahentika nai ora okara ira pi'a buaka. ¹⁴ Ibaro are, abu abu abira nanahika taba tainara ata aii'a kekau kera bira ata mara ura utua. Are nenama tabatera taihairae bira tabanara. ¹⁵ Are nenama tabatera are inara baaintiata baihara mono iara tabatanara. Biba ari bara bainti ko'e abu ato batakai akero Kotiba ari bitaira nena mara ura utuana Ihura ira. ¹⁶ Eka uba Kotira buku ira baira bira nai Kia Rumpitira Aiho Bainti bano kempuka amira. Bii ubaba bainti kaho imanta mara ura utuara, bika ora hika numi ero aii'a bara abu abu akaimanta ko'e bainti nahenti obariara. ¹⁷ Mintiro aima bairo, Kotira kai'a bainti bano kekau kera himpira aii'a heno abira eka ko'e kai'ara.