¹ Ata bakaukabe, bateta aii'ama tara tata nii ara arantuba nimitauro nii irirahika bara uri himpi kari aii'a iriha bihaikarara ibo nii irirahika bano abu abu abiro eka bariaire. ² Tere antu'aruna bira anirante poropeti tibatau ubara iriate naru tinabu Nora bano Ihu Karaitiba nana lo aposolu no'ata nimira. ³ Nora haika nee abuni tabatera bira mintiakero baibo, tauba'a uba tibai kama ekara enta obaribabe aii'a bika nai ora antu'ama abate babe. ⁴ Bika mintua kema tauba'a uba tiba, "Ta entarae Karaitiba tumua narobe? Naru eka hika bano obarira mintia biro aima bairo tinabu na'u tatoka bata uti buabo." ⁵ Bika minti ubara tiha, Bira nanarae, bika kiabu Kotira uba iri antu'ara batarai, biba tubaro tonabu bano obarura aii'a biba tubaro batta bano namai tutero urira a'ini. ⁶ Aii'a biba tubaro nora namari aubiro batta batakero eka hika orai'a kaura. ⁷ Bateta bata boha ara keroma naruba bano bata batta bano bata bekai'iro Kotira boha ari ubara. ⁸ Ara'obe, tere antu aruna nee mintiake ko'eke tabaterabe, Kotiraini boha kuari abu baireba 1,000 ihi bo'ara aii'a 1,000 ihi boha kuari abu bo'ara. ⁹ Bainti hinikiaka mintiakeha iri bariabo, Nora banora iha ihama nai poromisi bataira obarireba kai'a bare baibo. Kiabe. Ibaro niarama iha iha iharo bekai ibaibo. Biba kiabu boru bano kakakiairera. Biba antu'arira ekauka arara tuantara tera ora okara ihai. ¹⁰ Nora banora tubuai nara muara bainti bo'arama barianaro. Tonabu bano norai akero kiraro makero ma ekarama tai'a buano. Iha bano batta bata kero eka hika bainara itama kanaro. ¹¹ Bii okarara eka haika banora orai'a bireba irera. Nee bira nanti bainti nahentikae baiba? Nee taku'ubi Nora okara abatate. ¹² Nee Kotira kuari abu bekai iha kekauke kai'a bareha kuari abu totara bara biri bikate. Bii entara kempuka kuari bano iteharo tonabu bata eka hika ekama ita kairo eka namari ama buanaro. ¹³ Ibaro bira poromisi ira, tenabu araka naruba araka batta bata aii'a abu abu okara bira ira bariainara bekai uro. ¹⁴ Mintiro ata bakauka be, nee bihaikara obariairera bekai iaka, nee kekauke kai'a baraibo nii baata ata kiabu bo karampa bata baira aii'a kia bohikau bata orai'irai Kotira abu ata iha'a bikoka batake buate. ¹⁵ Nora bano niara iha iha iharoma bekai'i baibo. Biba mintira, bira nanarae, bira tinabu bitareba ma. Poluba abu abu akero tinabu ata bakaba arantubatero bii ubara Nora bano abu ato amira nohairo. ¹⁶ Poluba arantuba taira, biba bihaikarara tiba taira. Bira u'ama baibo, hiniki ubara bira kia ho tenabu tabaunara. Minti mantama bainti kiabu Kotira uba ko'eke tabaka bata bainti bika mara ura utuara kia kekau ika bika uba bira tiha hampi iabo. Bika Kotira kai'a bobata bareha hampi iabo. Mintima bika orai'a buabo. ¹⁷ Mintira ata bakauka, nee bihaikara tabatabo. Nee rauruate. Nee kiabu kaimanta una'ara bainti lo rauhe bariaka nii abu ato hampi ira nee mara ura ututaira tutate. ¹⁸ Nee Kotira ha'uru itara ira norai abi ko'e abu ato Nora Ihu Karaitirai hai barate. Bira autu bara bini iare bate bata airu enta bata. Bira u'abe.